ISAI 54:1 - Bawm Common Language Bible Version

¹ Jerusalem, nang chu nunau fa nei lo hâwi na si le, sikhawmsele tu lam chu lâwm ruangah la sak hen âu kho na si rawh. Tu chun nunau, a pasal nih a umpi kumza mi ngâk hen fa tam dauh na nei lai.

ISAI 54:1 ပူးပေါင်းရင်းမြစ်များ

GENESIS 21:6

Sari nih, “Pathian nih lâwmnâk leh nihnâk hawng ka pêk rawh, a theihtu zawng nih an hawng ka nihpi lai,” a ti.

SAM 113:9

Nupi fa nei lo chu a in ah a thang a ṭhattir le; fa tla pêk hen a lawmhtir. LALPA chu sawr u!

LA TLA LA 8:8

Farnu nungâk notê kan nei le, a nûk a bawm cho rih. Tlangvâl nih an hawng helh tikah a rangah zei kan ti lai?

ISAI 12:6

Zion ah um mi zawzawng chu âu hen la sak na seh! Israel Pathian thenhlimh chu a rokual le, a mi tla sinah a um,” ti hen.

ISAI 24:14

A thibang tla nih lâwm hen la an sak lai. Thlanglei mi tla nih LALPA rokual zia an sim lai.

ISAI 44:23

Vân tla, lâwm hen âu u! Tual mun thûk takah mi âu u! Tlâng sâng leh tumun ah thing tla lâwm hen âu u! LALPA nih a mi Israel tla ruangsuahnâk hen a rokual zia a langh.

ISAI 49:13

Vân tla, la sak u! Tual, lâwm hen âu rawh! Tlâng tla chu la sak hen hâu suah na seh! LALPA nih a mi tla chu thla a ngamh na lai le; a mi tla nih nganfâk an tuar mi chu a siherh na lai.

ISAI 49:19

“Na ram tla chu a râwk hen a karo hen a um le, Sikhawmsele, tu lam chun um ding hen a hawng kal. Mi tla rangah a mê awt tuktarâi rawh. Nanmah siat leh râwktu chu, nan sinah mi ram lât takah ṭhial an si lai rawh.

ISAI 49:20

Na mi tla sal tângnâk ah suak mi tla nih Ni khat chu nan sinah, ‘Hi ram hi a mê tuktarâi. Umnâk ding hen mun kâu dauh kan herh!’ an ti lai.

ISAI 62:4

“Kaltâk mi” ti hen kawh na si lai lo rawh le, Na ram khawm “Nupi mâkchia” ti hen kawh asi lai lo rawh. Na min thar chu Heph-zi-bah (Pathian a sinah â lâwm mi) ti asi lai. Na ram chu Beaulah (Lâwm tak hen umpi mi) ti asi lai. LALPA chu na lakah â lâwm ruangah leh Na ram rangah chun pasal hâwi asi ruangah.

ISAI 66:7

“Ka khuapi thenhlimh chu nunau nih nganfâknâk tuar lo thlo hen fa a ring mi hâwi asi.

ZEPHANIAH 3:14

Israel mi tla, lâwm hen la sak hen âu u! Jerusalem, na thinlung zawzawng hen a lâwm rawh!

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

GALATIA 4:27

Pathian lasui thu nih, “Nang, ching, fa ring dahlo, a lâwm rawh! Nang, fa ring hen nganfâk tuar dahlo, âu rawh! Pasal nei mi ngâk chun um harnu nih chun fa le a nei tam dauh asi,” ti hen a sim hâwi khan.

1 SAMUEL 2:5

Mi khim tak hen um mi tla chu buh hâwl hen lawh an kal. Sikhawmsele a sungvâng mi chu a vâng lai lo rawh. Fa nei lo nu nih fapa pasarih a ring. Fa tam tak neitu chu pakhat khawm an um lo rawh.