ISAI 53:8 - Bawm Common Language Bible Version

⁸ An tleih le, an rêp le, thah ding hen an kalpi le a thi ding mi âukhawm nih an vêng lo. Kan mi tla sual ruangah thah hen a um.

ISAI 53:8 ပူးပေါင်းရင်းမြစ်များ

SAM 69:12

Khualâi tlâng ah keimah thu karo an sim, Zurî mi tla nih la hen an ka suangkhâng.

SAM 88:5

Mithi nâwngah mâk hen ka um, thlân ah thah mi ruak hâwi kasi, na philh dep leh na ṭangpi kho lo rawh mi hâwi hen.

ISAI 53:12

Churuangah zahkâinâk leh rokualnâk leh mi thiltikho tak sinâk ka pêk lai. Misual tla thi ding rûlah thi hen siang tak hen a nungnâk a pêk. Misual tla mun a luah le, ngaihdam an si khonâk ding hen thla a cham piak na,” a ti.

ISAI 53:5

Sikhawmsele, kan sualnâk ruangah liamh hen a um le, kan thilsual ti ruangah vuak hen a um. Rêpnâk a tuar mi hen hawng kan damtir le, vuak a tuar mi hen hawng kan damtir ver.

JEREMIA 11:19

Dawrâ fa zumhkâi thah ding hen put mi hâwi kasi le, ka lakah thilsual ti an tum mi khawm ka theih lo. “Thing a dawr ṭha liau takah kan hâu lai le; âukhawm nih theihlo rawh ding hen kan thah ving lai,” an ti.

LUNGFÂKNÂK 3:54

Tî nih hawng ka nîm awt le, thihnâk a nâi ti ka theih.

DANIAL 9:26

Chu chu hun dawngh ah chun Pathian nih ruitu a thîm mi chu diklo tak hen thah hen a um lai. Lâirêltu thiltikho tak rûntu kawrsen tla nih khuapi leh Biakin khawm an râwk lai. A dawnghnâk chu tîlian hâwi hen Pathian nih a timhtuah mi râltuk leh siatnâk a hawng tlung lai.

MATHAI 1:1

Abraham thlâk, David thlâk, Jisu Krist thlâktu tla anna thlâk zia thâwngthâng chu:

JOHAN 19:7

Juda tla nih chun a sinah, “Kan Dân pakhat a um, chu Dân hâwi vima hen Pathian Fapa ah â siam ruangah a thi ding asi,” an ti le, an sâng.

THILTI 8:33

 nâutir liauah a tlûnah diknak hen lâi an rêl lo; hi a thlâk tla thâwngthâng âunih me sim lai? Laikulh thawk hen a nungnâk an lâk piak rawh dangâiah,” ti hi.

ROM 1:4

thenhlimhnâk thlarau lei thu ah chun mithi lakah thawk hen a thawknawlhnâk nih chun, Pathian Fapa a sizia fâk tak hen a theihtir.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.