ISAI 56:9 - Bawm Common Language Bible Version

⁹ LALPA nih ramdang mi phun tla chu ramsa hâwi a hawng hen a mi tla veih na ding hen a simh na.

ISAI 56:9 ပူးပေါင်းရင်းမြစ်များ

SAM 104:20

Zân na siam le, mûi lakah ramsa zawzawng an hawng suak.

ISAI 18:6

Kawrsen ruak tla chu va leh ramsa tla rangah mâk hen a um lai. ṭhâlpini ah va tla nih râwl rangah an tlanh lai le, busik ah ramsa tla nih an tlanh na lai,” a ti.

ISAI 46:11

Saklei thawk hen minung pakhat hawng ding hen ka kawh le; mû hâwi hen a hawng a thlûr lai le, thilti ding ka tum mi chu a hawng lîm lai. Ka sim mi chu ti hen a um lai.

JEREMIA 12:9

Ka mi thîm tla chu munkip ah mû nih va tla a râl na mi hâwi an si. Puai eipi na ding hen ramsa tla kawh na u!

JEREMIA 23:1

Lâirêltu tla, a mi tla veihtu leh rektirtu tla tlûnah LALPA lâirêlnâk chu a fâk awt chiam e!

EZEKIEL 29:5

Nang leh ngâ tla chu ramkaro ah kan lawnh lai. Na taksa chu vûi lo hen tual ah a rîl lai. Vâ leh ramsa tla râwl rangah ka pêk na lai.

EZEKIEL 39:17

LALPA Zahkâi nih ka sinah, “Thikho mi minung, bâwlnâk an rangah ka timhtuah mi ei ding hen va zawzawng leh ramsa tla a kiangkam ah mi hawng ding hen kawh na. Israel tlâng tlûnah sa an einâk leh thisen an dinnâk puai rokual tak asi lai.

DEUTERONOMY 28:26

Nan thi tikah ram sa leh vâ nih nan ruak an ei lai le, âukhawm a dâwitu an um lai lo.