ISAI 53:4 - Bawm Common Language Bible Version

⁴ “Sikhawmsele kan tuar ding chu a tuar le, nganfâk kan phurh ding mi a phurh. A tuarnâk zawzawng tla chu a lakah Pathian nih a tlungtir mi si hen kan ruat.

ISAI 53:4 ပူးပေါင်းရင်းမြစ်များ

SAM 69:26

Na rêp na mi chu an nehsawh na; na liamh na mi tuarnâk thu chu an sim.

SAM 69:27

An sual zawzawng singsiahnâk bu chu kil le, na ruangsuahnâk lakah chun tingvo zeikhawm neitir lah na.

SAM 69:8

Ka unau tla sinah chun khual hâwi kasi le; ka dâwngsung tla sinah chun ramdang mi hâwi kasi.

ISAI 53:10

LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

LEVITICUS 16:10

Azazel rangah a tlû mi kêl chu LALPA sinah a nung hen pêk ding, chun ramkaro ah Azazel leiah, zapi tla sual thiangnâk ding hen a thlah ding asi.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

MATHAI 26:37

Chun, Peter leh Zebedai fapa panih chu a put na le, a ngaihsia hen thungâi a lawksawng.

MATHAI 8:17

Khuavâng Isai nih, “Amah ngelchel nih kan chaklonâk tla a lâk le, kan nganfâk tla a phurh,” ti hen a sim mi chu a hawng tlung khonâk ding hen.

JOHAN 19:7

Juda tla nih chun a sinah, “Kan Dân pakhat a um, chu Dân hâwi vima hen Pathian Fapa ah â siam ruangah a thi ding asi,” an ti le, an sâng.

ROM 4:25

Chu Jisu chu kan sual ruangah thi ding hen tleihtir hen a um le, kan mawhlonâk ding hen thawh hen a um.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

1 JOHAN 2:2

anih chu kan sual tla thutluangvâwrnâk asi, kanmah tla sual cho silo hen, laikulh zawzawng sual thutluangvâwrnâk khawm asi.