ISAI 57:13 - Bawm Common Language Bible Version

¹³ Ṭangpi hauh hen nan ngiar tikah nan milem tla nih a nan hum na seh! Thli a lêng mi nih a put ving na lai! Sikhawmsele keimah hawng ka rinhsanhtu chu ram lakah a um lai le, ka Biakin ah hawng ka sawnh lai,” a ti.

ISAI 57:13 ပူးပေါင်းရင်းမြစ်များ

2 Lal 3:13

Chun, Elisa nih Israel lalchem sinah, “Zei rangah nang rangah kan ṭangpi lai, na nu leh na pa nih thu an deih na tâwn mi khuavâng tla sinah va kal le, thu va deih ko,” a ti. Joram nih a sâng le, “Silo! Kannih lalchem pathum tla hi Moab kut ah hawng kan pêktu chu LALPA asi,” a ti.

JOB LASUIBU 21:18

Pathian nih a thinthawknâk hen misual chu fabû thli nih a ranh ving hâwi leh ruah nih valeidip a fenh mi hâwi hen a rêp dah tâwn ma?

SAM 1:4

Misual tla lam chu chu hâwi an si lo; Fabû thli nih a ranh phin mi hâwi an si.

SAM 118:8

LALPA lakah ngauh chu minung lakah ngauh ngâk hen a ṭha dauh.

SAM 125:1

LALPA ngauhsantu tla Zion tlâng ninh kho lo leh ṭhial dahlo mi hâwi asi.

SAM 37:11

Mi â nautir mi nih ram chu anna ting lai le, vânṭhatnâk lawmh hen lungngam tak hen an um lai.

SAM 37:22

LALPA nih mal a sâwm na mi nih chun ram chu an luah lai le; khawmsele siat a barh na mi chu nar phin an si lai.

SAM 37:29

Mirep tla nih chun ram chu anna ting lai le, a sungah an um kumza lai.

SAM 37:3

LALPA lakah a ngauh le, thil ṭha ti rawh; ram ah chun um le, him rawh.

SAM 37:34

LALPA lakah lungum le, a thupêk tla zûl rawh; ram an pêk mi hen thangṭhat an lawhtir lai, chun misual tla nar an si mi na muh lai.

SAM 37:9

LALPA lakah ngauhtu nih chun ram anna ting lai le, misual tla lam chu nar an si lai.

SAM 58:9

An theih manh lan karah bua an thlawh mi hâwi hen um na sele, Pathian thinthawknâk nih an dam liauah ranh ving na seh.

SAM 84:12

Zeizawng tikho Pathian, nangmah an ngauhsantu tla chu anna lâwm ngâk a!

THUFING LASUIBU 28:25

Mah mâi sialnâk nih nawknâk a suah. LALPA sirhsanhtu chu a ṭha khun asi.

ISAI 11:9

Pathian tlâng thenhlimh, Zion tlûnah chun nganfâk pêk leh thilsual zeikhawm a um lai lo. Tipi tla chu tî hen a khat mi hâwi hen, ram chu LALPA theihnâk hen a khat lai.

ISAI 14:32

Philistia ram thawk hen mifial a hawng mi chu zeitin kan sâng na lai? LALPA nih Zion chu a birhtir le, tuartu a mi le tla nih chun chunah chun himnâk an tawng lai ti hen kan simh na lai.

ISAI 25:4

Mipâm leh ṭangpitu nei lo chu na sinah an hawng tek le, lawksawng liauah him tak hen an um. Thli leh ruah lakah dawrnâk na pêk le, nî sâ lîn lakah mi chu dâidul ah na umtir na. Misual tla nih busik liauah thli leh ruah hâwi hen leh, ram châr lakah nikhua kheu hâwi hen an do.

ISAI 40:24

Thil keuh phun hen ram a thlâk mi hâwi asi. LALPA nih thli a hawng lêngtir le, An châr le, fapawn hâwi hen thli nih a sêm phin.

ISAI 41:16

Boruak ah na vawrh phin lai le thli nih a ranh ving lai, thlipi nih a thektham hep lai. Churawhchun, kei na Pathian kasi ruangah na lâwptlo lai rawh; Israel Pathian thenhlimh chu na ka sawr lai rawh.

ISAI 45:20

LALPA nih, “Phun zawzawng mi tla, Ram neh hen a um liauah thibang zawzawng tla hawng a pûm ule, niknâk lakah a pêk u! An thing milem hen khualâi ṭawltu tla, anmah hum kholotu pathian sinah thlachamtu tla, chubang minung tla nih chun zeikhawm an theih lo.

