ISAI 53:10 - Bawm Common Language Bible Version

¹⁰ LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

ISAI 53:10 ပူးပေါင်းရင်းမြစ်များ

SAM 110:3

Na mêlma na do ni ah chun na mi tla nih anmah thu hen an do lai. Zînglei ah dâmti hâwi hen na tlangvâl tla chu tlâng thenhlimh ah na sinah an hawng lai.

SAM 147:11

sikhawmsele, amah zahtu tla leh a dâwtnâk dawnglo ngauhsantu tla chu a lawmh na.

SAM 149:4

LALPA nih a mi tla chu a lawmh na le; nâu tak hen um mi chu nehtu si hen a chungnungtir na.

SAM 21:4

Nungnâk a nan deih le, dam sâwtnâk leh sansâunâk na pêk.

SAM 22:30

Hi nûnthâi ah thlâk tla nih a rian an ṭuan piak lai; mi nih thlâk a hawng um ding mi sinah LALPA thu chu an sim lai.

SAM 22:31

An suak lo rih mi tla khawm simh an si lai; “LALPA nih a mi tla ruang a suah!” ti hen.

SAM 69:26

Na rêp na mi chu an nehsawh na; na liamh na mi tuarnâk thu chu an sim.

SAM 72:17

Lal min chu philh hen um lah sele; a min thangnâk chu nî a um kar zawng si seh. Phun zawzawng nih amah sawr sele, Pathian nih mal a sâwm na ding hen deih na sele, Lal rangah lâwptlonâk duh na seh.

SAM 72:7

Repnâk nih chun a dam kar zawzawng chu ningnotir sele, vânṭhatnâk chu thlâ chêu kar zawzawng tiang si seh.

SAM 89:29

Vân hâwi hen a lal chi chu a um kumza lai; a thlâk tla khawm lal an si kumza lai.

SAM 89:36

Thlâk tla a nei kumza lai, chun, nî a chêu kar zawzawng chu a ram ka vêng piak lai.

ISAI 42:1

LALPA nih, “Hi hi ka to-aw ka chaktir mi, ka mi thîm pakhat, ka lungnâ tlâ tak mi chu asi. Ka thlarau hen ka khattir le, phunkip sinah diknâk a tlungtir lai.

ISAI 46:10

A bul thawk hen a hawng um nawlh ding mi tla ka simkan le; a lân thawk hen thil a hawng um ding mi khawm ka simkan. Ka thiltum tla chu ka tlawlh lai lo le, ti ding hen thil zeizawng ka tum mi tla chu ka ti nget lai ti ka sim.

ISAI 49:4

“Ka ṭuan le, sikhawmsele, lungum a kâi lo chiam e! Ka chaknâk ka mang le, sikhawmsele zeikhawm â lîm lo,” ka ti. LALPA nih ka thilti lakah lâwmman hawng ka pêk lai.

ISAI 53:12

Churuangah zahkâinâk leh rokualnâk leh mi thiltikho tak sinâk ka pêk lai. Misual tla thi ding rûlah thi hen siang tak hen a nungnâk a pêk. Misual tla mun a luah le, ngaihdam an si khonâk ding hen thla a cham piak na,” a ti.

ISAI 54:3

Na ramri tla na kauh lai le, tuah phundang tla nih an luah mi ram tla chu na mi tla nih anna ting nawlh lai. Khuapi kaltâk rawh mi chu minung hen an khat lai.

ISAI 61:9

Phun tla lakah an min a thang lai le; Mikip anmah muhtu tla nih mal ka sâwm na mi Minung tla an si ti an theih lai,” a ti.

ISAI 66:22

“Ka thiltikhonâk hen tual thar leh vân thar ka umtir kumza mi hâwi hen na thlâk tla leh na min a um kumza lai.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

JEREMIA 32:41

An rangah thil ṭha ti ding hen thinlung thawk tak hen ka ti lai le, hi ram hi luah kumza ding hen ka birhtir na lai.

EZEKIEL 33:11

Kei, LALPA Zahkâi Pathian nung kasi sung zawng chu ka mitmuh hen misual a thi mi lakah lâwmnâk ka nei kho lo ti simh na. An sual rim hen an nung mi muh ka duh dauh asi. Israel, na thilsual ti bâng rawh. Zei rangah thi ding na duh eu?

