ISAI 54:3 - Bawm Common Language Bible Version

³ Na ramri tla na kauh lai le, tuah phundang tla nih an luah mi ram tla chu na mi tla nih anna ting nawlh lai. Khuapi kaltâk rawh mi chu minung hen an khat lai.

ISAI 54:3 ပူးပေါင်းရင်းမြစ်များ

GENESIS 26:22

Chu thawk hen mun dangah â ṭhia1 le, tikhur dang a chawh nawlh. Hi lak lam chun tawhnâk a um lo rawh, churuangah a min ah “Rehobot’’ (Thawsuaknâk) ti hen a sak. “Tu lam chun, LALPA nih hi ram ah hin thawsuaknâk hawng kan pêk rawh le, hi ram ah hin kan sul-le-lam a tluang vima lai rawh,” a ti.

GENESIS 28:14

Na thlâk tla chu tual ah valeidip zat hen an zan lai. Mun kip ah an ram an kauh vima lai le, nang leh na thlâk tla ruangah phun zawzawng mal ka sâwm na lai.

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

ISAI 14:1

LALPA nih a mi Israel tla lakah khua a ruat nawlh lai le, amah mi ah a thîm na lai. Anmah ram ah a umtir nawlh na lai le, ramdang mi tla khawm an hawng lai le, chunah chun an sinah an um lai.

ISAI 14:2

Phun tam tak nih Israel mi tla LALPA nih a pêk na mi ram leiah kîr ding hen an ṭangpi na lai le, chunah chun phundang tla nih sal hâwi hen Israel tla chu an rian an ṭuan piak na lai. Israel rangah nehtu tla chu, Israel nih an neh rûl bâk lai rawh le, anmah nehsawhtu tlûnah Israel tla nih lâi an rêl bâk lai rawh.

ISAI 26:15

LALPA, kan phun tla na ṭhangtir le, zei leikâng zawng ah a ram chu na kauh le, chu nih chun na rangah zahkâi tak hen a nan siam.

ISAI 45:14

LALPA nih Israel sinah, “Aigupta leh Sudan neihnâk chu na tâ asi lai le, Seba ram ah mi sâng tla chu na sal an si lai; rêng khimh bû hen a nan zûl lai. Na sinah an hawng kûn lai le, ‘Pathian na sinah a um, Amah cho chu Pathian chu asi,’ ti hen thutluang an vâwr lai.

ISAI 48:19

Nan thlâk tla chu sep zat hen an tam lai le, vei lo rawh ding mi an si ti ka theihtir na lai,” a ti.

ISAI 49:12

Ka mi tla chu ram lât tak thawk hen an hawng lai le, marlei leh thlanglei thawk hen simlei mi Asuan khuapi thawk hen an hawng lai,” a ti.

ISAI 49:8

LALPA nih a mi tla sinah, “Nangmah ruangsuahnâk ding hen tik a hawng tlung chun kan sunhsak zia ka langhtir lai le, ṭangpi deih hen na âu mi ka nan sâng lai. Kan vêng hen ka nan hum lai le, nangmah ruangah mi zawzawng hen thudântuk ka siam lai. Tuah nan ram siat leh râwk hen a um mi lakah hin ka nan umtir nawlh lai.

ISAI 52:9

Nang, Jerusalem râwk hen um rawh mi, lâwm hen âu rawh! LALPA nih khuapi chu a hum hen a mi tla chu thla a ngamh na lai.

ISAI 53:10

LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

ISAI 55:5

Tuah ram dangah mi phun tla na kawh na lai le; veikhat ko chun an theih lai lo le, sikhawmsele tuah nangmah sinah a fawnh ding an hawng tek lai! Kei LALPA na Pathian Israel Pathian thenhlimh nih hi bang zawzawng hi ka hawng tlungtir lai le, zahnâk leh rokualnâk ka nan pêk lai,” a ti.

DANIAL 7:27

Tual tlûnah lalram zawzawng rokualnâk leh thiltikhonâk chu Pathian mi rokual tla sinah pêk asi lai rawh. Lal thiltikhonâk anna ting mi chu a dawng lai lo rawh le, tual tlûnah lâirêltu zawzawng nih an rian an ṭuan piak na hen an thu an ngâi lai rawh,” a ti.

ROM 10:18

Sikhawmsele, ka deih le: Thu an theih lo mi hi a dik tak ma? Theih ta a, Pathian lasui thu nih a sim hâwi khan: “An hâu chu ram kip ah a thang le, an thu kâwlkil tiang hen a thang rawh,” ti hen.

ROM 11:12

Churawhchun, Juda tla sualnâk chu laikulh neihsiahnâk asi, chun an thlarau ngâkṭahnâk chu Phundang tla rangah neihsiahnâk asi. An rangtlingnâk châng chu neihsiah khunnâk si lai.

KOLOSA 1:23

ngauhsan nei hen bir tak a um hen, Thâwngthâng Ṭha nan theih mi lungumnâk thawk hen a ṭhial lo hen, lungnâk lakah hin nan um thlir chun chu Thâwngthâng Ṭha chu vânrâng tangah thilsiam zawzawng tla lakah phuang asi kha; kei Pawl hi chu rianṭuantu ah siam kasi.