ISAI 52:11 - Bawm Common Language Bible Version

¹¹ Nannih Babulon kaltâktu tla, Biakin thuamthil zawzawng puttu tla, theih u! Khap mi thil tham lah ule; thenhlimh tak hen um ule, suak u.

ISAI 52:11 ပူးပေါင်းရင်းမြစ်များ

1 CHRONICLES 15:12

Anih nih chun Levi tla sinah, “Nannih chu Levi chi tla ruitu nan si. Nanmah leh Levi hâwi tla a thianh u, LALPA Israel Pathian Thudântuk Bâwm siahnâk mun ka timhtuahnâk mun ah nan kalpi khonâk ding hen.

EXODUS 30:19

Aron leh a fapa tla nih Puanin ah mawh mâichâm ah mawh eiphung ap ding hen

ISAI 1:16

Thiang ver hen a ṭâwl u. Thilsual nan ti mi ka muh mi tla hi bâng u.

ISAI 48:20

Suak u, Babulon ah mi hawng suak u! Thâwngthâng lâwm tak hen âupi ule; mun kip ah theihtir u: “LALPA nih a to-aw Israel chu a hum rawh,” ti hen.

ISAI 66:20

Chubang phun tla thawk hen nan ram mi minung tla ka rangah thilpêk hâwi hen an hawng kîrpi lai. Ka tlâng thenhlimh Jerusalem ah rang tlûnah leh sanatung tlûnah to hen sangâwngsâu tla leh rang kari leh chawpê kari tla hen Israel tla nih fâng thil ap Biakin ah a siahnâk thenhlimh ah an hawng put mi hâwi hen an hawng put na lai.

JEREMIA 31:21

Theihtirnâk siam le, lampi singsiah; na mâknâk ram ah lampi hâwl nawlh. Israel mi tla hawng kîr u, nan mâk mi khuapi tla ah nan in ah hawng tlung u.

JEREMIA 50:8

“Israel mi tla, Babulon mi tla thawk hen tek u! Ram mâk thlap u! Kaltâk masa chemnâk si seh!

JEREMIA 51:45

Israel mi tla, chunah mi chu tek u! Ka thinthawknâk fâk tak lakah mi him ding hen tek u.

JEREMIA 51:6

Babulon mi tla lakah mi chu tek u! Nan nungnâk hum ding hen tek u! Babulon mi tla sual ruangah a thahtir lah u. Tuah lehrûl ka sam lai le, amah hen dêng cho hen ka rêp awt.

EZEKIEL 44:23

“Bâwlpu tla nih ka mi le chu thil thenhlimh leh thenhlimhlo â bang lonâk, dân hâwi hen thiang mi leh thianglo mi an sîntir ding asi.

LEVITICUS 10:3

Churawhchun, Mosi nih Aron sinah, “Hi hi asi LALPA nih âuzawng ka rianṭuantu nih chun ka thenhlimhnâk hi an zah ding asi, ka mi le sinah ka rokualnâk ka langh lai a ti liauah a sim mi chu,” a ti. Sikhawmsele Aron chu a dâisip.

LEVITICUS 11:45

Kei, Aigupta ram ah mi an suakpi natu kasi, churuangah nan Pathian kasi. Keimah ka thenhlimh ruangah nanna thenhlimh ding asi.

LEVITICUS 11:47

Dân lakah a thenhlimh mi leh thenhlimhlo thiamthih tak hen nan thlei ding asi, ran ei kho mi leh ei kho lo mi zât lak khawm ah.

LEVITICUS 21:6

 thenhlimhtir ding asi, ka min a mualphoh ding asi lo. Ka sinah eiphung thil ap hen â thenhlimhtir ding asi.

ZEKARIA 2:10

LALPA nih, “Jerusalem mi tla! Nan sinah um ding hen ka hawng ruangah lâwm hen la sak u! ” a ti.

ZEKARIA 2:11

Chu tikah chun phun tam tak LALPA sinah an hawng lai le, a mi tla an si lai rawh. Nan sinah a um lai le, kei khawm amah fial mi kasi ti nan theih lai rawh.

NUMBER 16:26

Mosi nih zapi tla sinah, “Kha misual tla puanin thawk hen a ṭhial ving ule; an neih tla zeikhawm tawngh lah u. Chu hâwi asi lo chun, an sualnâk ruangah an sinah veih sih hen nan um lebang lai,” a ti.

NUMBER 19:11

Ruak tawnghtu zawng chu dân hâwi hen ni sarih kar a thianglo asi.

NUMBER 19:16

Mi âunih mawh, thah mi minung mawh, amah thih hen lêng ah a thi mi mawh tawnghtu mawh âu ruh mawh thlân mawh tawnghtu chu ni sarih kar thianglo ah ngaih asi.

NUMBER 8:6

“Levi tla chu Israel lakah mi

THILTI 10:14

Sikhawmsele, Peter nih chun, “Lalpa asi lo; a thianglo mi leh a nâwmtâm mi zeikhawm ka ei dahlo,” a ti.

THILTI 10:28

Chun, an sinah, “Juda mi nih phundang kawmh leh an sinah kal a thianglo zia nannih nih nan theih asi; sikhawmsele, âukhawm thianglo leh nâwmtâm ka ti ding asi lo ti Pathian nih hawng ka theihtir asi.

ROM 14:14

Amah lak cho chun thianglo zeikhawm a um lo ti Lalpa Jisu ah chun thungâi ka theihfiang, zeimawh thiang lo hen ruattu rang chun amah rang chun a thiang lo asi.

2 KORIN 6:17

Churuangah, Pathian nih chun, “An lakah mi hawng suak ule, a dang hen um u. Thil nâwmtâm rerêng khawm tawngh lah u; churawhchun ka nan lawmh na lai.

EPHESI 5:11

Chun, mûi thilti rah dahlo lakah chun telnâk rerêng nei lah u, tel ngâk hen an mawh zia theihtir dauh na u;

1 PETER 2:11

Duhtak le tla, khual leh khualtlâwng mi nan si ruangah thlarau do tâwntu taksa duhnâk tla bângtâk ding hen ka nan ngiar na asi.

1 PETER 2:5

Lung nung tla hâwi hen amah sinah hawng u, chun thlarau lei in saknâk ah mang ding hen a pêk u. Jisu Krist zârah Pathian sinah thlarau lei bâwlnâk pawmtlâk ap ding hen chunah chun, bâwlpu thenhlimh nan si lai.

THUPHUANG 18:4

Chun, vân thawk hen aw-hâu dang nih a sim mi ka theih le, “Ka mi le tla, a sinah mi hawng suak u, a sualnâk lakah a tel lah u, a rêpnâk lak khawm ah nanna tel ding si lo.