EZEKIEL 37:25

An thlâktu tla umnâk ram to-aw Jakob sinah ka pêk mi ram ah an um lai. Chunah chun an thlâk tla hen an fa le hen an um kumza lai rawh. Ka to-aw David hâwi mi lalchem nih an tlûnah lâi a rêl kumza lai.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

ZEPHANIAH 3:17

LALPA, nan Pathian chu nan sinah a um le; a thiltikhonâk nih nehnâk an pêk na. LALPA chu nan lakah â lâwm lai le, amah dâwtnâk ah nunchan thar a nan pêk na lai. Nan tlûnah la sak hen â lâwm lai.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

MATHAI 17:5

A sim liau chir ah, sûm vâr tak nih anmah a phenh na rawh; chun, sûm thawk hen aw-hâu nih, “Hi hi ka Fapa duhtak, ka lawmh mi chu asi, amah thu ngâi u,” a ti.

MATHAI 3:17

Chun, ngâinik, vân thawk hen aw-hâu nih, “Hi hi ka Fapa duhtak, thungâi ka lawmh mi chu asi,” a ti.

LUK 1:33

Jakob thlâk tla tlûnah zungzâl hen a lal lai le, a ram nih dawngh ni a nei lai loh,” a ti.

JOHAN 1:29

Chun, a thâituan ah chun Johan nih Jisu a sinah a hawng kal mi a muh. Chun a sim le, “Zauhnik u, Pathian Dawrâ Fa laikulh sual kalpitu ding khi!

JOHAN 12:24

Thungâi tak hen ka nan simh na, fâng mal tual ah a tlâ hen, a thi lo chun, amah lâwng hen a um kumza tâwn; a thi lam chun tam tak hen a rah tâwn.

JOHAN 13:32

Pathian nih amah lakah chun anih chu a chawnglawmh lai, a chawnglawmh sawm lai.

ROM 6:9

a thi nawlh awtlo rawh ti kan theih; thihnâk nih chun amah tlûnah thu a nei lo rawh.

ROM 8:32

A Fapa tak khawm zuah lo hen kan ektê ruangrûl ah pêktu nih chun thil zawzawng khawm a thawt hen hawng kan pêk sih awtlo masi? Pathian mi thîm tla chu âunih phiar lai?

ROM 8:8

Chun, taksa ah um tla nih chun Pathian an lawmhtir kho lo.

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

EPHESI 1:5

A zângfahnâk rokual zia sawr ding hen amah thinlung tluk leh lawmhkâng hâwl hen Jisu Krist zârah amah tâ rangah fa ah siam ding hen hawng kan ruat rawh ruangah. Chu zângfahnâk chu a Fapa duhtak lakah chun a thawt hen hawng kan pêk.

EPHESI 1:9

Tik rangtling khawsât tikah a lawmhkâng zeizawng vân ah thil um tla, tual tlûnah thil um tla khawm Krist ah a pumh ding mi chu amah nih ti a tum hâwi khan; amah lak takah asi.

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

2 THESALONIKA 1:11

Chu hâwi hen chawnglawmh leh chê asi khonâk ding hen kan Pathian nih a nan kawh na nâk ah chun kawh tlâk si hen an ruat kho na ding leh ṭhat duhnâk kip leh lungnâk rianṭuan kip a thiltikhonâk ah a lawhtlingtir khonâk ding hen thla kan cham piak kumza na tâwn hi.

HEBRAI 2:13

Chun, “Pathian lakah ka lungnâk ka ngauh lai,” a ti nawlh. Chun, “Hinah kei leh Pathian nih a ka pêk mi ngâksia tla hi,” a ti nawlh fâwn.

HEBRAI 7:27

Anih chu bâwlpu lalchem dang tla hâwi hen mah sual leh zapi tla sualnâk ruangah bâwlnâk nisiar ap a herh lo. Amah â pêk liau khan mi zawzawng rangah bâwlnâk veikhat ah a lîm rawh ruangah.

HEBRAI 9:14

zungzâl thlarau zârah Krist, simsâwinâk um lo mi bâwlnâk Pathian sinah a ap mi thisen nih chun Pathian nung rianṭuan ding hen kan sia leh ṭha theihnâk chu thilti a thi mi tla lakah chun a thenhlimh awt tuktarâi.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.