ISAI 51:8 - Bawm Common Language Bible Version

⁸ Rulchawn nih puan a ei hep mi hâwi hen an vei dep lai! Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu zeiliau zawng a um kumza lai,” a ti.

ISAI 51:8 ပူးပေါင်းရင်းမြစ်များ

JOB LASUIBU 13:28

Thing a mawt mi hâwi kasi, nipuan rûlchawn nih a ei mi hâwi kasi.

JOB LASUIBU 4:19

Tual hen a siam mi, valeidip hen thilsiam rannung hâwi hen vei kho mi chu, a zumh ding hen ma na ruat?

ISAI 14:11

Ṭingṭang tum hen zahkâi tak hen na um le, sikhawmsele tu lam chu laikulh thihnâk ah na um rawh. Tholung nâwngah na it le, changchêl chu puan hâwi na vurh,’ an ti.

ISAI 45:17

Sikhawmsele Israel chu LALPA nih a hum le, zungzâl hen nehtu asi; a mi tla chu zei liau khawm ah an mualpho lai lo!’ ” a ti.

ISAI 46:13

Nehnâk ni ka tlungtir ding mi chu a nâi rawh, a lât rîlmâl lo. Ka neh ding mi chu a sâwt lai lo rawh. Jerusalem chu ka hum lai le, Israel lakah zahnâk ka tlungtir lai,” a ti.

ISAI 50:9

LALPA zahkâi nih hawng ka vêng mi lakah âunih ka mawh ti langhtir kho? Rulchawn nih puan a ei mi hâwi hen hawng ka phiartu tla zawzawng chu an vei lai.

ISAI 51:6

Vânlei zauh le tual zauh! Vân chu meikhû hâwi hen a vei ving lai le tual chu puan li hâwi hen a ṭet lai. A minung tla chu thovâi hâwi hen an thi lai. Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu a dawnghnâk asi lai.

ISAI 54:9

“Noa um liau khawm ah tual tlûnah buanso tlungtir lo rawh ding hen thu ka tiamh. Tu khawm ah na lakah thinrun lo rawh ding hen thu ka tiam; nunsimh hen ka nan rêp lai lo rawh.

ISAI 66:24

“An suak liauah ka lakah hel mi ruak tla an muh lai. Anmah eitu tholung tla a thi lai lo, anmah khanghtu mei khawm a mit lai lo. Minung mitmuh ah fihnungkâi an si lai,” a ti.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

HOSEA 5:12

Israel tla tlûnah râwknâk ka tlungtir lai le, Juda tlûnah khawm râwknâk ka tlungtir lai.

LUK 1:50

A ṭihtu tla chu san nûnah san nawlh tiang hen, khua a ruat vima tâwn.