ISAI 55:2 - Bawm Common Language Bible Version

² Khawp lo ding mi lakah zei rangah tangka nan veih? Sungvâng nget ṭung ding hen zei rangah ni lawh nan lawnh? Ka thu ngâi ule, ka sim mi chu ti u. Buh zawzawngah a ṭha chem mi lakah nanna lâwm lai.

ISAI 55:2 ပူးပေါင်းရင်းမြစ်များ

SAM 22:26

Mipâm tla nih an duh tâwk an ei lai le; LALPA sinah hawngtu tla nih chun amah chu an sawr lai. An sul-le-lam tluang kumza seh!

SAM 34:11

Ka hâwi rualnâu tla, hawng ule, ka thu ngâi u, LALPA ṭih ding dân kan sîntir na lai.

SAM 36:8

Na hawng kan pêk mi buh chu kan chenh le; na ṭhatnâk tiva mi na kan dintir.

SAM 63:5

Ka nungnâk nih a chenh lai le, a khim lai; Na sinah lâwm tak hen sawrnâk la ka hawng sak lai.

EXODUS 15:26

“Thudik ka ruat mi leh ka thupêk nan zûl hep chun Aigupta tlûnah râi ka tlungtir mi hen kan rêp na lai loh,” a ti. “Kei, LALPA, a nan damh natu kasi,” a ti.

THUFING LASUIBU 1:33

Sikhawmsele, ka thu ngâitu chu a him lai. Ṭihnâk zeikhawm nei lo hen a um lai,” ti hen.

THUFING LASUIBU 7:23

sazuk sunh ding hen thang lakah a tlâ mi hâwi hen, mawhsareh hen chu nunau nih a kalpi rawh. Va nih a theih lo ruangah lên lei a fûk mi hâwi hen a nungnâk chu ṭihnungkâi lakah a um rawh ti a theih lo.

THUFING LASUIBU 8:32

“Tuah, tlangvâl tla, ka thu ngâi u. Thu ka sim mi hâwi hen ti ule, lâwptlo tak hen nan um lai.

THUFING LASUIBU 9:5

“Hawng le ka buh hi ei le, uain lakah ka chawmh mi hi din rawh.

THUSIMTU 6:2

Pathian nih âumawh neihnâk, zahkâinâk leh thil-le-rî a pêk le, asi, a duh phung zeizawng khawm, sikhawmsele chu lakah chun a lâwmhtir awtlo. Khual zeimaw zat rangah lâwmnâk lam asi dauh lai. Thil zeikhawm lo leh thil diklo hep asi.

ISAI 1:19

Ka thu cho nan ngâi chun, ram lakah a suak mi thil ṭha tla nan ei lai.

ISAI 10:27

Chu tikah chun Asiria thiltikhonâk lakah mi chu ka nan suah na lai le, nan liangah bah mi thilrit chu a um lai lo rawh,” a ti.

ISAI 25:6

LALPA Zeizawng tikho nih hi Zion Tlâng tlûnah hin laikulh phun zawzawng rangah puai, buh ei ding mi ṭha chem leh uain ṭha chem mi hen puai a tuah awt.

ISAI 44:20

Vachâm ei mi hen a finghnâk â bang cho. A thinlung âtnâk nih amah chu ṭangpi kho lo rê hen diklonâk leiah a kalpi. A kut ah a tleih mi milem chu pathian asi lo thlo ti a theih lo.

ISAI 46:6

Mi tla nih an tangka sâwngkhâwi an awng le, ngûn an thlêt le tangkasa tla khing hen an khingh. Ngûn dêngtu tla chu pathian lem siam ding hen an lâk, churawhchun an mâimûk le an sawnh!

ISAI 51:1

LALPA nih, “Nannih ruangsuah duhtu leh ṭangpi ding duh hen ka sinah hawngtu tla ka thu ngâi u. Nan hawng suaknâk lungpi, a nan chawh na nâk kha dawn u.

ISAI 51:4

“Ka mi tla, ka thu ngâi ule, ka sim mi ngâi u: Phun tla rangah sîntirnâk ka pêk na le ka dân tla nih an rangah chêunâk a pêk lai.

ISAI 51:7

Nannih thil dik theihtu tla, nan thinlung ah ka nan sîntir na mi kiltu tla, ka thu ngâi u. Mi nih a nan nihsanh hen an siar na lo tikah chun tih lah u;

ISAI 62:8

LALPA nih thutiam bir tak a siam le, A thiltikhonâk hen a zulhpeh vima lai: “Nan fâng tla chu na mêlma tla tî-le-râwl rangah asi lai lo rawh. Ramdang mi nih nan uain hâng an din lai lo rawh.

