ISAI 54:2 - Bawm Common Language Bible Version

² Na umnâk puanin chu kauh le; a puan dung sâutir le, a rêngnâk tung birhtir.

ISAI 54:2 ပူးပေါင်းရင်းမြစ်များ

GENESIS 26:22

Chu thawk hen mun dangah â ṭhia1 le, tikhur dang a chawh nawlh. Hi lak lam chun tawhnâk a um lo rawh, churuangah a min ah “Rehobot’’ (Thawsuaknâk) ti hen a sak. “Tu lam chun, LALPA nih hi ram ah hin thawsuaknâk hawng kan pêk rawh le, hi ram ah hin kan sul-le-lam a tluang vima lai rawh,” a ti.

EXODUS 35:18

puanin kilhnâk leh rirual, a khâr;

EXODUS 39:40

a kulhnâk ding puanzâr leh a tung leh a tohnâk; puanzâr tualmâi kulhnâk ding leh rirual; Puanin kilhnâk, Puanin ah mang ding mi a thuamthil zawzawng;

ISAI 26:15

LALPA, kan phun tla na ṭhangtir le, zei leikâng zawng ah a ram chu na kauh le, chu nih chun na rangah zahkâi tak hen a nan siam.

ISAI 33:20

Kan phung kûtnâk Zion khuapi chu zauhnik. Jerusalem chu zauhnik! A sungah him tak hen umnâk mun ding tak asi a! Puanin ṭhial dahlo mi leh a rêngnâk tung phâwi dahlo mi leh a thuamhnâk khawm siat dahlo mi hâwi asi lai.

JEREMIA 10:20

Kan puanin tla chu â râwk rawh; a rêngnâk ri khawm a chat rawh. Kan fa tla khawm an kal hep rawh, kan puanin zâr nawlhtu ding pakhat khawm a um lo rawh; a puanzâr thlâitu ding pakhat khawm an um lo rawh,” an ti.

MIKAH 7:11

Jerusalem mi tla, khuapi kulh dirh nawlh ding mi tik chu a tlung rawh. Chu tikah nan ramrî chu kauh asi lai.