ISAI 52:12 - Bawm Common Language Bible Version

¹² Tu lam chu nam bû hen nan suak lai lo rawh le; suak ding hen khawm nanna ṭang lai lo rawh. LALPA nan Pathian nih a nan rui na lai le thil zeizawng ah a nan hum na lai.

ISAI 52:12 ပူးပေါင်းရင်းမြစ်များ

1 CHRONICLES 14:15

Chu thing pâr ah kal hâu na theih chun do na ko, Philistia kawrsen tla neh na ding hen keimah ka hawng mi asi ruangah,” a ti.

EXODUS 12:11

Kal sek ding hen tîm chia hen, nan kê lakah pheikawk bunh hen, nan kut ah ṭhianṭhunh put hen khulrang hen ei u. LALPA, kei nan hawng ka zahnâk ding hen Kalkanh Kût asi.

EXODUS 12:33

Aigupta mi tla nih Israel tla chu mawhsareh hen ram suaktâk ding hen an nâwr na le, “Nan suak lo chun kan thi ver lai,” an ti.

EXODUS 12:39

Aigupta ram thawk hen an hawng suakpi mi sang chu an em le, an hawng suak liauah Aigupta ram mi nih mawhsareh hen an nar na ruangah eibâr zeikhawm an timhtuah manh lo.

EXODUS 14:8

LALPA nih lalchem thinlung chu a khungtir le, Israel tla nehtu kan si anna ti bâk mi chu a ṭhâwl na.

ISAI 26:7

LALPA, mi ṭha rangah lampi chu na tlawrtir le; an khualtlâwngnâk lampi khawm a râwn rawh.

ISAI 28:16

Hi hi, tuah, LALPA zahkâi nih, ‘Zion lungphun bir tak leh chak tak ka siah. Chu lakah chun a ki mi lung ka siah le, chu lakah thu tla rîn mi ka siah, ‘Lungnâk bir tak chu a felfê ber asi.’

ISAI 42:16

“An kal dah lonâk lampi tla ah ka minung mitchâw tla chu ka rui na lai. An mâika ah mûi chu chêu ah ka changtir lai le, ram siakhâ chu rual zat hen ka siam lai. Hi bang tla hi ka thutiam asi le, pakhat khawm relhlo hen ka zûl lai.

ISAI 45:2

“Keimah tak nih na lampi chu ka timhtuah lai le, tlâng sâng leh tlâng tla chu rual zat hen ka siam lai. Khua kulh dâr kawtkhâr chu ka râwk lai le, thîr tluan tla chu ka khiak lai.

ISAI 49:10

an sungvâng hen an tî a hâl lai lo rawh. Nî sa leh ramkaro linhnâk nih nganfâk a pêk lai lo rawh, anmah dâwttu pakhat nih a rui na lai rawh. Tinungva leiah a kalpi na lai.

ISAI 49:11

Tlâng tan phak hen lamlian ka siam lai le ka mi le tla velnâk ding hen lam ka timhtuah lai.

ISAI 51:14

Rêngtlâ mi tla chu sâwtlotê ah suah an si lai le; sâwt tak hen an dam lai le, tî-râwl an herh mi zawzawng an tawng lai.

ISAI 57:18

“An thilti tla ka muh le, sikhawmsele ka damh na lai. Ka rui hen ka ṭangpi na lai le, thinlung ngaihsia tla chu thla ka ngamh na lai.

ISAI 58:8

“Ka sunhsaknâk chu na tlûnah zînglei nî hâwi hen a hawng chêu lai le, na liam mi mâ chu a dam sawm lai. A nan hum ding hen na sinah ka um kumza lai le; ka nan umpinâk nih zei leikâng zawng ah an hum lai.

MIKAH 2:13

Pathian nih an rangah lampi a awng lai le, sal ah tâng mi chu a suah na lai. Khuapi kulh thawk hen an suak lai, an lal LALPA ngelchel nih a rui na lai.

NUMBER 10:25

A dawnghnâk chem ah Dan phun tla chu anmah murui puanzâr tangah mi an suak lai le, murui zawzawng hotu Amisadai fapa Ahiezer thu pêk hen a murui a murui hen an suak lai.

DEUTERONOMY 16:3

Chu buh chu nan ei tikah sang thilnu telh mi hen nan ei ding asi lo. Aigupta ram nan mâk awt liauah mawhsareh nan ei hâwi khan ni sarih chu sang thilnu telhlo mi nan ei ding asi. Chu sang nan ei ding mi chu- tuarnâk sang ti asi lai. Aigupta ram thawk hen nan hawng suak hen, chu ram chu tuarnâk ram asi ti nan damsung zawzawngah nan theih khonâk ding hen.

DEUTERONOMY 20:4

LALPA nan Pathian chu nan sinah a hawng a tel lai le, nehtu ah a nan siam na lai, a ti ding asi.

JOSUA 4:11

Varâl lei an tan thluh rawh chun bâwlpu tla chu LALPA Thudântuk Bâwm hen zapi tla mâilei ah an kal rawh.

LÂIRÊL 4:14

Churawhchun, Deborah nih Barak sinah, “Kal rawh, LALPA nih a nan rui! Tusûn ni ah Sisera chu na sinah pêk asi rawh,” a ti. Churawhchun, Barak chu Tabor tlângah mi chu a minung singkhat hen a va ṭum rawh.