ISAI 53:3 - Bawm Common Language Bible Version

³ Kan zauhnawmh le, amah chu kan nawng; nganfâk leh tuarnâk leikângah â dawnh kho. Zeikhawm asi lo mi hâwi hen âukhawm nih an zauh duh lo le, kan âwva lo.

ISAI 53:3 ပူးပေါင်းရင်းမြစ်များ

SAM 69:29

Sikhawmsele, kei lam chu nganfâk leh lungdawng hen ka um; Pathian, hawng ka châwi le, ruang hawng ka suah!

SAM 88:4

Midang thi ding mi hâwi kasi; ka chaknâk zawzawng a dih hep,

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

ISAI 50:6

An hawng ka vuaktu tla lakah ka kêng ka dawnh. An ka zauhnawmh liauah ka khap na lo le ka khamul an phâwi hen ka mêl ah chil an ka sah liau khawm ka khap na lo.

ISAI 52:14

Mi tam tak nih amah an muh tikah an lâu khit lai; râwk asi tuktarâi le, zauhnâk ah minung a bangh lo re.

ISAI 53:10

LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

ISAI 53:4

“Sikhawmsele kan tuar ding chu a tuar le, nganfâk kan phurh ding mi a phurh. A tuarnâk zawzawng tla chu a lakah Pathian nih a tlungtir mi si hen kan ruat.

MIKAH 5:1

Jerusalem mi tla, na kawrsen rual pumh na! Hual hen kan um rawh, Israel ruitu an do na rawh!

ZEKARIA 11:8

Dawrâ vêngtu pathum dang hawng ka huatu chu ka tuar na kho lo rawh le, thla khat kar sungah ka kiangtâk ving na.

MATHAI 26:67

Chun, a mêl ah chil an sah le, an vuak le; zeimaw mi nih chun,

MATHAI 27:63

“Ka pu, chu perpettu nih chun a dam liauah khan, ‘Ni thum nûnah ka thawknawlh lai,’ a ti mi kan theih ko.

MARK 10:33

“Ngâinik u, Jerusalem ah kan kâl awt hi; Minung Fapa hi bâwlpu lal tla leh Dân sîntirtu tla sinah tleihtir hen a um awt asi.

MARK 10:34

Chun, annih nih chun a tlûnah thi ding hen thu an thlûk lai le, Phundang tla sinah an pêk lai; chun annih nih chun nihsuak siamnâk ah an mang lai le, chil an sah lai le, an vuak lai le, an thah lai; chun, ni thumnâk ah a thawknawlh lai,” ti hen, a tlûnah thil hawng tlung ding mi tla chu an sinah a sim rawh.

MARK 14:34

Chun, an sinah, “Ka thinlung thungâi a lawksawng le, thihnâk khawp rê asi; hinah hin um ule, a râlring kumza u,” a ti.

MARK 15:19

Chun, a lû ah chun lâiluang hen an vuak le, chil an sah le, siksidîr hen chibai an bûk.

MARK 9:12

Chun, anih nih chun an sinah, “Elija chu a hawng kal masa ding asi rerêng; zeizawng a remh awt asi; thil tam tak tuar hen mi zauhnawmh hen a um ding asi ti Minung Fapa thâwngthâng zei hâwi hen me an rîn?

LUK 16:14

Chun, Farisai, tangka sunhsaktu tla nih chun chubang thu zawzawng an theih le, an nihsanh.

LUK 19:41

Chun, a tlung bâi tem ah, khua chu a muh le, a ṭapnawh le,

LUK 8:53

A thi rawh ti an theih ko dangâiah an nihsanh ko.

LUK 9:22

“Minung Fapa nih hin thil tam tak a tuar ding asi, upa tla, bâwlpu lalchem tla leh Dân sîntirtu tla duh lo hen a um ding asi; thah hen a um ding asi, chun ni thum ni ah thawh hen a um ding asi,” a ti.

JOHAN 11:35

Jisu a ṭap rawh.

JOHAN 8:48

Chun, Juda tla nih chun a sinah, “Samaria mi khuri nei na si kan ti mi kha, kan dik ngen lo ma?” an ti le, an sâng.

DEUTERONOMY 32:15

“LALPA mi tla chu an nei dadauh le, sikhawmsele hel mang an si; An bit hen an khawp asi. An Siamtu Pathian chu an kaltâk le, an Ruangsuahtu chak chu an duh lo.

HEBRAI 4:15

Bâwlpu lalchem kan chak lo zia hawng kan theihpi phanh lo mi neitu kan si lo, kanmah hâwi hen thu zeizawng ah lêmnâk tawng rawh mi, sual lam chu sual lo mi, neitu kan si dauh.

HEBRAI 5:7

Jisu chu tual ah a um liau tla ah khan thihnâk lakah amah sansuah khotu Pathian sinah fâk tak hen âu leh mitthli tlâ rê bû hen thlachamnâk leh ngiarnâk tla a ap le, nâu tak hen â pêknâk ruangah Pathian nih a ngâi piak.