ISAI 57:1 - Bawm Common Language Bible Version

¹ Mi ṭha tla chu an thi le, âukhawm nih an theih hen an âwva lo. Sikhawmsele an thih liau khawm ah vânduainâk nih an lung a fâktir kho lo.

ISAI 57:1 ပူးပေါင်းရင်းမြစ်များ

1 Lal 14:13

Israel mi zawzawng tla nih an sûn lai le, an vûi lai. Jeroboam dâwngsung lakah amah cho chu ṭhadektê hen an vûi lai. LALPA Israel Pathian chu amah tlûn cho ah a lungsi ruangah.

2 Lal 22:20

Sikhawmsele, na thlacham hâu ka theih le, Jerusalem lakah rêpnâk lam chu na thih nûnah asi lai rawh. Nang lam chu thlangam tak hen kan thihtir awt,” a ti. Hi thuchah tla hen mifial tla chu lalchem Josiah sinah an kîr rawh.

2 CHRONICLES 32:33

Hezekiah chu a thi le, lal thlân mun tlûn dauh mi tlûnah an phûm. A thih ni ah chun Juda leh Jerusalem mi zawzawng nih zah tak hen ruak an râl. A fapa Manaseh chu a ruangrûl ah a lal.

2 CHRONICLES 34:28

Kei nih nan thlachamnâk ka theih hen Jerusalem tlûnah rêpnâk ka hawng tlungtir ding mi chu na thih tiang tlunglo hen a um lai le, thlangamtê hen ka nan thihtir lai,” a ti. Chu thuchah hen chun lalchem Josiah sinah an kîr rawh.

2 CHRONICLES 35:24

A kari lakah mi chu an châwi le, a kari dang lakah an siah le, Jerusalem ah an kalpi. Chunah a thi le, lal thlân ah an vûi rawh. Juda leh Jerusalem mi zawzawng nih an ulh.

SAM 12:1

LALPA! hawng ka ṭangpi! Mi ṭha rerêng an um lo, mi dik rêng tawng kho asi lo.

SAM 37:37

Mi ṭha chu zauh le, mirep chu singsiah rawh; Remnâk duhtu nih thlâk a nei,

ISAI 42:25

Churuangah a thinthawknâk theih ding hen hawng kan siam le, siatnâk râltuk hawng kan tuartir. Mei hâwi hen Israel pumpi chu a thinthawknâk nih hawng kan khangh le, sikhawmsele, zei a hawng tlung ti khawm kan theih lo nget rih; chu lakah zeikhawm kan rangah theihnâk kan nei lo.

ISAI 47:11

Siatnâk na lakah a hawng tlung lai le, na dâwithiamnâk nih a kham kho lai lo. Mawhsareh hen na lakah siatnâk a hawng tlung lai le, chu siatnâk chu na dawn dahlo mi asi!

ISAI 47:7

Lalnu si kumza ding na ruat le, chubang thil zawzawng a dawng ding mi chu thinlung ah dawnnâk leh ruatnâk zeikhawm na nei lo.

ISAI 57:11

LALPA nih, “Ka sinah âwkrâwl thusim hen hawng ka philh hep ding hen an ṭhih natu tla hi zei pathian me an si? Sâwt tak ka dâisip ruangah keimah nan ka zah ding mi chu nan bâng mu?

JEREMIA 18:11

Tuah, Juda mi leh Jerusalem mi tla chu anmah rêp na ding hen ka tum mi chu ka timhtuah zet rawh ti simh na. An umdân sual tla bâng hen an thilti tla lêt ding hen simh na.

JEREMIA 22:10

Juda mi tla, lalchem Josiah chu ṭappi lah ule, a thihnâk khawm ulh lah u. Sikhawmsele a fapa Joahaz an kalpi ving mi hawng kîr lo rawh hen, a suaknâk ram muh lo rawh ding mi rangah lungfâk tak hen ṭap u.

EZEKIEL 21:3

Israel ram chu kei LALPA nih thu ka sim mi simhkan na: Kei hi nan mêlma kasi, ka nâmsâu ka phâwi lai le, mi ṭha leh misual bang cho hen ka nan thah hep na awt.

MIKAH 7:2

Ram lakah mi zumhkâi pakhat khawm an um lo, Pathian lakah khawm zumhkâi pakhat khawm an um lo, mikip nih mi thah ding hen dêngkhâwng tik an bawh ver. Mikip nih ram sungah mi an thah na.

MALAKI 2:2

Nan thilti hen keimah nan hawng ka zah ding asi. Ka thusim nan ngâilo chun nan tlûnah siat ka tlungtir awt. Nanmah ṭangpinâk ding ah thil nan tawng mi chu siat ka lawh awt. Ka thupêk tla nan zûl tatak lo ruang takah tu khawm ah siat ka barh rawh.

NUMBER 23:10

Israel thlâk tla chu valeidip hâwi an si- Rêl ding hen an tam tuk. Pathian mi tla lakah pakhat hâwi hen ka san dawngtir le; Mi rep tla hâwi hen lungngam tak hen hawng ka thihtir” a ti.