ISAI 59:2 - Bawm Common Language Bible Version

² Nanmah sual ruangah an ngâi piak duh na lo mi asi. Sawnh ding nan awt liauah Pathian lakah mi an ṭhen natu chu nan sualnâk asi.

ISAI 59:2 ပူးပေါင်းရင်းမြစ်များ

THUFING LASUIBU 15:29

Mi ṭha nih thla a cham chun LALPA nih a ngâi le, sikhawmsele misual tla chu ngaihlo lêm a thlâk na.

ISAI 1:15

“Thlacham hen nan bân nan phar tik khawm ah ka nan zauh na ding asi lo. Zeizat tal thlacham khawm ule, nan kut chu thisen a buaih hep ruangah kan ngâi piak na ding asi lo.

ISAI 50:1

LALPA nih, “Mi nih a nupi a mâk mi hâwi hen ka mi tla hi kaltir ving ding hen ma nan ruat? Asi chun, mâknâk lasui zeiah a um? Mi nih a fa tla sal ah a zuar ving na mi hâwi hen sal ah an zuar ving na hen ma nan ka ruat? Silo, nan sual ruangah sal ah put hen nan um mi asi; thilsual nan ti ruangah nar hen nan um mi asi.

ISAI 57:17

An sual ruang leh an hamkahnâk ruangah an lakah ka thin a run le, anmah ka rêp na hen ka kaltâk na. Sikhawmsele ê-aw ngâilo hen anmah duh dân hâwi kumza hen an kal.

ISAI 58:4

Nan buh ngeinâk nih a nan râwk na le, nanna êl le, nanna sual. Hi bang hâwi buh ngei hen thlachamnâk lakah hin an ngâi piak na ding hen nan ka ruat ma?

JEREMIA 5:25

Chubang ding ngâk hen, nan sualnâk nih chubang thil ṭha tla chu an dawktir na asi.

LUNGFÂKNÂK 1:8

Zah a kâinâk chu a vei rawh. Takkaro leh mi zauhnawmh hen a um rawh. A rûm le, a ningzak tuk ah a mêl a thuh. Jerusalem chu sual ṭihnungkâi tak hen a nâwmtâmtir rawh.

EZEKIEL 39:29

Ka mi Israel tla tlûnah ka thlarau ka tawih lai le, anmah tla ka kaltâk na lai lo rawh. Kei, LALPA Zahkâi nih ka sim asi,” a ti.

MIKAH 3:4

LALPA nan auh ding mi tik a tlung awt, sikhawmsele a nan sâng na lai lo. Thilsual nan ti ruangah nan thlachamnâk khawm an sâng na lai lo.

JOSUA 7:11

Israel tla nih thilsual an ti! Zûl ding thu ka pêk na mi an buar rawh. Veih ding mi thil zeimawh tla an lâk. An fîr le, anmah thil nâwngah an siah.

1 SAMUEL 4:3

A thibang tla an mun ah an hawng kîr nawlh rawh chun Israel ruitu tla nih, “Zei rangah tusûn ni ah LALPA nih kanmah nehtu ding hen Philistia mi tla a siam na zia? Siloh ah mi LALPA Thudântuk Bâwm kan va lâk lai, chu tikah kan sinah a hawng bâk lai le, kan mêlma lakah hawng kan suah kho ding hen,” an ti.