ISAI 57:11 - Bawm Common Language Bible Version

¹¹ LALPA nih, “Ka sinah âwkrâwl thusim hen hawng ka philh hep ding hen an ṭhih natu tla hi zei pathian me an si? Sâwt tak ka dâisip ruangah keimah nan ka zah ding mi chu nan bâng mu?

ISAI 57:11 ပူးပေါင်းရင်းမြစ်များ

SAM 50:21

Hi zawzawng thil na ti khawm ah zei thu khawm ka sim lo, churuang chun nangmah hen bang cho na ka ruat. Churuang chun tuah nunsimh hen thu ka nan simhfiang lai.

SAM 78:36

Sikhawmsele an thu tla chu âwkrâwl hep asi le, an sim mi zawng tla chu zumh a kâi lo.

THUFING LASUIBU 29:25

Mi nih an ruat mi hâwi hen thinlung put chu ṭihnung a kai le, sikhawmsele LALPA lakah ngauhtu na si chun na him lai.

THUSIMTU 8:11

Zei rangah mi nih thilsual âwlzâng tak hen an ti zia? Thilsual ti chu rêp sâwm an si lo ruangah.

ISAI 26:10

Misual sin khawm ah vêl na nei le, thil dik ti lam chu an tum dahlo. Hi mirep umnâk ram khawm ah hin thil diklo an ti nget rih; na rokualnâk theih ding an duh lo.

ISAI 30:9

Pathian lakah an hel kumza, âwkrâwl thu an sim kumza, LALPA sîntirnâk ngâi ding an êl kumza.

ISAI 42:14

Pathian nih, “Sâwt tak chu dâisip hen ka um le; ka mi tla rangah ka sâng na lo. Sikhawmsele tu chun thilti ding tik a hawng tlung rawh; nunau nganfâk mi hâwi hen ka râk.

ISAI 44:20

Vachâm ei mi hen a finghnâk â bang cho. A thinlung âtnâk nih amah chu ṭangpi kho lo rê hen diklonâk leiah a kalpi. A kut ah a tleih mi milem chu pathian asi lo thlo ti a theih lo.

ISAI 47:7

Lalnu si kumza ding na ruat le, chubang thil zawzawng a dawng ding mi chu thinlung ah dawnnâk leh ruatnâk zeikhawm na nei lo.

JEREMIA 2:32

Nungâk nih a lungsung mawh umhnâk thuam mawh a philh ma? Sikhawmsele, ka mi tla nih chun, a ni sim leh rêl châwklo rê hen an hawng ka philh.

JEREMIA 3:21

Tlâng tlûnah hâu theih hen a um: Israel mi tla nih LALPA an Pathian philh hen sual tak hen an um ruangah ṭap hen an ngiar mi asi.

JEREMIA 38:19

Sikhawmsele, lalchem nih a sâng le, “Kan ram minung Babulon leiah tek ding mi chu thungâi ka ṭihpi na, kei khawm an sinah pêk leh rêp hen ka um kho,” a ti.

JEREMIA 42:20

Churuangah tuah thihnâk rê hen thil diklo nan ti ti ka nan simhkan na. LALPA kan Pathian sinah thla an cham piak na ding hen nan hawng ka ngiar le, thupêk zawzawng ti ver ding thu nanna tiam.

EZEKIEL 13:22

“Nan âwkrâwl thusim hen mi ṭha nganfâk pêk ding ka duh na lo mi tla, nan zerhtir ver na. Misual tla chu thilsual ti bâng ding mi leh an nungnâk hum hen um ding mi nan kham na.

HOSEA 11:12

LALPA nih, “Israel nih an âwkrâwl thusim leh an perpetnâk nih an hawng ka kulh pang. Juda mi tla khawm nih, kei, mi zumhkâi leh Pathian thenhlimh tlûnah an hel kumza nget rih.

MATHAI 25:25

Chun, ka lâu le, ka va kal le, na talent kha tual ah ka thuh le; zauhnik, na tâ tê kha na muh nawlh hi,’ a ti.

THILTI 5:3

Sikhawmsele, Peter nih, “Anania, Thlarau Thenhlimh sinah âwkrâwl thu sim ding hen leh thil man zeimaw zat pheh ding hen zei rangah Setan nih na thinlung a khattir?

2 THESALONIKA 2:9

Chu Dân Buartu hawng kalnâk chu Setan ṭuan zia hâwi vima hen, thiltikhonâk zawzawng, singsiahnâk zawzawng,

1 TIMOTHE 4:2

Chubang mi âwkrâwl tla chu anmah sia leh ṭha theihnâk ngelchel hen thîr lîn hen belh mi hâwi an si le,

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.