ISAI 56:7 - Bawm Common Language Bible Version

⁷ “Ka tlâng thenhlimh Zion ah ka nan kalpi na lai le, ka in ah thlachamnâk ah lâwmnâk ka nan pêk lai le, ka mâichâm ah bâwlnâk nan hawng ap mi chu ka pawm lai. Ka Biakin chu phun zawzawng thlachamnâk in ti asi lai,” a ti.

ISAI 56:7 ပူးပေါင်းရင်းမြစ်များ

1 Lal 8:41

“Ramdang mi minung, ram lât takah um mi minung nih na minthang zia leh na mi tla rangah thil rokual na ti mi an theih hen nangmah sawnh ding hen hi Biakin ah an hawng chun,

SAM 2:6

“Ka tlâng thenhlimh Zion ah, ka lal chu ka toh rawh,” a ti.

EXODUS 28:38

Aron nih a chal ah â pawnh lai le, churawhchun Kei, LALPA nih Israel tla thilpêk zawzawng leh ka sinah anna pêknâk leh mi zapi tla nih an thil ap lakah palh sualnâk khawm ah ka pawm lai.

ISAI 11:9

Pathian tlâng thenhlimh, Zion tlûnah chun nganfâk pêk leh thilsual zeikhawm a um lai lo. Tipi tla chu tî hen a khat mi hâwi hen, ram chu LALPA theihnâk hen a khat lai.

ISAI 19:19

Chu tik chun, Aigupta ram ah LALPA mâichâm a um lai le, LALPA sinah ap mi lungphun Aigupta ramri ah a um lai.

ISAI 19:21

LALPA chu amah tak Aigupta mi tla sinah â langh lai le, amah sinah anna theihtir hen amah an sawnh lai le, bâwlnâk an hawng put lai le, an ap lai. A sinah thutiam bir tak an nei lai le, an thutiam zia hen an ti lai.

ISAI 25:6

LALPA Zeizawng tikho nih hi Zion Tlâng tlûnah hin laikulh phun zawzawng rangah puai, buh ei ding mi ṭha chem leh uain ṭha chem mi hen puai a tuah awt.

ISAI 56:5

churawhchun na min chu ka Biakin ah leh ka mi tla sinah fapa leh fanu na nei mi ngâk hen theihkumza asi lai. Zeiliau khawm ah philh na si lai lo,” a ti.

ISAI 57:13

Ṭangpi hauh hen nan ngiar tikah nan milem tla nih a nan hum na seh! Thli a lêng mi nih a put ving na lai! Sikhawmsele keimah hawng ka rinhsanhtu chu ram lakah a um lai le, ka Biakin ah hawng ka sawnh lai,” a ti.

ISAI 60:11

A sûn a zân hen, na kulh kawtkâ tla chu â awng lai le, phun lakah lalchem tla nih An neihnâk tla na sinah an hawng put khonâk ding hen.

ISAI 60:7

Kedar leh Nebaioth ah mi dawrâ zawzawng Bâwlnâk ding ah na sinah an hawng put lai le, LALPA lawmhtir ding hen mâichâm ah an ap lai. LALPA nih a Biakin chu a lânah mi ngâk a rokual dauh hen a siam lai.

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

ISAI 65:11

“Sikhawmsele, keimah hawng ka kaltâktu, Zion siarlotu, ka tlâng thenhlimh siarlotu, vân ṭhat leh thihnâk pathian tla, Gad leh Meni sawnhtu tla chu nannih rang chun anna dang ving lai.

ISAI 65:25

Chingngia leh dawrâ fa tla munkhat hen râwl an ei lai. Chakeibaknei tla nih ran hâwi hen fapawn an ei lai le, rûl tla khawm ṭihnung an kâi lai lo rawh. Ka tlâng thenhlimh Zion ah nganfâk leh sualnâk zeikhawm a um lai lo rawh,” a ti.

JEREMIA 7:11

Ka Biakin chu rawkmang tla thupnâk ah ma na ruat? Nan thilti tla chu ka muh asi.

EZEKIEL 20:40

Chu ram ah mi ka tlâng thenhlimh ah, Israel tlâng sâng ah, nannih Israel mi zawzawng nih nan hawng ka sawnh lai rawh. Nan lakah ka lâwm lai le, bâwlnâk tla, nan thil ap ṭha chem tla, nan thilpêk thenhlimh tla, nan ka pêk ding mi lakah lungumnâk ka nei lai rawh.

EZEKIEL 47:22

chu chu nanna ting pawt ding mi asi rawh. Nan ṭhenh na tikah nan sinah ramdang mi minung nan sinah um mi fa tla rang khawm an vo nan siam piak na bâk ding asi. Israel mi tatak hâwi hen nan ti na bâk ding asi, ram lakah tingvo thîm tik khawm ah Israel phun hâwi hen tingvo thîmnâk an nei bâk ding asi.

JOEL 3:17

Churawhchun, Israel, na Pathian kasi zia na hawng ka theih lai rawh. Ka tlâng thenhlimh ah ka um lai le, Jerusalem chu khuapi thenhlimh asi lai. Ramdang mi tla nih an neh na lai lo rawh.

ZEKARIA 8:3

Ka khuapi thenhlimh Jerusalem ah ka kîr nawlh lai le, chunah chun ka um lai. Khuapi zumhkâi tak ti hen theih asi lai. LALPA Zeizawng tikho tlâng chu tlâng thenhlimh ti asi lai.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

MATHAI 21:13

an sinah, “ ‘Ka in chu thlachamnâk in an ti lai,’ ti rîn asi; nannih lam nih chun rawkmang tla pûk ah nan siam dauh tâwn asi,” a ti.

MARK 11:17

Chun, an sinah chun, “ ‘Ka in chu phun kip rangah thlachamnâk in an ti lai,’ ti rîn asi lo mazei? Nannih lam nih chun rawkmang tla pûk ah nan siam,” ti hen, a sîntir na rawh.

LUK 19:46

an sinah, “ ‘Ka in chu thlachamnâk in an ti lai’ ti rîn asi; nannih lam nih chun rawkmang tla pûk ah nan siam dauh hi,” a ti.

ROM 12:1

Chun, unau le tla, Pathian khuaruatnâk ruangah hin bâwlnâk nung leh thenhlimh leh Pathian lawmh tlâk siding hen nan taksa chu pêk ding hen ka nan ngiar na asi, chu chu nan rianṭuan ding rêng asi.

1 TIMOTHE 2:8

Chun, mipa tla nih munkip ah kut thenhlimh phar hen thinrun lo leh a êl lo hen thlacham ule ka duh asi;

HEBRAI 12:22

Zion Tlâng leh Pathian nung khua, vân Jerusalem, a vânmifial sâng tam tak tla umnâk chu nan hawng tleng rawh.

HEBRAI 13:15

Chun, Jisu zârah bâwlnâk hâwi hen sawrnâk chu Pathian sinah kan ap kumza lai; chu chu kan aw-hâu tla hen a min hen lâwmthu tla kan sim kumza lai tinâk asi.

1 PETER 2:5

Lung nung tla hâwi hen amah sinah hawng u, chun thlarau lei in saknâk ah mang ding hen a pêk u. Jisu Krist zârah Pathian sinah thlarau lei bâwlnâk pawmtlâk ap ding hen chunah chun, bâwlpu thenhlimh nan si lai.