ISAI 52:7 - Bawm Common Language Bible Version

⁷ Tlâng sâng tla tan hen thâwngthâng ṭha thlangamnâk thu puttu mifial hawng mi muh ding chu a chê awt a! Nehnâk thu a sim le, Zion sinah, “Na Pathian chu lalchem asi!” a ti.

ISAI 52:7 ပူးပေါင်းရင်းမြစ်များ

SAM 59:13

Siatbarh hen âwkrâwl an sim ruangah, na thinthawknâk hen veih na le, veih hep na. Churawhchun, mi zawzawng nih Pathian nih Israel lakah lâi a rêlnâk nih tual zawzawng a khat ti an theih lai.

SAM 68:11

LALPA nih dân a pêk le, nunau tam tak nih thâwngthâng an put:

SAM 93:1

LALPA chu lalchem asi. Lalnâk leh chaknâk hen â thuam. Tual chu a mun ah siah asi le, ninh kho asi lo.

SAM 96:10

“LALPA chu lalchem asi!” ti phun zawzawng sinah sim u. “Tual chu a mun ah bir tak hen a siah le, changh kho ding asi lo; zapi tla chu dik tak hen lâi a rêl piak lai,” ti hen.

SAM 97:1

LALPA chu lalchem asi! Tual, a lâwm rawh! Tipi ah tikulh tla, a lâwm u!

SAM 98:2

LALPA nih a nehnâk chu a phuang! A thiltikhonâk hen ruang a suahnâk chu phun tla a theihtir.

SAM 98:3

A diknâk leh a dâwtnâk dawnglo hen Israel mi zapi le tla sinah a thutiam chu a kil thlir. Kan Pathian nehnâk chu munkip mi zawng nih an muh.

SAM 99:1

LALPA chu lalchem asi; mi tla an thir. Thilnung thla tlûnlei ah a laltophah tlûnah a to le, tual â nîn.

LA TLA LA 2:8

Hawng ka dâwttu hâu ka theih. Tlâng tlûnah a hawng tek le, keimah leikâng fûk hen tlâng a hawng tan.

ISAI 24:23

Thlâ tla a thim lai le, nî khawm a chêu lai lo rawh, LALPA Zeizawng tikhotu chu lalchem asi awt ruangah Jerusalem mi Zion Tlângah lâi a rêl lai le, mi zapi ruitu tla nih a rokual zia an muh lai.

ISAI 33:22

Chubang meilawng tla lakah ri rêngnâk tung chu zeikhawm asi lai lo; a zawhtu tla khawm nih puanzâr an pharh kho lai lo! Mêlma kawrsen neihnâk zawzawng chu kan tleih lai le, a tam dân chu mi khêng tla men nih tingvo an nei kho lai. LALPA amah tak chu kan lalchem asi lai le; kan tlûnah lâi a rêl lai le, hawng kan hum lai,

ISAI 40:9

Jerusalem, tlâng sâng tak ah kâi le, thâwngthâng ṭha sim rawh. Zion, hâu fâk tak hen âu le, thâwngthâng ṭha chu sim rawh. Thu sim le ṭih lah. Juda khuapi tla chu nan Pathian a hawng ti hen simh na!

ISAI 41:27

Kei, LALPA, Zion sinah thâwngthâng sim masachemtu ding chu kasi; Jerusalem ah thusim ding hen mi ka fial le, ‘Na mi tla an hawng! In leiah an hawng tlung!’ ti ding hen;

ISAI 42:11

Ramkaro leh a khuapi tla nih Pathian chu sawr seh: Kedar mi tla nih amah chu sawr seh! Sela khuapi ah um mi tla chu tlâng sâng tla tlûnah lâwm hen âu na seh.

MIKAH 4:7

Mikhêng in thawk hen lât takah um mi an si le, chubang a thibang tla hen a thartê hen dawmh nawlhnâk ka siam lai le, phun rokual tak ah an um lai. Chu thawk hen chun kumleza hen Zion tlângah an tlûnah lâi ka rêl lai,” a ti.

NAHUM 1:15

Zauhnik, tlâng tlûnah mifial thâwngthâng ṭha tak sim ding hen a hawng! Nehnâk thu sim hen lampi ah a hawng liau asi, Juda mi tla, nan kût ni siam ule, Pathian sinah nan thutiam bir tak hen siam u. Misual nih nan ram an rûn lai lo rawh, neh an si hep rawh!

NAHUM 2:1

Ninevi, do hen na um rawh! Nangmah mân ver tirtu thiltikhonâk a hawng tlung rawh. Minung hen vêngnâk siam! Lampi tla vêng! Râl tuk ding hen a tîm!

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

MARK 13:10

Chun, Thâwngthâng Ṭha hi phun zawzawng sinah sim masa ding asi.

MARK 16:15

Chun, an sinah, “Laikulh zawzawng ah kal ule, thilsiam zawzawng sinah chun Thâwngthâng Ṭha hi sim u.

LUK 2:10

Chun, vânmifial nih chun an sinah, “Ṭih lah ule, ngâi u, mikip tâ ding thâwngthâng ṭha lawmh thanuam kâi tak ka nan thanh na.

LUK 24:47

amah min hen rimnâk thu leh sual ngaihdamnâk thu Jerusalem thawk hen phun kip sinah an sim lai,’ ti hen.

EPHESI 6:15

remnâk Thâwngthâng Ṭha timhtuahnâk chu nan kê ah bunh hen dîr u.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 14:6

Chun, tual ah an um mi tla, phun kip tla, chi kip tla, hawlh kip tla, mi kip tla sinah zungzâl Thâwngthâng Ṭha thuchah sim ding hen vânmifial dang vân chung sâng ah a zuang mi ka muh.