ISAI 52:8 - Bawm Common Language Bible Version

⁸ Khuapi vêngtu tla chu anna lâwm tuktarâi le, a rual hen an âu nûnah an âu nawlh. LALPA Zion ah a hawng kîr mi chu anmah mit ngelchel nih a muh kho.

ISAI 52:8 ပူးပေါင်းရင်းမြစ်များ

LA TLA LA 3:3

Khuapi vêngtu khuapi sungah a suak mi tla nih an ka muh. “Hawng ka dâwttu nan muh ma?” ti hen ka deih na.

LA TLA LA 5:7

Khuapi vêngtu tla nih an hawng ka tawng le, an hawng ka vuak le, an hawng ka liamh; khuapi kulh vêngtu tla nih ka lukhuh an thlêk.

ISAI 24:14

A thibang tla nih lâwm hen la an sak lai. Thlanglei mi tla nih LALPA rokual zia an sim lai.

ISAI 26:1

Juda ram ah mi zapi tla nih hi la hi an sak ni ding a tlung awt rawh: Kan khuapi chu a bir! Pathian amah tak nih kulh chu a vêng!

ISAI 27:2

Chu ni ah chun LALPA nih a grep dûm nuam tak thu a sim lai,

ISAI 30:26

Thlâ chu nî hâwi hen a hawng chêu lai le, nî chu ni dangah mi a chêu lehsarih hen a chêu lai le, ni sarih chêu kha ni khat ah fawnh hep mi tluk asi lai. Hi bang zawzawng tla hi LALPA nih a mi tla liam mâ damh hen a tuam ni ah a hawng tlung lai.

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 40:9

Jerusalem, tlâng sâng tak ah kâi le, thâwngthâng ṭha sim rawh. Zion, hâu fâk tak hen âu le, thâwngthâng ṭha chu sim rawh. Thu sim le ṭih lah. Juda khuapi tla chu nan Pathian a hawng ti hen simh na!

ISAI 48:20

Suak u, Babulon ah mi hawng suak u! Thâwngthâng lâwm tak hen âupi ule; mun kip ah theihtir u: “LALPA nih a to-aw Israel chu a hum rawh,” ti hen.

ISAI 56:10

An sinah, “Ka mi tla simhfiang ding mi ruitu tla chu mitchâw an si! Zeikhawm an theih lo. Râlvêngtu ui âu lo hen a it le, mang a manh huahmah mi hâwi an si. It an duh châwk a!

ISAI 58:1

LALPA nih, “A fâk kho rirî hen âu le, ka mi Israel tla an sual thu simh na.

ISAI 62:6

Jerusalem, na kulh tlûnah râlvêngtu ka siah le; A sûn a zân hen an dâisip ding asi lo rawh. LALPA thutiam chu an tharh nawlh lemang lai le, Anna philhtir lai lo rawh.

JEREMIA 31:12

Zion tlângah an hawng kal lai le, lâwm hen la an sak lai, ka thilpêk fâng leh uain, oliv sariak, dawrâ rual leh ranrual tla lakah anna lâwm lai. Dûm tikhurchawh hen châwm mi hâwi an si lai le, an herh mi zawzawng an nei lai.

JEREMIA 32:39

Dam sungah tumnâk pakhat cho ka pêk na lai le; zeiliau zawng ah an hawng ka zah ding hen, anmah leh an thlâk tla ṭhatnâk ding hen.

JEREMIA 33:11

Mi nih ka Biakin ah lâwmnâk thil ap an hawng put liauah la an sak mi nan theih lai. ‘A ṭhatnâk leh dâwtnâk dawnglo ruangah LALPA Zeizawng tikho sinah lâwmthu sim u,’ an ti lai. Hi ram hi a lânah mi hâwitê hen sul-le-lam tluang tak hen ka siam lai. Kei, LALPA nih ka sim asi,” a ti.

JEREMIA 33:7

Juda leh Israel tla chu sul-le-lam tluang tak hen ka siam na lai le, a lânah mi hâwitê hen ka dirh nawlh na lai.

JEREMIA 6:17

Churawhchun, LALPA nih, vêngtu tla chu theihtirnâk tâwtawrâwt ngâi ding hen a ruat. Sikhawmsele, annih nih, “Kan ngâi awtlo,” an ti.

EZEKIEL 3:17

“Thikho mi minung, Israel phun tla vêngtu ah ka nan siam asi. Simhkannâk ka nan pêk mi hi simh vima na.

EZEKIEL 33:7

“Thikho mi minung, tuah Israel phun tla rangah vêngtu ah ka nan siam asi. Simhkannâk ka nan pêk mi hi na simh vima na ding asi.

ZEPHANIAH 3:9

“Churawhchun, phun tla lakah minung tla chu an umdân ka dangtir lai le, pathian dang sawnhlo hen keimah cho an hawng ka sawnh lai rawh. An ektê hen an hawng ka lung hep lai rawh.

ZEKARIA 12:8

Chu tikah chun Jerusalem ah um mi tla chu LALPA nih a hum na lai le, anmah lakah a chak lo chem mi khawm David hâwi hen an chak lai. David thlâk tla nih chun LALPA vânmifial hâwi leh amah Pathian tak hâwi hen an rui na lai.

THILTI 2:1

Chun, Pentekost ni a hawng tlung. An ektê hen mun khat ah anna pûm ver.

THILTI 4:32

Chun, a lungtu mi zapi tla chu thinlung munkhat leh dawnruatnâk munkhat hen an um; an lakah pakhat khawm nih an thil neih, “Ka tâ bîk asi,” an ti lo; thil zawzawng anna bâwm ver tâwn.

1 KORIN 1:10

Chun, unau le tla, nan ektê hen thu bang cho nan sim hen, nan lakah ṭhennâk rêng a um lonâk ding hen, thinlung munkhat leh dawnruatnâk munkhat hen nanna tlâi thlir khonâk ding hen kan Lalpa Jisu Krist min hen ka nan ngiar na.

1 KORIN 13:12

Tu lam chun thlalang ah ka muh rianruan asi, chu tikah lam chun mâitawnh hen asi lai rawh; tuah lam chun a kim lo hen ka theih, chu tikah lam chun Pathian nih a hawng ka theih kim hâwi hen ka theih kim lai rawh.

HEBRAI 13:17

Nan hotu tla thu ngâi ule, an thu thu hen um u. An rianṭuan thâwngthâng Pathian sinah an sim ruangah nan thlarau tla chu dîn lo thlo hen an vêng piak na. An thu nan ngâi chun an rianṭuan chu lâwm tak hen an ti lai, chu lo chun lungsilo bû hen an ti lai le, nan rangah zeikhawm a ṭhavak lai loh.

THUPHUANG 18:20

“Aw vân tla, Pathian mi tla, mifial tla, khuavâng tla a lâwm u, amah thilti hâwitê hen Pathian nih a tlûnah lâi a rêl rawh.’’ a ti.

THUPHUANG 19:4

Chun, upa kulpali leh thilnung pali tla chu an bawkbukhup le, Pathian laltophah ah a to mi chu an mâimûk le, “Amen! ‘’Halleluia’’ (Pathian chu sawr u!’’) an ti.