ISAI 54:4 - Bawm Common Language Bible Version

⁴ Ṭih lah, ningzak saih hen na um lai lo rawh le nâutir khawm na si lai lo rawh. Nupi seino tê hâwi hen zumh na kâi lonâk leh numei hâwi hen thim pem hen na um mi tla chu na philh lai rawh.

ISAI 54:4 ပူးပေါင်းရင်းမြစ်များ

JOB LASUIBU 11:16

Chu tikah na thinlung ah nawknâk chu a chuai lai le, tîlian a luang mi hâwi hen theih asi lai lo rawh.

ISAI 25:8

LALPA zahkâi nih thihnâk chu a veih pawt awt rawh! Mikip mitthli chu a nâwt piak ver na lai le, laikulh pumpi ah a mi le ningzakkâi tak hen tuarnâk chu a lâk piak ving na lai. LALPA amah ngelchel nih a sim mi asi.

ISAI 29:22

Churuangah tuah LALPA Israel Pathian, lawksawng liauah Abraham rangah ruangsuahtu nih, “Ka mi tla, nan ningzak kumza lai lo rawh, ningzak ruangah nan mêl â dang kumza lai lo rawh.

ISAI 4:1

Chu ni a hawng tlung tik chun nunau pasarih nih mipa pakhat an tleih lai le, a sinah, “Mah a châwm kho hen nipuan khawm kanna vurh kho le, sikhawmsele, zângfahtê hen kan pasal kan ti lai le, churawhchun pasal nei lo hen ningzakkâi tak hen kan um lai lo rawh,” an ti.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 41:14

LALPA nih, “Israel na mê le, na chaklo ruangah ṭih lah; ka nan ṭangpi lai. Kei, Israel Pathian thenhlimh chu nangmah ruangsuahtu kasi.

ISAI 50:7

LALPA zahkâi nih a hawng ka ṭangpi ruangah an hawng ka zauhnawmhnâk chu ka rangah a fâk lo. Tuar kho rarâm ding hen ka tum.

ISAI 51:7

Nannih thil dik theihtu tla, nan thinlung ah ka nan sîntir na mi kiltu tla, ka thu ngâi u. Mi nih a nan nihsanh hen an siar na lo tikah chun tih lah u;

ISAI 54:14

Diknâk leh repnâk nih a nan chaktir lai. Nehsawhnâk leh ningṭihnâk lakah mi chu na him lai rawh.

ISAI 61:7

Nan mualphonâk leh ningzaknâk a dawng rawh. Nanmah ram takah nan um lai le, Nan neih chu a leh khat hen a pung lai le, Nan a lâwmnâk chu zungzâl tiang asi lai.

ISAI 65:16

Âuzawng nih ram lakah malsâwmnâk deihtu nih chun Pathian Zumhkâi nih mal a sâwm ding hen a deih lai. Âuzawng siat tleihtu chu Pathian zumhkâi min hen a tiam ding asi. A lânah nawknâk tla chu a lan rawh le, philh asi lai rawh,” a ti.

JEREMIA 31:19

Nangmah lakah mi chu kâng dang leiah kanna her le, sikhawmsele sâwtlotê ah hawng kîr ding kan duh. Na kan rêp nûn chun, lungzûr tak hen kan lû kan thlâi thlo. Kan ngâksia liauah thilsual kan ti ruangah ningzakkâi leh mualpho hen kan um,’ an ti.

LUNGFÂKNÂK 1:1

Jerusalem, veikhat chu minung khat dul hen A um mi a king rawh chiam e! Veikhat chu laikulh pumpi nih zah hen a um mi Tu chun numei hâwi cho asi rawh. Khuapi lianchem chu sal asi ving rawh.

EZEKIEL 16:22

Nunau â zuar mi umdân fihnungkâi tak hâwi hen na um kar zawng ah na ngâksia liauah na thisen ah takkaro hen na kual liau tla veikhat khawm na theih dahlo.

EZEKIEL 16:43

Na ngâksia liauah ka nan zulh mi tla na philh le, thil na ti mi zawzawng tla hen ka thin na thawktir. Chubang na ti mi zawzawng man tla ka nan pêk mi asi. Zei rangah na hurnâk thil chu thil fihnungkâi dang na ti mi zawzawng lakah na sap?” a ti. Chu chu LALPA Zahkâi nih a sim asi.

EZEKIEL 36:15

Ram nih chun phun tla nih an zauhnawmhnâk chu a theih lai lo rawh le, a nihsanhtu tla khawm a muh lai lo rawh. Ram nih phun fa tla chu a râwk lai lo rawh. Kei, LALPA Zahkâi nih ka sim asi,” a ti.

JOEL 2:21

Phâisen tla ṭih lah u, LALPA nih nan rangah thil a ti mi zawng ruangah lâwptlo ule, a lâwm u.

ZEPHANIAH 3:11

Chu tik chun, ka mi tla, ka lakah nan hel mi kha ningzakkâi tak hen nan um lai lo rawh. Mi â zûm mi leh â khâwng mi tla chu ka veih ver na lai le, ka tlâng thenhlimh ah âukhawm ka lakah nan hel lai lo rawh.

ZEKARIA 10:6

“Juda mi tla chu chak tak hen ka siam lai le, Israel mi tla chu ruang ka suah na lai. Anmah ka lungkham na lai le, in leiah ka kîrpi ver nawlh na lai. Ka nawng dah na lo mi hâwi hen an um lai. Kei LALPA an Pathian kasi lai le, an thlachamnâk tla ka sâng na lai.

1 PETER 2:6

Churuangah, Pathian lasui thu nih, “Lung sung tak chu ka thîm le, Zion ah a ki ah ka siah; chun, âuzawng amah zumhtu chu an lungdawng lai loh,” ti hen a sim hâwi khan.