ISAI 51:3 - Bawm Common Language Bible Version

³ “Jerusalem leh â râwk mi lakah um mi zawzawng tla sinah sunhsaknâk ka langh lai. A ram chu a karo hen um menza khawmsele Eden ah dûm ka tuah mi hâwi hen dûm ah ka tuah awt. Lâwmnâk leh lâwptlonâk chunah chun a um lai le sawrnâk la an sak lai le, ka sinah lâwmthu an sim lai.

ISAI 51:3 ပူးပေါင်းရင်းမြစ်များ

GENESIS 13:10

Lot nih a kiangkam Jordan Vakuam zawzawng chu a zauh le, Zoar lei kalnâk tî tamnâk lei tla, LALPA DÛM mawh Aigupta ram ah mi hâwi chu a muh. (chu chu Sodom leh Gomorah khuapi LALPA nih a râwk lânah mi chu asi.)

SAM 85:8

LALPA Pathian nih a sim mi chu ka ngâi le; kan âtnâk lampi leiah kan kîr nawlh lo asi chun a mi le tla sinah thlangamnâk hawng kan tiamh.

ISAI 12:1

Mi zapi tla la sak ding mi ni a hawng tlung awt rawh. “LALPA ka lakah na thin a run le, Sikhawmsele, tu lam chun na thinthawk lo rawh le, thla na ka ngamh ruangah ka nan sawr lai.

ISAI 25:9

Chu chu a hawng tlung tik chun, mikip nih, “Kan Pathian asi! Amah chu kan rinhsan le, ruang hawng kan suah rawh. Amah chu LALPA asi! Amah chu kan rinhsan le, tu chun ruang hawng kan suah ruangah kan lâwptlo hen kanna lâwm rawh,” an ti.

ISAI 35:6

Kekhêng chu a lawk hen a lâm lai le, mi hawlh kho lo chu lâwm ruangah a âu lai. Ramkaro ah tiva tla an luang lai le,

ISAI 41:16

Boruak ah na vawrh phin lai le thli nih a ranh ving lai, thlipi nih a thektham hep lai. Churawhchun, kei na Pathian kasi ruangah na lâwptlo lai rawh; Israel Pathian thenhlimh chu na ka sawr lai rawh.

ISAI 43:19

Thil thar ka ti ding mi chu ngâk rawh. A hawng tlung ko rawh, tuah na muh kho lai! Ramkaro ah lan dak hen lamlian ka siam lai le, chunah chun tinungva ka nan pêk lai.

ISAI 44:26

Sikhawmsele, ka to-aw nih simkannâk a sim hen, ka thiltum langhtir ding hen mi ka fial chun, chubang tumnâk tla leh simkannâk tla chu dik tak hen ka tlungtir. Jerusalem ah minung an um nawlh ding mi thu ka sim le, Juda khuapi tla khawm sak nawlh ding thu tla ka sim. Chubang khuapi tla râwk an si rawh mi chu dirh nawlh hen a um lai.

ISAI 49:13

Vân tla, la sak u! Tual, lâwm hen âu rawh! Tlâng tla chu la sak hen hâu suah na seh! LALPA nih a mi tla chu thla a ngamh na lai le; a mi tla nih nganfâk an tuar mi chu a siherh na lai.

ISAI 49:19

“Na ram tla chu a râwk hen a karo hen a um le, Sikhawmsele, tu lam chun um ding hen a hawng kal. Mi tla rangah a mê awt tuktarâi rawh. Nanmah siat leh râwktu chu, nan sinah mi ram lât takah ṭhial an si lai rawh.

ISAI 49:8

LALPA nih a mi tla sinah, “Nangmah ruangsuahnâk ding hen tik a hawng tlung chun kan sunhsak zia ka langhtir lai le, ṭangpi deih hen na âu mi ka nan sâng lai. Kan vêng hen ka nan hum lai le, nangmah ruangah mi zawzawng hen thudântuk ka siam lai. Tuah nan ram siat leh râwk hen a um mi lakah hin ka nan umtir nawlh lai.

ISAI 51:12

LALPA nih, “Kei hi a nan chaktir natu chu kasi. Belh tluk khawm a dam sâwt lo ding mi thi kho mi minung rangah zei rangah na ṭih awt?

ISAI 52:9

Nang, Jerusalem râwk hen um rawh mi, lâwm hen âu rawh! LALPA nih khuapi chu a hum hen a mi tla chu thla a ngamh na lai.

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

ISAI 65:18

Ka thilsiam lakah a lâwm ule, lâwptlo u. Jerusalem ka siam mi chu lâwmnâk hen a khat lai le, a mi tla khawm anna lâwm lai.

JEREMIA 31:25

A dî mi tla leh a sungvâng hen a uai mi tla chu buh hen ka khimtir hen ka panhlâutir na lai.

EZEKIEL 28:13

Pathian dûm Eden ah na va um le, lungsung chikip na awih: rubi, diamon, topaz, beril, karnelian, leh jasper, saphir leh emeral leh garnet tla hen. Ngûn hen mi thuam na nei. Siam hen na um ni ah nangmah rangah an siam mi asi.

EZEKIEL 36:11

Minung leh ran tla tam tak ka zantir lai. A lânah mi ngâk hen nan tam lai le, te leh fa tam tak nan nei lai. Um ding nan tum mi hâwi hen chunah ka nan umtir na lai le, a lân ngâk hen sul-le-lam tluang dauh hen kan siam na lai. Churawhchun, LALPA kasi ti nan theih lai rawh.

EZEKIEL 36:35

Mikip nih, “hi ram hi veikhat chu ramkaro asi rawh mi, Eden dum hâwi asi ving rawh; khuapi tla khawm an siat hen an râwk le, râwk dep hen an siah rawh mi, tu chun an luah nawlh le, kulhnei hen an siam hep rawh,” an ti lai.

JOEL 2:3

Belh a kho mi tla chu mei nih a khangh mi hâwi hen an ei hep. An mâilei ram chu Eden dûm hâwi asi le, an dunglei ram chu ramkaro a lâwng tlo mi hâwi hen a um. Zei thil khawm an zuah lo.

1 PETER 1:8

Amah chu muh lo khawm ule, nan dâwt le, chun amah chu tuah nan muh lo khawmsele nan zumh; chun sim kho lo rê mi lâwmnâk rokual hen a nan khattir na asi.