ISAI 49:8

LALPA nih a mi tla sinah, “Nangmah ruangsuahnâk ding hen tik a hawng tlung chun kan sunhsak zia ka langhtir lai le, ṭangpi deih hen na âu mi ka nan sâng lai. Kan vêng hen ka nan hum lai le, nangmah ruangah mi zawzawng hen thudântuk ka siam lai. Tuah nan ram siat leh râwk hen a um mi lakah hin ka nan umtir nawlh lai.

ISAI 56:7

“Ka tlâng thenhlimh Zion ah ka nan kalpi na lai le, ka in ah thlachamnâk ah lâwmnâk ka nan pêk lai le, ka mâichâm ah bâwlnâk nan hawng ap mi chu ka pawm lai. Ka Biakin chu phun zawzawng thlachamnâk in ti asi lai,” a ti.

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 65:11

“Sikhawmsele, keimah hawng ka kaltâktu, Zion siarlotu, ka tlâng thenhlimh siarlotu, vân ṭhat leh thihnâk pathian tla, Gad leh Meni sawnhtu tla chu nannih rang chun anna dang ving lai.

ISAI 65:25

Chingngia leh dawrâ fa tla munkhat hen râwl an ei lai. Chakeibaknei tla nih ran hâwi hen fapawn an ei lai le, rûl tla khawm ṭihnung an kâi lai lo rawh. Ka tlâng thenhlimh Zion ah nganfâk leh sualnâk zeikhawm a um lai lo rawh,” a ti.

ISAI 65:9

Juda phun lakah mi Israel tla chu mal ka sâwm na lai le, an thlâk tla nih ka ram lakah mi tlâng tla anna ting lai. Ka mi, keimah nâwl zulhtu ka mi thîm tla chu chunah an um lai.

ISAI 66:20

Chubang phun tla thawk hen nan ram mi minung tla ka rangah thilpêk hâwi hen an hawng kîrpi lai. Ka tlâng thenhlimh Jerusalem ah rang tlûnah leh sanatung tlûnah to hen sangâwngsâu tla leh rang kari leh chawpê kari tla hen Israel tla nih fâng thil ap Biakin ah a siahnâk thenhlimh ah an hawng put mi hâwi hen an hawng put na lai.

JEREMIA 2:28

“Nan rangah nan siam mi pathian tla zeiah an um? An tikho mi asi chun, nan lawksawng liauah ruang a nan suah na seh! Juda, khuapi tam tak na nei mi hâwi hen pathian tam tak na nei.

JEREMIA 22:20

Jerusalem mi tla, Lebanon ah kal ule, âu u, Basan ram ah kal ule, ṭap u; nan murui tla neh hen an um ruangah Moab tlâng thawk hen âu u.

JEREMIA 22:22

A nan rui natu tla chu thli nih a ranh ving na lai le, nan murui tla chu râltuknâk ah an tleih hep na lai, nan khuapi tla chu thilsual nan ti mi tla ruangah ningzak leh mualpho hen a um lai.

JEREMIA 30:14

A nan dâwt natu zawzawng nih a nan philh na rawh; nannih rerêng an sunhsak na lo rawh. Mêlma hâwi hen ka nan do na; nan sualnâk a tam tuk ruangah leh nan ṭhatlonâk a fâk tuk ruangah nan rêpnâk khawm a fâk khun.

EZEKIEL 20:40

Chu ram ah mi ka tlâng thenhlimh ah, Israel tlâng sâng ah, nannih Israel mi zawzawng nih nan hawng ka sawnh lai rawh. Nan lakah ka lâwm lai le, bâwlnâk tla, nan thil ap ṭha chem tla, nan thilpêk thenhlimh tla, nan ka pêk ding mi lakah lungumnâk ka nei lai rawh.

HOSEA 13:3

Churuangah hi bang minung tla hi zînglei ah mi dâmtî a vei ving mi hâwi an si lai. Fâng khâwngnâk ah fapawn thli nih a ranh mi hâwi leh palang lakah mi meikhû a suak mi hâwi an si lai.

JOEL 3:17

Churawhchun, Israel, na Pathian kasi zia na hawng ka theih lai rawh. Ka tlâng thenhlimh ah ka um lai le, Jerusalem chu khuapi thenhlimh asi lai. Ramdang mi tla nih an neh na lai lo rawh.

ZEKARIA 7:13

An sinah thu ka sim mi an ngâilo ruangah thla an cham mi khawm ka ngâilo.

LÂIRÊL 10:14

Kal ule, nan thîm mi pathian chu auh u. Nan lawksawng liauah anmah nih an hum na seh,” a ti.