ISAI 52:1 - Bawm Common Language Bible Version

¹ Jerusalem, chak tak leh rokual tak hen um nawlh rawh! Pathian khuapi thenhlimh, rokualnâk hen a thuam rawh! Lunglo tla chu na khua kulh sungah an lût lai lo rawh.

ISAI 52:1 ပူးပေါင်းရင်းမြစ်များ

1 CHRONICLES 16:29

LALPA min rokual chu sawr ule; thil ap tla hen a Biakin ah hawng u. A thenhlimhnâk hen â langh liauah LALPA mâika ah kûn u.

NEHEMIAH 11:1

Ruitu tla chu Jerusalem ah an um le, midang tla vial chu dâwng râ ah dâwng khat vima hen Jerusalem khuapi thenhlimh ah um ding hen chamchawhnâk an nei, a dang vial chu khuapi dang tla leh khua lian dauh ah an um.

SAM 110:3

Na mêlma na do ni ah chun na mi tla nih anmah thu hen an do lai. Zînglei ah dâmti hâwi hen na tlangvâl tla chu tlâng thenhlimh ah na sinah an hawng lai.

EXODUS 28:2

Na unaupa Aron rangah bâwlpu thuam siam le, rokualtirtu leh dawhtirtu rang ding ah pêk.

EXODUS 28:40

“Rokual leh dawhtir ding hen Aron fapa tla rangah kawrdawh, tâisâwm leh lukhuh siam tir na.

ISAI 1:21

Khuapi zumhkâi tak chu mi hur â zuar mi hâwi asi rawh! Veikhat chu mirep tla hen an khat le, sikhawmsele tu lam chu mi thahtu karo an um.

ISAI 1:26

A lânah mi hâwi hen simhtu leh lâirêltu ka nan pêk lai. Churawhchun, Jerusalem chu khuapi rep leh zumhkâi asi, an ti lai,” ti hen.

ISAI 26:2

Khuapi kulh kawtkâ chu awng ule, phun zumhkâi thil dik titu phun ah mi tla chu lûttir na u.

ISAI 35:8

Chunah chun lamlian, “Thenhlimhnâk lampi” an ti mi a um lai. Chu lampi ah chun misual âukhawm an kal lai lo; lampi ah kal mi chu mi â tla khawm an vâi lai lo.

ISAI 4:3

Jerusalem ah a thibang an um mi tla LALPA nih a thîm na mi chu, thenhlimh an ti na lai.

ISAI 48:2

Khuapi thenhlimh lakah mi kan si, Israel Pathian, a min chu zeizawng tikhotu LALPA lakah ngauh mi kan si ti hen zûm tak hen thu nan sim nget rih.

ISAI 49:18

Na kiangkam tla a hawi le, zei thil a hawng tlung zauh! Na minung tla anna pûm hen in leiah an hawng tlung liau chir! Kei Pathian nung kasi ruangah, na mi tla chu mo nih a lungsung â zumh phah mi hâwi hen na mi tla chu zumhnâk ah na mang lai.

ISAI 51:17

Jerusalem, thawk rawh! A ṭhang le, thawk rawh! LALPA nih a thinthawknâk rêpnâk hâi a nan pêk mi chu na din rawh; Na din hep le, a nan hâwrtir.

ISAI 51:9

LALPA, meng le, hawng kan ṭangpi! Na thiltikhonâk mang le, ruang hawng kan suah rawh; a lânah na ti mi hâwi hen mang rawh. Tipi mi thilnung lian Rahab sâm diptu na si.

ISAI 60:1

Jerusalem thawk le, nî hâwi hen chêu rawh; LALPA rokualnâk na tlûnah a chêu!

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

ISAI 64:10

Na khuapi thenhlimh tla chu a karo hen a um: Jerusalem chu râwk dep hen a um,

JEREMIA 31:23

LALPA, Zeizawng tikho, Israel Pathian nih, “Mi zapi tla an ram ah ka umtir nawlh na tikah chun, Juda ram ah leh a khuapi tla ah veikhat chu, ‘LALPA nih a umnâk mun thenhlimh Jerusalem Tlâng thenhlimh chu malsâwm seh,’ an ti nawlh lai.

