ISAI 57:4 - Bawm Common Language Bible Version

⁴ Âu me nan nihsanh? Nannih âwkrâwl thusim tla âu me nan diriamh?

ISAI 57:4 ပူးပေါင်းရင်းမြစ်များ

2 CHRONICLES 36:16

Sikhawmsele, Pathian mifial chu an do le, a thu tla siarlo hen khuavâng chu an nihsanh, a dawnghnâk ah chun LALPA thinthawknâk chu a fâk tuktarâi le, pakhat khawm a him mi an um lo.

SAM 22:13

Chakeibaknei hawi hen an kâ an âng le, an hûk hen an ka sâm.

SAM 22:17

Ka ruh zawzawng a lang ver le, ka mêlma tla nih an ka zauh le, an ka ngiat.

SAM 22:7

Hawng ka muhtu zawng nih an hawng ka nihsanh; an lei an sâk le, an lû an lei.

SAM 35:21

“Na ti mi kan muh set,” ti hen keimah phiar hen an âu!

SAM 69:12

Khualâi tlâng ah keimah thu karo an sim, Zurî mi tla nih la hen an ka suangkhâng.

EXODUS 9:17

Chu khawm ah na siar lo nget rih le, ka minung tla na suah duh na loh.

ISAI 1:4

Mi vânduai, phun sual tak, râwk hen um mi leh misual nan si! Nan sualnâk nih a nan niamtir na! LALPA Israel Pathian thenhlimh chu nan duh lo le, dunglei nan sît.

ISAI 10:15

Sikhawmsele, LALPA nih, “Reitlung nih amah mangtu ngâk hen ka lian dauh a ti kho lai ma? Thing lahnâk sarai nih a lahtu sinah nang ngâk hen ka herh dauh a ti lai ma? Kutzâ chu minung lirhtu asi lo le, minung nih kutzâ chu a lirh dauh asi,” a ti.

ISAI 30:1

LALPA nih thu a sim le: “Juda lakah lâirêltu tla chu ka lakah an hel ruangah an vânduai! Keimah siam lo mi thiltum an zûl le, keimah duh lo kâng hen remnâk ding ah min an rîn le, mi pakhat sual midang tlûnah an thang asi.

ISAI 30:9

Pathian lakah an hel kumza, âwkrâwl thu an sim kumza, LALPA sîntirnâk ngâi ding an êl kumza.

ISAI 37:23

Na zauhnawmh leh na nihsanh mi hi âu si hen na ruat? Kei Israel Pathian thenhlimh na hawng ka zah lo mi asi.

ISAI 37:29

Na thinthawknâk thu leh na khâwngnâk thu an sim mi tla ka theih le, tulam chun na nâr ah siau kan banh lai le, na kâ ah thirbarh kan barh lai le, na hawngnâk lampi lîlâ ah kan kîrtir nawlh awt,” a ti.

ISAI 48:8

Hel hâwi kumza hen theih nan si ruangah, zumh nan kâi kho awtlo ti ka theih. Chu chu asi, hi hi nan theih dahlo mi chu, zei rangah nan nâ ah thu a lût lo thlo.

ISAI 57:5

Ram ningnotirtu pathian tla chu nan thing thenhlimh tangah pung bû hen nan sawnh. Tiva mi tili kiangah lungpûk ah nan fa tla chu bâwlnâk ah nan mang.

JEREMIA 20:8

Thu ka sim kip ah “Zângnâwrnâk! Siatnâk!” ti hen ṭap hen âu ding ka suak. LALPA, na thuchah ka phuang ruangah zeiliau zawng ah nihsanh leh zauhnawmh hen ka um.

EZEKIEL 2:4

An lungkhung le, an hawng ka zah lo, churuang chun, kei LALPA Zahkâi nih thu ka sim mi anmah va simh na ding hen ka nan fial asi.

HOSEA 10:9

LALPA nih, “Israel mi tla nih Gibeah ah thilsual an tinâk thawk hen bâng duh lo hen an sual vima nget rih. Gibeah râltuknâk ah tleih hen an um lai.

NUMBER 16:11

Aron lakah nan chipchiar mi chu nang leh na murui tla nih hel hen LALPA nan do mi asi,” a ti.

MATHAI 13:38

“Chî ṭha vawrhtu chu Minung Fapa hi asi; lo chu laikulh hi asi le, chî ṭha chu Pathian Ram fa tla an si le, fâng telê chu Setan fa tla an si.

MATHAI 27:29

Chun, ling lukhuh an phiar le, an khuhtir le, a kut vawrhlei ah lâiluang an puttir; a mâika ah an siksidîr le, “Chibai, Juda tla Lalchem!” ti hen, nihsuak siamnâk ah an mang.

LUK 10:16

Jisu nih a ṭhiruai tla sinah, “Âuzawng nannih thu ngâitu chu keimah thu ngâi an si; âuzawng an duh lo natu chu keimah an ka duh lo mi asi; âuzawng kei hawng ka duh lo mi chu hawng ka fialtu duh lo asi,” a ti.

THILTI 9:4

chun tual ah a tlû le, a sinah, “Sawl, Sawl, nangnih zei rangah na hawng ka nehsawh?” ti hen, hâu a theih.

EPHESI 5:6

Âukhawm nih thu salam hen an perpet lah na seh; chubang thu ruang chun Pathian thinrunhnak lunglo mi tla tlûnah a tlung tâwn.

KOLOSA 3:6

chubang thil ruangah asi Pathian thinthawknâk chu lunglo fa tla tlûnah a tlung tâwn mi chu;

JOSUA 10:21

Josua minung tla chu Makedah riakmun ah him tak hen an hawng kîr nawlh rawh. Ram lakah mi âukhawm nih Israel tla sâwi hen thu an sim ngam lo rawh.

2 PETER 2:13

Tuarnâk siamtu tla chu tuarnâk ber hen rulh an si lai, an rangah din leh ei nuamchên chu sûn nî tangah asi le, nan sinah an ei bâk khawm ah, bumnâk ah um hen anna lâwm kar vial chu an rangah ningzaknâk leh mualphonâk cho asi.