ISAI 57:17 - Bawm Common Language Bible Version

¹⁷ An sual ruang leh an hamkahnâk ruangah an lakah ka thin a run le, anmah ka rêp na hen ka kaltâk na. Sikhawmsele ê-aw ngâilo hen anmah duh dân hâwi kumza hen an kal.

ISAI 57:17 ပူးပေါင်းရင်းမြစ်များ

THUSIMTU 6:9

Zeikhawm asi lo; thli ṭhâwl mi hâwi asi. Thil dang duh ruang mâng a um ngâk hen chun mah neih lakah lâwmnâk nei a ṭha dauh.

ISAI 1:4

Mi vânduai, phun sual tak, râwk hen um mi leh misual nan si! Nan sualnâk nih a nan niamtir na! LALPA Israel Pathian thenhlimh chu nan duh lo le, dunglei nan sît.

ISAI 2:7

An ram chu ngûn leh tangka hen a khat le, an neih kil khawm dih ti a um lo. An ram chu rang hen a khat le, an kari tla khawm dawng ti a um lo.

ISAI 42:24

Âunih me Israel chu râwktu tla sinah a pêk? Amah tlûnah thilsual kan ti mi LALPA tak asi! Um ding hawng kan duh mi dân hâwi hen kan um lo le, sîntirnâk hawng kan pêk mi khawm kan zûl lo.

ISAI 45:15

‘Israel Pathian, a mi tla ruangsuahtu a thup hen a um mi Pathian chu asi.

ISAI 56:11

Annih chu ui hamkah tâwk ti nei lo mi hâwi an si. Hi bang ruitu tla nih theihthiamnâk zeikhawm an nei lo. An ektê hen mah duhzia zia hen thil an ti le, anmah rangah ṭhatnâk cho an hâwl.

ISAI 64:9

churuang chun kan lakah na thinthawk tuktarâi lah le, kan sualnâk kan tlûnah siah kumza lah. Na mi tla kan si le; kan lakah khuaruat rawh.

ISAI 66:3

“Zapi tla chu anmah duhzia hen thil an ti. Bâwlnâk ah chaw thahtu mawh, minung thahtu mawh, bâwlnâk ah dawrâ fa thahtu mawh, ui ngâwng merhtu mawh; sangvut aptu mawh, vawk thî aptu mawh; rimthâw ap hen milem sinah thlachamtu chu anna bang hep. Fihnungkâi tak hen sawnh chu an duhzia asi.

ISAI 8:17

LALPA chu a mi tla lakah mi â thup le, sikhawmsele amah chu ka zumh hen a sinah lungumnâk ka siah.

ISAI 9:13

LALPA Zeizawng tikho nih Israel tla chu rêp na menza khawmsele, amah leikângah rim hen an kîr dahlo rih.

JEREMIA 2:30

Ka nan rêp le, zeikhawm a ṭhavak lo; nun a nan simh ding khawm na ka duh lo. Chakeibaknei a râng mi hâwi hen na khuavâng tla na thah na.

JEREMIA 22:17

Sikhawmsele nangmah kawngkâ cho na ruat le; a sual lo mi rangah na thah le, na mi tla chu zângran ko hen na nehsawh na. LALPA nih a sim asi.

JEREMIA 3:14

“Mi zumhkâilo tla, hawng kîr u; ka tâ nan si. Khuapi kip ah mi pakhat vima leh chi kip ah mi panih vima kan lâk na lai le, Zion Tlângah ka nan kîrpi na lai.

JEREMIA 3:22

Kâng dang leiah LALPA hertâktu zawzawng, hawng kîr u; a nan damh na lai le, zumhkâi hen a nan siam na lai. Nannih nih, “Asi, kan Pathian asi ruangah LALPA sinah kan hawng.

JEREMIA 5:3

LALPA nih zumhkâinâk a hâwl. A nan vuak le, sikhawmsele a thu na ngâi duh lo. A nan râwk le, sikhawmsele sîn ding na duh lo. Na lung a khung hen na sual na lêt duh lo.

JEREMIA 51:13

Chu ram nih chun tiva tam tak leh neih leh siahnâk tla a nei, sikhawmsele a tik a dawng rawh le, a nukrî khawm sah asi rawh.

JEREMIA 6:13

Mikip a lian a mê tangka lakah zumhkâilo tak hen an um; khuavâng leh bâwlpu tla tiang nih mi an perpet.

JEREMIA 8:10

An phâisen chu midang a dâwngpu thar rangah ka pêk na lai le, an nupi tla midang sinah ka pêk na lai. A lian a mê hen tangka leikângah zumhkâilo hen an um. Khuavâng leh bâwlpu tla men nih mi an perpet.

JEREMIA 8:6

Thiamthih tak hen ka ngâi le, sikhawmsele thu dik rêng nan sim lo. Nan lakah âukhawm a sual ruangah pawi ti an um lo; ‘Zei thilsual me ka ti aw?’ ti hen ruattu pakhat khawm nan um lo. Râltuk ding hen rang a tek mi hâwi hen mah duhnâk chiauah nan kal kumza.

EZEKIEL 33:31

Churuangah ka mi tla chu na thusim ngâi ding hen anna pûm le, sikhawmsele ti ding hen na simh na mi chu an ti lêm lo. Na thusim chu la salam hâwi an ruat le, an duhleinâk chu a mahmun nget.

LUK 12:15

Chun, an sinah, “Thiamthih ule, ngarhnâk rerêng lakah chun a vêng u, neih leh siah hi minung dam san asi lo,” a ti.

KOLOSA 3:5

Chun, nan taksa ṭeng tual a um tla hi thah u, duhnâk, nâwmtâmnâk, hurnâk, duhnâk sual, duhlei hamkah tla hi, hamkahnâk hi ruksawnhnâk asi;

1 TIMOTHE 6:9

Sikhawmsele, neih tum mi tla chu lêmnâk tla ah, thang lakah, âtkâi leh râwkkhonâk duhnâk tam tak ah an tlû tâwn. Chubang duhnâk tla nih chun siatnâk leh râwknâk ah chun mi tla a piltir tâwn.

2 PETER 2:14

An thinlung ah chun nunau duhnâk an khattir le, sual leikang thilti an chim lo, mi chaklo tla an tlûktir le, an thinlung chu duhnâk ah an zawngh nek le, Pathian siatbarhnâk tangah um mi tla an si.

2 PETER 2:3

Chun, sîntirtu diklo tla nih chun âwkrâwl thu hen sawlehnâk ah an mang na lai. Sikhawmsele, tuan thawk hen an rangah lâirêlnâk chu timh chia asi le, anmah tla tlâutirtu khawm a it lo asi.