EZEKIEL 44:9

“Ramdang minung fêmtanlo, hawng ka lunglotu tla, Israel lakah ramdang minung um mi tla pakhat khawm ka Biakin ah an lût ding asi lo, ti kei LALPA nih ka phuang asi,” a ti.

DANIAL 10:9

A hâu chu ka theih kâ hen zeikhawm theihlo hen tual ah ka tlû le, bawkbukhup hen ka bawk.

JOEL 3:17

Churawhchun, Israel, na Pathian kasi zia na hawng ka theih lai rawh. Ka tlâng thenhlimh ah ka um lai le, Jerusalem chu khuapi thenhlimh asi lai. Ramdang mi tla nih an neh na lai lo rawh.

NAHUM 1:15

Zauhnik, tlâng tlûnah mifial thâwngthâng ṭha tak sim ding hen a hawng! Nehnâk thu sim hen lampi ah a hawng liau asi, Juda mi tla, nan kût ni siam ule, Pathian sinah nan thutiam bir tak hen siam u. Misual nih nan ram an rûn lai lo rawh, neh an si hep rawh!

HAGAI LASUIBU 2:4

Sikhawmsele tuah âukhawm lungdawng lah u, nan sinah ka um asi, rianṭuan ko u.

ZEKARIA 3:4

Vânmifial nih chun vânminung um mi tla sinah, “Hi minung nih puan bâl tak â aih mi hi lît piak u,” a ti. Churawhchun, Josua sinah, “Na sualnâk chu ka lâk ving rawh le, puan thar aih ding ka nan pêk lai,” a ti.

MATHAI 4:5

Churawhchun, Diabol nih Khua Thenhlimh ah chun a lûtpi le, Pathian Biakin tlûn sîp zum ah a siah le,

LUK 15:22

Sikhawmsele, a pa nih chun a to-aw tla sinah, Puan ṭha chem kha hawng put rereh ule, aihtir u; a kut ah pizung leh a kezaphah ah pheikawk bunhtir u.

ROM 13:14

Lal Jisu Krist râlthuam hen chun a thuam dauh ule, nan taksa duhnâk zawh ding hen zeikhawm a siam lah u.

ROM 3:22

chu chu Pathian repnâk, Jisu Krist lung ruangah a lungtu vial tla sinah langhtir hen a um mi chu asi; dangnâk rerêng a um lo:

EPHESI 4:24

minung thar, thudik repnâk leh thenhlimhnâk ah Pathian hâwi a siam hen khan a thuam u,” ti thu hi.

EPHESI 5:14

Churuangah, “Nang, it meng le, mithi lakah mi thawk rawh; chun, Krist nih a nan cherh lai,” a ti kha.

EPHESI 6:10

A dawnghchemnâk ah Lalpa ah leh a chaknâk ah thiltikhonâk nei hen hawng um u.

THUPHUANG 11:2

Sikhawmsele, biakin lênglei kulhsung lam chu tah sih lah, chu chu phun dang sinah pêk asi rawh, annih nih chun Khua Thenhlimh chu thla sâwmli leh thlanih an lamhbêk lai.

THUPHUANG 19:14

Chun, vân ah kawrsen tla nih chun, puan mangṭhia vâr tak aih hen rang ngo tlûnah chuan bû hen an zûl.

THUPHUANG 19:8

Puan mangṭhia chu mi thenhlimh tla thilti rep asi ruangah, puan mangṭhia thiang tak, a lek mi chu aihtir ding hen pêk asi.

THUPHUANG 21:2

Chun, khua thenhlimh Jerusalem thar chu, mo, a pasal hen a tawng ding hen dawh tak hen â thuam ziar mi hâwi hen, Pathian sin thawk hen vân ah mi a hawng ṭum mi ka muh.

THUPHUANG 21:27

Sikhawmsele, nâwmtâm tla leh thil dawh lo titu tla leh âwkrâwl simtu tla chu an lût lai lo; Dawrâ Fa nungnâk lasuibu ah an min â rîn mi cho an lût lai.