ISAI 52:6 - Bawm Common Language Bible Version

⁶ Tik a hawng tlung ding mi lakah Pathian kasi ti ka sim mi chu nan theih lai,” a ti.

ISAI 52:6 ပူးပေါင်းရင်းမြစ်များ

SAM 48:10

Mun kip ah mi nih an sawr le, na min thangnâk nih tual zawzawng a khattir. Rep tak hen lâi na rêl le,

EXODUS 3:13

Sikhawmsele, Mosi nih a sâng le, “Israel fa tla sinah ka va kal lai le, nan thlâktu Pathian nih nan sinah hawng ka fial ka ti lai le, ‘a min âu?’ ti hen an ka deih lai le, churawhchun an sinah zei ka sim awt?” a ti.

EXODUS 33:19

LALPA nih a sâng le, “Ka rokualnâk nan mâika ah ka langh lai le, ka min thenhlimh khawm na sinah ka phuang lai. Kei LALPA kasi, ka thîm mi tla tlûnah zângfahnâk leh siherhnâk suahtu kasi.

EXODUS 6:3

Abraham, Isak leh Jakob sinah Pathian zeizawng tikho si hen ka langh le, sikhawmsele, LALPA keimah min hen thenhlimh tak hen chun an sinah ka theihtir lo.

ISAI 40:9

Jerusalem, tlâng sâng tak ah kâi le, thâwngthâng ṭha sim rawh. Zion, hâu fâk tak hen âu le, thâwngthâng ṭha chu sim rawh. Thu sim le ṭih lah. Juda khuapi tla chu nan Pathian a hawng ti hen simh na!

ISAI 42:9

Thil ka simkan rawh mi tla chu tuah dik tak hen a hawng tlung rawh. Thil thar tla chu a hawng tlung lânah tuah ka nan simh na lai,” a ti.

ISAI 49:23

Lalchem tla chu na rangah pa hâwi an si lai le; lalnu tla chu nu hâwi an si lai. Na mâika ah an hawng kûn hen a nan zah lai; thinlung nâu tak hen a nan zah zia an langh lai. Chu tikah kei LALPA kasi mi leh keimah ṭangpinâk ngâktu tla chu pakhat khawm lungdawng hen an um lai lo ti na theih lai,” a ti.

ISAI 60:16

Nu nih a fa a zauhkhenh mi hâwi hen, Phun tla leh lalchem tla nih a nan zauhkhenh lai. Kei, LALPA nih ka nan hum mi leh Israel Pathian chak nih ka nan suah asi ti na theih lai rawh.

JEREMIA 31:34

A mêchem thawk hen a lianchem mi nih an ka theih awt ruangah, ram lakah mi âukhawm nih LALPA theih ding hen an hâwi le tla sîntir an herh lai lo rawh. An sual tla ka ngaihdam na lai le, an thilsual ti khawm ka theihkumza lai lo rawh. Kei, LALPA nih ka sim asi,” a ti.

EZEKIEL 20:44

Keimah zah ka kâinâk ding ah thil ka ti tik chun, thilsual nan ti mi hâwi hen leh nan ṭhatlo zia hâwi hen kan ti na lo ruangah, nannih Israel mi tla nih kei, LALPA kasi zia nan theih lai rawh,” a ti. LALPA Zahkâi nih a sim asi.

NUMBER 23:19

Pathian chu minung hâwi hen âwkrâwl thusim mi asi lo; Minung hâwi hen thinlung dang lemang mi asi lo. Thu a tiamh rawh mi chu a ti vima; A sim mi chu a ti ngelchel.