ISAI 55:3 - Bawm Common Language Bible Version

³ “Ka mi tla, tuah ka thu ngâi ule ka sinah hawng u; ka sinah hawng ule, nungnâk nan nei lai! Nanmah hen thudântuk um kumza ding mi ka siam lai le David sinah ka tiamh mi malsâwmnâk chu ka nan pêk na lai.

ISAI 55:3 ပူးပေါင်းရင်းမြစ်များ

GENESIS 17:7

“Zungzâl thudântuk hâwi hen na sinah leh na thlâk tla hi nûnah um ding mi sinah ka thutiam chu ka theihkumza lai. Na Pathian kasi lai le, na thlâk tla Pathian khawm kasi lai.

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

2 SAMUEL 23:5

Keimah hen zungzâl thudântuknâk a nei rawh ruangah asi, Pathian nih hi hâwi hen ka thlâk tla chu mal a sâwm awt; chu remnâk chu â râwk lai lo le, a thutiam khawm thlâkthleng asi lai loh. Chu zawng chu ka duh mi chu asi; ka nehnâk ding mi chu asi. Chu chu Pathian nih a langhtir lai.

2 SAMUEL 7:29

Na sunhsaknâk lakah anna lâwm khonâk ding hen ka thlâk tla mal na sâwm na ding hen kan ngiar. Nang, LALPA zahkâi, ka thlâk tla lakah na malsâwmnâk um kumza ding hen thu tiamh,” a ti.

2 CHRONICLES 6:42

LALPA Pathian, na thîm mi lal chu nawng lah. Na to-aw David rangah na dâwtnâk khawm theihkumza rawh,” a ti.

SAM 119:112

Ka thih tiang hen na dân tla chu zûl ding hen ka tiam.

SAM 119:175

Ka nan sawr khonâk ding hen nungnâk hawng ka pêk; na sîntirnâk nih hawng ka ṭangpi seh.

SAM 78:1

Ka mi tla, ka nan sîntir na mi lakah hin ngâi ule, thu ka sim mi hi ngâi u.

SAM 89:28

A sinah thu ka pêk mi chu ka kil kumza lai le, a sinah thu ka tiamh mi khawm a um kumza lai.

SAM 89:29

Vân hâwi hen a lal chi chu a um kumza lai; a thlâk tla khawm lal an si kumza lai.

EXODUS 15:26

“Thudik ka ruat mi leh ka thupêk nan zûl hep chun Aigupta tlûnah râi ka tlungtir mi hen kan rêp na lai loh,” a ti. “Kei, LALPA, a nan damh natu kasi,” a ti.

THUFING LASUIBU 4:20

Ka fapa, ka thusim lakah na nâ dawnh le, ka thusim hi ngâi rawh.

THUFING LASUIBU 7:2

Ka thusim mi hâwi hen ti le, na nung lai. Na mit na vêng mi hâwi hen, ka nan sîntir mi tla zûl ding hen a thiamthih rawh.

ISAI 51:4

“Ka mi tla, ka thu ngâi ule, ka sim mi ngâi u: Phun tla rangah sîntirnâk ka pêk na le ka dân tla nih an rangah chêunâk a pêk lai.

ISAI 54:10

Tlâng sâng leh tlâng tênâu tla chu â râwk kho. Sikhawmsele ka nan dâwtnâk chu zeiliau khawm a dawng lai lo; thlangamnâk ka thutiam chu ka theihkumza lai,” a ti. Churuangah LALPA a nan dâwttu nih a sim asi.

ISAI 54:8

Sâwtlotê cho ka thinthawk ruangah ka nan hertâk le, sikhawmsele ka nan dâwtnâk ka nan muhtir kumza lai rawh,” a ti. Churuangah LALPA a nan humtu nih a sim asi.

ISAI 61:8

LALPA nih, “Repnâk chu ka duh le, Nehsawhnâk leh thilsual chu ka hua. Ka mi tla chu zumhkâi tak hen lâwmman ka pêk na lai le, An sinah zungzâl thudântuk ka siam lai.

JEREMIA 30:9

LALPA, an Pathian keimah rianṭuan hen David thlâk lal ah ka siam mi rian an ṭuan dauh lai rawh.

JEREMIA 32:40

Anmah hen zungzâl thudântuk ka siam lai. Ka lakah mi an hawng ka hertâk lo rawhnâk ding hen an rangah thil ṭha ti ka bâng lai lo, an thinlung zawzawng hen hawng ka ṭihtu ding ah ka siam na lai.

