ISAI 57:16 - Bawm Common Language Bible Version

¹⁶ Ka mi tla chu nungnâk ka pêk tâwn le, an lakah phiarnâk leh thinthawknâk ka umtir kumza awtlo.

ISAI 57:16 ပူးပေါင်းရင်းမြစ်များ

GENESIS 6:3

Chun LALPA nih, “Minung tla chu um kumza ding hen ka siang na awtlo rawh; thi tlâk an si. Tu thawk hen kum 120 lêm an dam lai lo rawh,” a ti.

2 SAMUEL 24:16

LALPA vânmifial nih Jerusalem a râwk awt liauah leh a thah na liauah LALPA nih a thinlung a dangtir le, “Bâng rawh! Â tâwk rawh!” a ti. Vânmifial chu Jebus mi tla fâng chîlnâk mun Araunah mun ah a um.

JOB LASUIBU 12:10

A thilsiam nungnâk duh duh hen tikhotu chu Pathian asi le, minung tla nungnâk khawm amah thu thu asi.

SAM 85:5

Kan lakah na thinthawk kumza awt mazei? Na thinthawknâk chu a bâng awtlo ma?

THUSIMTU 12:7

Kan taksa tla chu tual mi valei ah â chang lai le, kan nungnâk thaw tla chu hawng kan pêktu Pathian sinah a kîr lai.

ISAI 27:8

LALPA nih a mi tla chu sal ah kaltir na hen a rêp na. Saklei mi thli ṭhalo hen a put ving na.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 42:5

Pathian nih vân tla a siam le, a pharh; tual leh chu lakah um mi tla umdân ding a siam. Mi zawzawng sinah nungnâk leh thaw a pêk na. Tuah LALPA Pathian nih a to-aw sinah thu a sim le,

ISAI 64:8

Sikhawmsele, LALPA, nang chu kan pa na si. Kannih chu sunhtlung valei hâwi kan si, nang chu bêl hêmtu hâwi na si. Nangmah siam mi kan si,

JEREMIA 10:24

LALPA, na mi tla chu diktir na le, sikhawmsele na thinthawk hen hawng kan rêp khawm ah fâk tuktarâi lah seh; chu chu kan dawngnâk asi lai.

JEREMIA 3:5

Na thinthawk kumza lai lo rawh; ka lakah kalh hen na um kumza lai lo rawh,’ na ti. Israel chu hâwi hen thu na sim le, sikhawmsele thilsual na ti ding mi chu na ti nget,” a ti.

JEREMIA 38:16

Churawhchun, lalchem Zedekiah nih a thuptê hen thu hawng ka tiamh, “Pathian nung, nungnâk hawng kan pêktu Pathian min sal hen ka tiam asi, ka nan thah lai lo le, nangmah thah ding duhtu sinah khawm kan pêk lai lo,” a ti.

EZEKIEL 18:4

Mikip nungnâk chu ka tâ asi le, nu leh pa leh fa tla nungnâk khawm keimah kut ah a um. Thilsual titu chu a thi lai.

AMOS 1:11

LALPA nih, “Edom mi tla chu an sual nûnah an sual nawlh ruangah ka rêp nget na awt. An unau Israel tla an thah na le, an lakah khuaruatnâk an nei lo. An thinthawknâk chu a dawng hen a bâng kho lo.

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

ZEKARIA 12:1

Hi hi Israel mi tla thu ah LALPA vân siamtu, tual tuahtu leh minung nungnâk pêktu thawk hen thuchah chu asi:

NUMBER 16:22

Sikhawmsele Mosi leh Aron chu an mêl tual lei hawih hen an kûn le, “Pathian, nang chu nungnâk bul zawzawng na si. Minung pakhat sual ruangah zapi minung tlûnah na rothawk na maw?” an ti.

HEBRAI 12:9

Taksa leiah pa tla nih nun hawng kan simh le, chubang tla chu kan zah na; chu ngâk fâk dauh hen, kan nungnâk ding hen thlarau lei Pa thu thu hen kan um awtlo ma?