ISAI 62:9

Sikhawmsele, nanmah a tuhtu Leh fâng âttu nih sang chu Nan nei lai le, LALPA chu nan sawr lai. Nanmah a ṭuantu leh grep pumhtu nih ka Biakin Tualmâi ah grep hâng chu nan din lai,” a ti.

ISAI 65:23

An rianṭuan ah anna dingchang lai le, an fa le nih siat leh râwknâk an tawng lai lo. Tik a hawng um ding mi zawzawng lakah anmah leh an thlâk tla mal ka sâwm na lai.

JEREMIA 12:13

Ka mi tla nih fâng an tuh le, sikhawmsele belh an pumh le; tha fâk tak hen rian an ṭuan le, sikhawmsele zeikhawm an tawng lo. Ka thinthawknâk fâk ruangah an thlâi chîng tla a vei hep,” a ti.

JEREMIA 17:24

“Chubang zapi tla chu ka thupêk zûl ding hen simh na. Dinhni ah hi khuapi kulh kawtkâ ah zei thilrit khawm an lûtpi ding asi lo. Dinhni chu thenhlimh tak hen an ulh ding asi, rian zeikhawm an ṭuan ding asi lo.

JEREMIA 31:14

Bâwlpu tla chu ei ding cherkhet hen ka khimtir na lai le, ka mi tla chu an thilherh zawzawng hen an lung ka âwitir na lai. Kei, LALPA nih ka sim asi,” a ti.

HOSEA 12:1

Israel tla nih zîngtê thawk hen zân tiang an ti mi chu thil mang tlâklo leh siatnâk asi. Zumhkâilonâk leh siatnâk thilti an lakah a pung. Asiria mi tla leh Aigupta mi tla hen saw anna leh tawnh,” a ti.

HOSEA 8:7

Thli an tuh le, ruahpi an ât lai! Phâisen fâng a min lo mi nih chun sang a suah dah lai lo, suah menza khawmsele ramdang mi nih an ei hep lai.

HABAKUK 2:13

Na neh na mi phun tla rianṭuan chu zeikhawm asi lo le, an in sak mi tla chu mei nih a khangh hep rawh. Chu chu LALPA Zeizawng tikho nih a ti mi asi.

MATHAI 15:9

Zeikhawm si sele, an sîntirnâk ah minung thupêk an sîntir na ruangah, an ka sawnh tâwn hi a thawt salam asi,’ a ti,” a ti le, a sâng.

MATHAI 22:4

Chun, anih nih chun, ‘Ka sâwm na mi tla sinah khan, ngâinik u, ka puai chu ka timhtuah thluh rawh; ka châwchal tla leh ka ran châwm bit tla ka thah le, zeizawng lîm asi rawh; lâwinâk puai ei ding hawng kal u rawh’ ti u,” ti hen, to-aw dang tla a fial nawlh.

MATHAI 5:6

“Repnâk ruangah sungvâng tîhâl tla chu an thaw a suak, an khim awt ruangah!

MARK 7:14

Chun, mi zapi tla chu a kawh nawlh le, an sinah, “Nan ektê hen ka thu hi ngâi chiau ule, theihthiam u:

LUK 15:23

Chawpê fa bit tak kha hawng put ule, thah u, lâwm tak hen kan ei lai.

JOHAN 6:27

Buh ral kho mi ruangah ṭuan lah u, zungzâl tiang hen nungnâk um kumza ding mi buh, Minung Fapa nih a nan pêk na ding mi ruang chun ṭuan u; Pa Pathian nih chun anih chu a birhtir rawh dangâiah,” a ti le, a sâng.

ROM 10:17

Chun, lungnâk chu theihnâk ruangah a hawng um le, chun theihnâk chu Krist thu ruangah a hawng um.

ROM 9:31

Israel repnâk zûltu lam nih chun repnâk dân chu a phâk lo rawh.

DEUTERONOMY 11:13

“Churuangah, thupêk tusûn ni ah kan pêk na mi tla hi zûl ule, LALPA, nan Pathian chu dâwt ule, nan thinlung zawzawng hen amah nâwl zulh u.

HEBRAI 13:9

Sîntirnâk kip leh sîntirnâk chê tak nih lam dik lakah mi kalpi hen um lah u; thinlung hi Pathian zângfahnâk hen birhtir chu a ṭha, ei ding tla lakah a pêk tuk lo hen; chu leikâng lungkhamtu tla chu chubang lakah chun ṭhatvaknak an tawng lêm lo.