ISAI 53:6 - Bawm Common Language Bible Version

⁶ Kan ektê hen dawrâ a tlâu mi hâwi kan si le, mah duhnâk lei chiauah kan kal. Sikhawmsele LALPA nih rêpnâk chu a tlûnah a tlungtir. Kan ektê rêp kan tuar ding mi rûlah a tuar.

ISAI 53:6 ပူးပေါင်းရင်းမြစ်များ

GENESIS 22:6

Abraham nih Isak rangah bâwlnâk ding thing châr a puttir le, anih nih chun nâmtê leh meiṭil tih ding mi a put. Munkhat hen an kal liauah,

SAM 119:176

Dawrâ tlâu hâwi hen ka vâi le, churuangah hawng le, hawng ka zauh, Na to-aw hi, na dân thu chu ka thlawrhthlâu lo ruangah.

SAM 69:4

A san lo hen hawng ka huatu tla chu ka lû mi sam ngâk hen an tam. Ka mêlma tla nih keimah do hen âwkrâwl thu an sim le, an chak le, thah ding an ka awt. Ka fîr lo mi thil an ka khirh.

ISAI 40:2

Jerusalem mi tla chu fawrh na u. An tuar khawm a sâwt tâwk rawh, tu chun an sual khawm ngaihdam asi rawh ti simh na u. An sualnâk ruangah tling zat hen ka rep na rawh,” a ti.

ISAI 53:10

LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

ISAI 53:11

A tuar thluh nûnah, lâwmnâk a nei nawlh lai le; a tuarnâk chu a thawt asi lo zia a theih lai rawh. Ka sunhsak tak mi to-aw, ka lawmh tak mi nih chun mi tam tak rêp ding mi rûlah a tuar lai le, amah ruangah ka ngaihdam na lai.

ISAI 53:12

Churuangah zahkâinâk leh rokualnâk leh mi thiltikho tak sinâk ka pêk lai. Misual tla thi ding rûlah thi hen siang tak hen a nungnâk a pêk. Misual tla mun a luah le, ngaihdam an si khonâk ding hen thla a cham piak na,” a ti.

ISAI 53:5

Sikhawmsele, kan sualnâk ruangah liamh hen a um le, kan thilsual ti ruangah vuak hen a um. Rêpnâk a tuar mi hen hawng kan damtir le, vuak a tuar mi hen hawng kan damtir ver.

ISAI 53:7

“Fâk tak a nehsawh hen a um le, sikhawmsele nâu tak hen â dawnh le; tâwm khawm hâu a suah lo. Thah ding mi dawrâ fa hâwi hen leh a mul mêt ding mi dawrâ hâwi hen tâwm khawm a hâu a suah lo.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

ISAI 55:8

LALPA nih, “Kei dawn mi chu nannih dawn mi hâwi asi lo. Ka lampi leh nannih lampi khawm â bang lo.

ISAI 56:11

Annih chu ui hamkah tâwk ti nei lo mi hâwi an si. Hi bang ruitu tla nih theihthiamnâk zeikhawm an nei lo. An ektê hen mah duhzia zia hen thil an ti le, anmah rangah ṭhatnâk cho an hâwl.

ISAI 6:7

Chu meiṭil hen ka mûr chu a hawng tawngh le, “Hi hen na mûr chu tawngh asi rawh le, tu chun na mawhnâk a um lo rawh, na sualnâk ngaihdam asi rawh,” a ti.

ISAI 66:3

“Zapi tla chu anmah duhzia hen thil an ti. Bâwlnâk ah chaw thahtu mawh, minung thahtu mawh, bâwlnâk ah dawrâ fa thahtu mawh, ui ngâwng merhtu mawh; sangvut aptu mawh, vawk thî aptu mawh; rimthâw ap hen milem sinah thlachamtu chu anna bang hep. Fihnungkâi tak hen sawnh chu an duhzia asi.

JEREMIA 50:6

“Ka mi tla chu dawrâ a dâwngpu nih tlâng sâng takah a thlâu na mi hâwi an si. Dawrâ rual hâwi hen tlâng khat thawk hen tlâng dang tla khawm ah an vâi le, an umnâk in khawm an theih lo rawh.

EZEKIEL 3:18

Misual chu a thi ding asi ka ti mi lakah, nangnih rim ding hen leh a nungnâk hum ding hen na simh lo hen misual si bû hen a thi asi chun, a thihnâk mawh chu nangmah kan phurhtir awt.

DANIAL 9:5

“Thilsual kan ti le, thil diklo kan ti. Thu na kan pêk mi tla chu ti ding kan duh lo le, thil dik na hawng kan muhtir mi chu kan hertâk.

ROM 4:25

Chu Jisu chu kan sual ruangah thi ding hen tleihtir hen a um le, kan mawhlonâk ding hen thawh hen a um.

JEM 5:20

âuzawng misual lampi a vâinâk thawk hen kîrtir nawlhtu chu thihnâk ah thawk hen a thlarau ruang a suah lai le, sual tam tak ngaihdamnâk a siam piak asi ti a theih seh.

1 PETER 2:25

Dawrâ tla lampi an vâi mi hâwi nan si. Sikhawmsele, tuah lam chun nan thlarau tla Kiltu leh Dawrâpu chu zûl ding hen kîrtir nan si rawh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

LÂIRÊL 21:25

Chu liauah chun Israel tla lakah lalchem an um lo. Mikip nih mah duhzia zawng hen thil an ti.