ISAI 51:19 - Bawm Common Language Bible Version

¹⁹ Siatnâk letnih na tlûnah a hawng tlung: Tuknâk nih na ram chu a râwk hep le na mi tla nih ei ding an nei lo. Nang rangah lungkhamtu pakhat khawm an um lo.

ISAI 51:19 ပူးပေါင်းရင်းမြစ်များ

JOB LASUIBU 2:11

Job hâwi pathum, Eliphaz chu Teman khuapi mi asi le, Bildad chu Suah ram ah mi asi, Zophar chu Naamah ram ah mi asi. Job thil tuar fâk zia an theih le, amah thlangamh ding hen kal an tum.

JOB LASUIBU 42:11

Job unau, a farnu tla leh a lânah a hâwi tla nih an hawng veh le, a sinah puai an ei. An dâwtnâk leh a lânah LALPA nih a tlûnah lawksawngnâk a hawng tlungtir mi lakah thla an ngamh le, thu an sim. An ektê hen tangka leh ngûn pizung tla an pêk.

SAM 69:20

Simsâwinâk nih ka thinlung a râwk le, ka lung a dawng. Zângfahtu leh siherhtu ka lungum le, sikhawmsele pakhat khawm an um lo. Thlangamhtu ka hâwl le, âukhawm ka tawng lo.

THUSIMTU 4:1

Churawhchun, hi laikulh ah diklonâk zawzawng kal vima mi chu ka chuanh nawlh. Nâuneh hen an um mi tla chu an ṭap le, âukhawm nih an ṭangpi na lo. Anmah nehsawhtu leikâng mi tla nih thiltikhonâk an nei ruangah pakhat khawm nih an ṭangpi na lo.

ISAI 14:30

LALPA chu a mipâm tak tla rangah dawrâpu asi lai le, him tak hen a umtir na lai. Sikhawmsele, nannih Philistia mi tlûnah pâm fâk tak a hawng tlungtir lai le, pakhat khawm dam hen an mâk na lai loh.

ISAI 22:4

Ka mi le thi mi zawzawng tla ngaihsia tak hen ṭappi na ding hen tuah keimah lâwng hen hawngka kaltâk ko. Thla hawng ka ngamh ding a tum lah.

ISAI 47:9

Sikhawmsele ni khat kar ko ah hi bang thil tla hi a hawng tlung vevê awt. Na dâwithiamnâk zawzawng mang khawm le, na pasal leh na fa tla chu na thlâu ding nget.

ISAI 54:11

LALPA nih, “Aw Jerusalem, nang nganfâk tuartu, ṭangpitu nei lo khuapi, thlangamhtu pakhat khawm nei lo mi na lungphûm chu lungsung hen ka dirh nawlh lai.

ISAI 60:18

Siat leh râwknâk rihâu chu theih asi lai lo rawh; Siatnâk nih nan ram chu a râwk nawlh lai lo rawh. Kulh hâwi hen ka nan hum hen ka nan vêng lai; Ruang ka nan suah ruangah na ka sawr lai.

ISAI 61:2

LALPA nih a mi tla ruang a suah na ding mi leh Mêlma tla a neh piak ding mi tik a tlung rawh Ti sim ding hen hawng ka fial. Mi ngaihsia tla sinah thlangamh ding hen hawng ka fial.

ISAI 8:21

Mi tla chu ram pumpi ah thinlung dawng leh sungvâng hen an vâi chur lai. An sungvâng hen an thinthawk tukah lalchem leh an Pathian rangah siat an barh lai.

ISAI 9:20

Ram lakah mun kip ah chuh bû hen buh an tawngnâk zawng ah an ei le, sikhawmsele an sungvâng chu a reh lêm lo. An fa le tla tiang an ei!

JEREMIA 15:5

LALPA nih, “Jerusalem mi tla, âunih pawi a nan ti awt, âu na lakah a ngaihsia awt? Âunih nang rangah na umdân deih ding hen an ngâk châwk awt?

JEREMIA 24:10

Anmah leh an thlâktu tla ka pêk na mi ram lakah mi chu pakhat khawm âwl lo ding hen an tlûnah donâk, pâmnâk leh râi ka tlungtir lai,” a ti.

LUNGFÂKNÂK 1:12

Amah paltu sin kip ah, “Hawng ka zauhnik u!” ti hen a ṭap. Ka nganfâk LALPA nih a thinthawk liauah ka tlûnah A tlungtir mi hâwi hi âukhawm nih an tuar dahlo.

LUNGFÂKNÂK 1:9

A nâwmtâmnâk chu awldek hen muh hen a um le, A vânduai ding mi khawm a ruat lo. Niamtir hen a um mi chu thungâi ṭihnung a kâi le; Pakhat khawm nih thla an ngamh kho lo. A mêlma tla nih an neh le, khuaruatnâk ngiar hen LALPA sinah a ṭap.

LUNGFÂKNÂK 3:47

Siat leh râwk hen kan um le, ningṭih leh lâu hen kan um.

EZEKIEL 14:15

“Chu hâwi asi lo khawm ah minung thah ding hen ramsa fial hen mi velvâ um kho lo rê ding hen ram lakah ṭihnungkâi ka siam kho,

EZEKIEL 14:21

Hi hi LALPA Zahkâi nih a sim mi chu asi: “Jerusalem tlûnah rêpnâk ṭhalo chem pali, râltuknâk, pâmnâk, ramsa tla leh râi, ran leh minung bang cho veihtu ka tlungtir awt.

AMOS 7:2

Chu langhnâk ka nei mi lakah chun khâubawk nih thil ring ram lakah mi a ei hep mi ka muh le, churawhchun kei nih, “LALPA Zahkâi, na mi tla ngaihdam na rawh, zeitin an him kho zia lai? An tâwm hen an chak lo thlo mi!” ka ti.

NAHUM 3:7

An muhtu zawzawng an thinlung a kah zar lai! ‘Ninevi chu râwk dep hen a um ko rawh a! Amah rangah lungkhamtu âu um? Âunih thla va ngamh ding a duh? an ti lai,” a ti.

2 KORIN 7:13

Churuangah, lungngam hen kan um rawh. Kanmah lungngamnâk cho lo khawm ah, Tita lâwmnâk ruangah kanna lâwm khun le, nannih zawzawng nih a thinlung nan thartir piak ruangah.