ISAI 54:5 - Bawm Common Language Bible Version

⁵ Nangmah a nan siamtu a min LALPA Zeizawng tikho chu na rangah pasal hâwi asi lai. Israel Pathian thenhlimh laikulh zawzawng lâirêltu nih ruang a nan suah lai.

ISAI 54:5 ပူးပေါင်းရင်းမြစ်များ

JOB LASUIBU 19:25

Sikhawmsele, vân ah mi âumawh a dawnghnâk ah chun ka himnâk ah a hawng kal awt ti ka theih.

ISAI 11:9

Pathian tlâng thenhlimh, Zion tlûnah chun nganfâk pêk leh thilsual zeikhawm a um lai lo. Tipi tla chu tî hen a khat mi hâwi hen, ram chu LALPA theihnâk hen a khat lai.

ISAI 43:1

Israel, nan siamtu LALPA nih, “Lâu lah, ka nan hum lai. Na min hen ka nan auh, ka tâ na si.

ISAI 43:14

Israel Pathian Thenhlimh, a nan hum natu LALPA nih, “Ruang a nan suah na ding hen Babulon ah kawrsen ka hawng fial lai. Khuapi kulh kawtkâ tla ka chimtir lai le, a minung tla âunâk tla chu ṭapnâk ah â chang lai.

ISAI 45:11

LALPA, Israel Pathian Thenhlimh mâilei thu ruattu nih, hi hâwi hen a sim: “Ka fa le tla thu mawh ka ti ding mi thu mawh nan hawng ka deih ding leh nan hawng ka simh ding hen thu nan nei lo.

ISAI 48:17

Israel Pathian thenhlimh nangmah a nan humtu LALPA nih thu a sim: “Kei hi LALPA nan Pathian, nanmah ṭhatnâk ding ah an sîntir na duhtu leh nan kalnâk ding lampi ah an kaltir natu kasi.

ISAI 48:2

Khuapi thenhlimh lakah mi kan si, Israel Pathian, a min chu zeizawng tikhotu LALPA lakah ngauh mi kan si ti hen zûm tak hen thu nan sim nget rih.

ISAI 51:15

“Kei, LALPA nan Pathian tipi tla tlingtlawktirtu leh tîlian rihâu suahtirtu chu kasi. Ka min chu LALPA Zeizawng tikhotu kasi!

ISAI 54:8

Sâwtlotê cho ka thinthawk ruangah ka nan hertâk le, sikhawmsele ka nan dâwtnâk ka nan muhtir kumza lai rawh,” a ti. Churuangah LALPA a nan humtu nih a sim asi.

ISAI 6:3

An ektê hen anna auh tawnh: “A thenhlimh, A thenhlimh, A thenhlimh! LALPA Zeizawng tikho chu a thenhlimh! A rokualnâk nih laikulh a khattir,” ti hen.

ISAI 65:16

Âuzawng nih ram lakah malsâwmnâk deihtu nih chun Pathian Zumhkâi nih mal a sâwm ding hen a deih lai. Âuzawng siat tleihtu chu Pathian zumhkâi min hen a tiam ding asi. A lânah nawknâk tla chu a lan rawh le, philh asi lai rawh,” a ti.

JEREMIA 10:16

Jakob Pathian lam chu anmah hâwi asi lo; zeizawng siamtu asi le, Israel mi tla chu amah mi tak siding hen a thîm na. A min chu LALPA Zeizawng tikho asi.

JEREMIA 3:14

“Mi zumhkâilo tla, hawng kîr u; ka tâ nan si. Khuapi kip ah mi pakhat vima leh chi kip ah mi panih vima kan lâk na lai le, Zion Tlângah ka nan kîrpi na lai.

JEREMIA 51:19

Jakob Pathian chu annih hâwi asi lo; thil zeizawng siamtu asi le, Israel tla chu a mi tak siding hen a thîm na. A min chu LALPA Zeizawng tikho asi.

EZEKIEL 16:8

“Na kiangah ka nan pal nawlh liauah, duh ding hen na za rawh mi ka nan muh. Na zo langhnâk chu ka kawrdawh hen ka nan khuh le, a nan dâwt ding hen thu ka tiam. Asi, a nan umpi ding hen thudântuk ka siam le, ka tâ na si rawh,” a ti. Hi hi LALPA Zahkâi thusim asi.

HOSEA 2:16

Churawhchun, ka pasal hawng ka ti nawlh lai rawh le, a Baal hâwi hen hawng ka ruat lai lo rawh.

HOSEA 2:18

Chu tikah chun ramsa leh va zawzawng tla hen thudântuknâk ka siam lai le, churawhchun, ka mi tla rangah nganfâk an pêk lai lo rawh. Tuknâk râlthuam tla ram lakah mi chu ka lawnh phin lai rawh le, nâmsâu leh chanhtiang tla khawm, ka mi tla chu thlangam leh him tak hen ka umtir na lai rawh.

ZEKARIA 14:9

Churawhchun, LALPA chu tual pumpi tlûnah lal asi lai le, mikip nih amah chu an sawnh lai le, a min an theih dân â bang rang lai.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

LUK 1:32

Anih chu milian asi lai le, Chungnung chem Fapa an ti lai. Lalpa Pathian nih a sinah a thlâktu David laltophah chu a pêk lai.

JOHAN 3:29

Mo neitu chu mo pasal chu asi; sikhawmsele, mo pasal hâwipa dîr hen a thu theihtu chu mo pasal aw ruangah thungâi hen â lâwm tâwn; churuangah, tuhin ka lâwmnâk a rangtling rawh asi.

EPHESI 5:32

Chu thuthup chu a rokual asi: sikhawmsele, kei lam nih chun Krist leh Kawhmi tla thu ka sim asi.

JOSUA 3:11

Nan mâilei ah laikulh zawzawng LALPA thudântuk Bâwm nih Jordan Va a kanh tikah Pathian nung chu nan sinah a um ti nan theih lai.

JOSUA 3:13

Bâwlpu tla nih laikulh zawzawng LALPA Pathian Thudântuk Bâwm zawnhtu nih tî an kê hen an lamh kâ hen Jordan Va chu a luang mi â dîn lai le, chu tiva ah mi tî chu munkhat kâ ah â dil hep lai,” a ti.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.