ISAI 56:1 - Bawm Common Language Bible Version

¹ LALPA nih a mi tla sinah, “Sâwtlotê ah ruang ka nan suah na awt ruangah, a dik mi leh â rep mi chu ti u.

ISAI 56:1 ပူးပေါင်းရင်းမြစ်များ

SAM 106:3

Thil dik a ti kumza mi thupêk zûltu tla chu an thaw a suak.

SAM 50:23

Hawng ka zahtu nih lâwmthu an sim mi chu bâwlnâk asi; ka thu ngâitu zawzawng chu ka hum ngelchel lai.”

SAM 85:9

Amah zahtu tla chu hum ding hen â tîm kumza, kan ram ah hin ruangsuah ding hen hawng kan umpi kumza lai.

ISAI 33:5

LALPA chu a rokual a! Thil zeizawng tlûnah lâi a rêl. Jerusalem chu diknâk leh rangtlingnâk hen a khattir lai le,

ISAI 46:13

Nehnâk ni ka tlungtir ding mi chu a nâi rawh, a lât rîlmâl lo. Ka neh ding mi chu a sâwt lai lo rawh. Jerusalem chu ka hum lai le, Israel lakah zahnâk ka tlungtir lai,” a ti.

ISAI 51:5

Ka hawng sawm lai le, ruang ka suah na lai; ka nehnâk tik chu a nâi rawh. Keimah tak nih phun tla tlûnah lâi ka rêl lai. Ram lât tak ah mi tla nih ka hawng ding mi leh anmah ruang ka suah na ding mi lungum tak hen an hawng ka ngâk lai.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

ISAI 61:8

LALPA nih, “Repnâk chu ka duh le, Nehsawhnâk leh thilsual chu ka hua. Ka mi tla chu zumhkâi tak hen lâwmman ka pêk na lai le, An sinah zungzâl thudântuk ka siam lai.

ISAI 64:5

Thil dik ti hen lâwmnâk hâwltu leh nangmah duh dân hen um ding theihkumzatu tla chu na lawmh na. Kan lakah na thinthawk le, sikhawmsele kan sual vima rih; a lân thawk hen na thinthawknâk fâk tak na suah khawm ah thil diklo kan ti nget rih.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

HOSEA 12:7

LALPA nih, “Israel mi tla chu Kanaan mi tla hâwi hen zumh an kâi lo; khîng diklo hen an sinah thil châwktu tla chu pêk an mang.

MIKAH 6:8

Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

MIKAH 7:9

LALPA lakah thilsual kan ti, churuang chun a thinthawk kar vial chu kanna dawnh rarâm ding asi. Sikhawmsele a dawnghnâk ah chun hawng kan hum lai le, kan lakah thil diklo tla dik hen a hawng diktir lai. Chêu lakah hawng kan kalpi lai le; ruang hawng kan suah mi muh ding hen kan nung lai.

MALAKI 4:4

Ka to-aw Mosi sîntirnâk thupêk leh dân Sinai Tlângah Israel mi tla zawzawng nih zûl ding hen ka pêk mi kha theihkumza u.

MATHAI 3:2

“Rim u, Vân Ram chu a nâi rawh,” ti hen, Judai ramkaro ah thusim hen a hawng kal.

MATHAI 4:17

Chu ri rawh chun Jisu nih chun, “Rim u, Vân Ram a nâi rawh,” ti hen sim a dawmh rawh.

MARK 1:15

“Tik chu a hawng tlung rawh, Pathian Ram khawm a hawng nâi rawh; rim ule, Thâwngthâng Ṭha hi lung u,” a ti vima.

JOHAN 7:17

âuzawng amah duhzia ti duh nih chun, thu sîntir hi Pathian lakah mi ma si, keimah phuak sawm hen ka sim mi ma, a theih lai.

ROM 1:17

Thâwngthâng Ṭha nih chun a dawmhtîr thawk hen a dawngh tiang hen Pathian ah lungnâk ruang cho ah minung chu rep hen a um ti a langhtir asi. “Mi rep chu lungnâk hen a nung lai,” ti Pathian lasui thu nih a sim hâwi khan.