ISAI 54:9 - Bawm Common Language Bible Version

⁹ “Noa um liau khawm ah tual tlûnah buanso tlungtir lo rawh ding hen thu ka tiamh. Tu khawm ah na lakah thinrun lo rawh ding hen thu ka tiam; nunsimh hen ka nan rêp lai lo rawh.

ISAI 54:9 ပူးပေါင်းရင်းမြစ်များ

GENESIS 8:21

Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

JOB LASUIBU 11:16

Chu tikah na thinlung ah nawknâk chu a chuai lai le, tîlian a luang mi hâwi hen theih asi lai lo rawh.

SAM 104:9

Zeiliau khawm ah kanh kho lo ding hen ramri na siam piak na, tual chu an khuh nawlh lonâk ding hen.

ISAI 12:1

Mi zapi tla la sak ding mi ni a hawng tlung awt rawh. “LALPA ka lakah na thin a run le, Sikhawmsele, tu lam chun na thinthawk lo rawh le, thla na ka ngamh ruangah ka nan sawr lai.

ISAI 49:18

Na kiangkam tla a hawi le, zei thil a hawng tlung zauh! Na minung tla anna pûm hen in leiah an hawng tlung liau chir! Kei Pathian nung kasi ruangah, na mi tla chu mo nih a lungsung â zumh phah mi hâwi hen na mi tla chu zumhnâk ah na mang lai.

ISAI 51:22

LALPA nan Pathian a nan vêngtu nih, “Ka thinthawknâk hâi ka nan pêk mi chu ka lâk ving rawh. A nan hâwrtirtu uain chu na din lai lo rawh.

ISAI 51:6

Vânlei zauh le tual zauh! Vân chu meikhû hâwi hen a vei ving lai le tual chu puan li hâwi hen a ṭet lai. A minung tla chu thovâi hâwi hen an thi lai. Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu a dawnghnâk asi lai.

ISAI 51:8

Rulchawn nih puan a ei hep mi hâwi hen an vei dep lai! Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu zeiliau zawng a um kumza lai,” a ti.

ISAI 55:11

Chu hâwi hen thu ka sim mi chu a um lai le, ka tum mi thil chu pakhat khawm a tlawlhnâk a um lai lo; Ti ding hen ka hawng fial mi thil zeizawng chu ti asi lai.

ISAI 62:8

LALPA nih thutiam bir tak a siam le, A thiltikhonâk hen a zulhpeh vima lai: “Nan fâng tla chu na mêlma tla tî-le-râwl rangah asi lai lo rawh. Ramdang mi nih nan uain hâng an din lai lo rawh.

JEREMIA 31:37

Vân chu ni khat ah tah kho asi hen, tual lungphûm chu zauhfiang asi tik cho ah an thilti zawzawng ruangah Israel mi tla chu nawng an si lai LALPA nih a sim asi.

EZEKIEL 16:42

Churawhchun, ka thinthawknâk chu â lîm lai le, ka dâisip lai rawh. Ka thinthawk hen thîknâk ka nei lai lo rawh.

EZEKIEL 39:20

Ka dawhkân ah rang leh a tlûnah totu tla chu an chelh rî hen an ei na lai rawh. Kei Lalpa Zahkâi nih ka sim asi,’’ a ti.

EZEKIEL 39:29

Ka mi Israel tla tlûnah ka thlarau ka tawih lai le, anmah tla ka kaltâk na lai lo rawh. Kei, LALPA Zahkâi nih ka sim asi,” a ti.