ISAI 54:6 - Bawm Common Language Bible Version

⁶ Israel, nang chu seino nungâk a pasal nih a kaltâk le thungâi a lungfâk mi hâwi na si. Sikhawmsele, LALPA nih a nan kawh nawlh le, na sinah:

ISAI 54:6 ပူးပေါင်းရင်းမြစ်များ

THUFING LASUIBU 5:18

Churuangah chun na nupi lawmh le, na umpi mi nunau lakah a lâwm rawh.

THUSIMTU 9:9

Nungnâk zeikhawm silo mi na duh mi nunau hen na dam sung zawng ah nuamchên chu Pathian nih hi laikulh ah a nan pêk mi asi. Zeikhawm silo mi ni tla ah chun a lâwm le, chu chu na lawksawngnâk ding hen na tawng ding mi asi ruangah.

ISAI 62:4

“Kaltâk mi” ti hen kawh na si lai lo rawh le, Na ram khawm “Nupi mâkchia” ti hen kawh asi lai lo rawh. Na min thar chu Heph-zi-bah (Pathian a sinah â lâwm mi) ti asi lai. Na ram chu Beaulah (Lâwm tak hen umpi mi) ti asi lai. LALPA chu na lakah â lâwm ruangah leh Na ram rangah chun pasal hâwi asi ruangah.

JEREMIA 30:17

Nan mêlma tla nih ‘Zion chu lawnh asi rawh; âukhawm zauhkhenhtu an um lo rawh,’ ti menza na khawmsele; kan damh nawlh na lai le; nan liam mâ tla ka damh lai. Kei, LALPA nih ka sim asi,” a ti.

HOSEA 2:19

Israel, nupi ah ka nan siam lai; na lakah dik leh zumhkâi hen ka um lai. Ka dâwtnâk dawnglo leh khuaruatnâk ka nan muhtir lai le, ka tâ na si kumza lai rawh.

MALAKI 2:14

Zei rangah me a pawm lo nan ti, nan no liauah nanna umhnâk lakah thutiam nan buar mi a theih ruangah asi. Na nupi chu thutiam nan neipi mi asi le, Pathian mâika ah zumhkâi tak a um ding hen thu nan tiam mi chu nan buar.

MATHAI 11:28

“Nannih rianṭuan hamh leh thilrit phurh zawzawng tla, ka sinah hawng kal ule, keimah nih ka nan dîntir na lai.

2 KORIN 7:6

Sikhawmsele, â nâutir mi tla lungngamhtu Pathian nih chun Tita hawng fial hen hawng kan thlangamh rawh.