ISAI 53:11 - Bawm Common Language Bible Version

¹¹ A tuar thluh nûnah, lâwmnâk a nei nawlh lai le; a tuarnâk chu a thawt asi lo zia a theih lai rawh. Ka sunhsak tak mi to-aw, ka lawmh tak mi nih chun mi tam tak rêp ding mi rûlah a tuar lai le, amah ruangah ka ngaihdam na lai.

ISAI 53:11 ပူးပေါင်းရင်းမြစ်များ

ISAI 42:1

LALPA nih, “Hi hi ka to-aw ka chaktir mi, ka mi thîm pakhat, ka lungnâ tlâ tak mi chu asi. Ka thlarau hen ka khattir le, phunkip sinah diknâk a tlungtir lai.

ISAI 45:25

Kei, LALPA nih, Jakob thlâk tla zawzawng ruang ka suah na lai le, annih nih an ka sawr lai.

ISAI 49:3

Ka sinah, “Israel, ka to-aw na si; nangmah ruangah mi nih an ka sawr lai,” hawng ka ti.

ISAI 52:13

LALPA nih, “Ka to-aw chu a rianṭuannâk mun a luah lai le, zahkâi tak hen a um lai.

ISAI 53:12

Churuangah zahkâinâk leh rokualnâk leh mi thiltikho tak sinâk ka pêk lai. Misual tla thi ding rûlah thi hen siang tak hen a nungnâk a pêk. Misual tla mun a luah le, ngaihdam an si khonâk ding hen thla a cham piak na,” a ti.

ISAI 53:8

An tleih le, an rêp le, thah ding hen an kalpi le a thi ding mi âukhawm nih an vêng lo. Kan mi tla sual ruangah thah hen a um.

DANIAL 12:3

Ruitu fing chu vân a mi chêunâk zawzawng hen an chêu lai le, mi tam tak thil ti ding hen sîntirtu chu ârfi hâwi hen an chêu kumza lai,” a ti.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

MATHAI 20:28

Minung Fapa hi mi nih rianṭuan piak ding hen a hawng lo le, rianṭuan ding leh mi tam tak tlanhnâk ding ah a nungnâk pêk ding hen a hawng dauh asi,” a ti.

LUK 22:44

Chun, thungâi a thla a kâm le, semsê ngâi khun hen thla a cham; a thlan chu thî hâwi hen tual ah a zut.

JOHAN 12:24

Thungâi tak hen ka nan simh na, fâng mal tual ah a tlâ hen, a thi lo chun, amah lâwng hen a um kumza tâwn; a thi lam chun tam tak hen a rah tâwn.

JOHAN 16:21

Nunau a nganfâk liauah a ngaihsia tâwn, amah tik a tlung rawh ruangah; sikhawmsele, nau a nei rawh chun a lawksawngnâk chu a theih nawlh lo rawh; laikulh ah minung a hawng suak mi chu a lawmh ruangah.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

ROM 4:24

Jisu kan Lalpa mithi lakah mi thawhtu chu lungtu kan si le, kan lungnâk chu repnâk ah ruat asi awt.

ROM 5:9

Chun, a thisen ah mawhlotir a kan um rawh nûnah hin amah ruangah Pathian thinthawknâk lakah mi chu ruangsuah hen kan um ngelchel lai.

1 KORIN 6:11

Chun, nannih zeimaw mi chu hâwi mi nan si tâwn kha. Sikhawmsele, Lalpa Jisu Krist min leh kan Pathian Thlarau ah ṭâwl thiang nan si rawh, thenhlimh mi nan si rawh le, mawhtir lo mi nan si rawh.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

GALATIA 4:19

Ka fa duhtak le tla! Krist chu nanmah lakah siam rangtling hen a um lânlo chun fa ring nganfâk hâwi hen kan lungkham nawlh na.

HEBRAI 12:2

Anih nih chun a mâilei ah lâwptlonâk um mi ruangah kraws ah thihnâk chu zei siarlo hen, tu ah Pathian laltophah vawrhlei ah a va to rawh.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

2 PETER 3:18

Sikhawmsele, kan Lalpa leh Ruangsuahtu Jisu Krist zângfahnâk leh theihnâk ah chun hawng ṭhang u. Tuah leh zungzâl tiang hen amah sinah chun rokualnâk um seh! Amen.

1 JOHAN 2:1

Ka fa le, thilsual nan ti lonâk ding hen hi bang thu hi nan sinah ka hawng rîn asi. Chun, âuzawng nih thilsual a ti chun, Pa sinah simpitu Jisu Krist mirep chu kan nei asi,

2 JOHAN 1:1

Upa nih chun Nunau Pathian thîm mi, ka dâwt ngâi mi leh a fa tla sinah, kei cho silo hen,

2 JOHAN 1:3

Pa Pathian leh Jisu Krist, Pa Fapa sin thawk hen, zângfahnâk tla, khuaruatnâk tla, remnâk tla, thudik leh dâwtnâk tla nan sinah um seh.