JEREMIA 33:26

Hi ka ti mi hâwi hen ka to-aw Jakob leh David thlâk tla chu ka kilkâwi na awt. David thlâk lakah mi pakhat, Abraham, Isak leh Jakob thlâk tla tlûnah lâirêltu ding mi ka thîm awt. Ka mi tla tlûnah khua ka ruat lai le, an sul-le-lam ka tluangtir nawlh na lai,” a ti.

JEREMIA 38:20

Kei nih, “An lakah pêk na si lai lo. LALPA thuchah hi ngâi ding hen kan ngiar asi; chu tikah na rangah zeizawng a tluang lai le, na nungnâk khawm zuah asi lai.

JEREMIA 50:5

Zion lampi an deih lai le, chu lei chun an kal lai, ka sinah zungzâl thudântuk an siam lai le, an buar lai lo rawh.

EZEKIEL 16:60

Sikhawmsele, na ngâksia liauah na sinah thudântuk ka siam mi chu ka theihkumza lai le, thudântuk um kumza rawh ding mi na sinah ka siam awt.

EZEKIEL 34:24

Kei, LALPA chu an Pathian kasi lai le, David hâwi mi lalchem chu an lâirêltu asi lai. Keimah nih ka sim mi asi.

EZEKIEL 34:25

An sinah an himnâk ding hen thudântuk ka siam awt. Ram lakah ramsa ṭihnungkâi ka ṭhiau phin na lai le, churawhchun ka dawrâ tla chu phâisen ah him tak hen an um lai le, tumun tla ah an bawk lai.

EZEKIEL 37:26

Anmah him kumzanâk ding thudântuk ka siam lai. Ka birhtir na lai le, ka zantir na lai, an ram ah ka Biakin ka siah lai le, chunah chun a um kumza lai rawh.

LEVITICUS 18:5

Dân ka nan pêk na mi zûl hen ti ule, chu hâwi nan ti chun nan nungnâk nan hum mi asi lai. Kei, LALPA kasi,” a ti.

AMOS 5:4

LALPA nih Israel mi tla sinah, “Ka sinah hawng ule, nan nung lai.

AMOS 5:6

LALPA sinah kal u, chu tikah nan nung lai. A sinah nan kal lo chun, Israel mi tla tlûnah mei kâng hâwi hen an phiat dep na lai. Bethel mi tla chu mei nih a kâng lai le, âukhawm nih an mih kho lai lo.

MATHAI 11:28

“Nannih rianṭuan hamh leh thilrit phurh zawzawng tla, ka sinah hawng kal ule, keimah nih ka nan dîntir na lai.

MATHAI 13:16

“Nannih mit lam chu a vân ṭha asi, a muh tâwn ruangah; nan nâ khawm a vân ṭha asi, a theih tâwn ruagah.

MATHAI 17:5

A sim liau chir ah, sûm vâr tak nih anmah a phenh na rawh; chun, sûm thawk hen aw-hâu nih, “Hi hi ka Fapa duhtak, ka lawmh mi chu asi, amah thu ngâi u,” a ti.

JOHAN 10:27

Ka dawrâ tla nih ka aw an theih tâwn, kei khawm nih annih chu ka theih na le, annih nih chun an hawng ka zûl tâwn;

JOHAN 6:37

Pa nih a ka pêk mi zawzawng ka sinah an hawng ver lai; âuzawng ka sinah hawng kal mi chu ka nar rîlmâl lai loh.

JOHAN 7:37

Chun, Kût ṭiak awt ni, ni rokual takah chun, Jisu a dîr le, a âu le, “Âuzawng a tîhâl mi chu ka sinah hawng kal sele din seh.

JOHAN 8:47

Pathian sinah thawk hen suak nih chun Pathian thu a ngâi tâwn; hi ruang hin nan ngâilo asi, Pathian sin thawk hen suak nan silo ruangah,” a ti.

THILTI 13:34

Thûtnâk munah kal lo rawh ding hen Pathian nih anih chu mithi lakah mi a thawh nawlh ding zia thu chu hi hâwi hen a sim: ‘David sinah zângfahnâk ka tiamh thlir mi tla kha nangmah ka nan pêk lai,’ ti hen.

ROM 10:5

Mosi nih chun “Dân ah repnâk zâwttu chu, chu repnâk ruangah chun an nung lai,” ti hen a rîn.

HEBRAI 13:20

Zungzâl thudântuk singsiah si mi nih a thihnâk ruangah Dawrâpu rokual tak Lalpa Jisu chu Pathian nih thihnâk lakah mi a thawh nawlh rawh.