ISAI 56:8 - Bawm Common Language Bible Version

⁸ LALPA Zahkâi, a mi Israel tla sal ah tâng mi kîrpitu nih, midang tla khawm anmah sinah hawng a fawnh ding hen a hawngpi na awt ti thu a tiamh.

ISAI 56:8 ပူးပေါင်းရင်းမြစ်များ

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

SAM 106:47

LALPA kan Pathian, hawng kan hum le, phun tla thawk hen hawng kan kîrtir nawlh rawh, churawhchun kanna lâwm lai le, na min thenhlimh kan sawr lai.

SAM 147:2

LALPA nih Jerusalem chu a dirh nawlh le, saltâng tla chu a kîrtir nawlh na.

ISAI 43:6

Marlei chu a nan suah na ding hen ka simh na lai le, simlei chu a nan thloh na lo ding hen ka simh lai. Ka mi tla chu ram lât tak, laikulh munkip thawk hen kîrtir na u.

ISAI 49:12

Ka mi tla chu ram lât tak thawk hen an hawng lai le, marlei leh thlanglei thawk hen simlei mi Asuan khuapi thawk hen an hawng lai,” a ti.

ISAI 49:22

LALPA zahkâi nih a mi tla sinah “Phun tla rangah theihtirnâk ka pêk na lai le, na fa tla chu in leiah an hawngpi na lai.

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

ISAI 54:7

“Sâwtlotê kar chu ka nan mâk le; dâwtnâk fâk tak hen ka nan lâk nawlh lai.

JEREMIA 30:17

Nan mêlma tla nih ‘Zion chu lawnh asi rawh; âukhawm zauhkhenhtu an um lo rawh,’ ti menza na khawmsele; kan damh nawlh na lai le; nan liam mâ tla ka damh lai. Kei, LALPA nih ka sim asi,” a ti.

JEREMIA 31:10

LALPA nih, “Phun tla, ka thu ngâi u, ka thu tla chu tiva kap lât takah va phuang u. Ka mi tla chu ka rektir phin na le, sikhawmsele ka pumh nawlh na lai le, dawrâpu nih a dawrâ rual a vêng na mi hâwi hen ka vêng na lai.

EZEKIEL 34:12

kei, LALPA Zahkâi, keimah ngelchel nih ka dawrâ chu ka zauhkhenh awt ti ka nan simh na asi. Vânduainâk ni ah anna rekrâwinâk mun zawzawng mûi lakah mi chu ka lâk nawlh na lai.

HOSEA 1:11

Juda mi leh Israel mi tla chu anna tlâi nawlh lai, an rangah ruitu pakhat an thîm lai le, an ram ah tluang tak hen an ṭhanglian nawlh lai. Jezreel ni chu ni rokual tak a hawng si lai!

MIKAH 4:6

LALPA nih, “Sal tângnâk ah ka rêp na hen hamhnâk tuartu tla munkhat ka pumh na ding mi tik chu a tlung awt rawh.

JOHAN 10:16

Chun, hi dawrâ kulh ah mi lo hi dawrâ dang ka nei; annih khawm ka hawngpi na ding asi, ka aw an ngâ lai; chuvachun rual khat hen an um lai le, vêngtu pakhat hen.

JOHAN 11:52

Chu phun tla ruangrûl cho chu asi lo, Pathian fa laikulh ah anna rek mi tla zawzawng murui khat ah a pumh na ding khawm hen asi.

JOHAN 7:35

Chun, Juda tla anna sâwn le, “Kan muh lo ding hen hi minung hi a zeime a kal awt? Greek tla sinah Juda ṭiau rekrâwi tla sinah kal hen Greek tla chu a sîntir na awt masi?