ISAI 51:16 - Bawm Common Language Bible Version

¹⁶ Vân tla ka pharh le, tual lungphûm tla ka phûm; Jerusalem sinah, ‘Nang chu ka mi tla na si! Ka sîntirnâk ka nan pêk hen ka kut hen ka nan hum,’ ” a ti.

ISAI 51:16 ပူးပေါင်းရင်းမြစ်များ

SAM 75:3

Thilsiam nung tla thir hen a nîn khawmsele, a lungphûm chu bir tak hen ka kil lai.

SAM 91:4

A thlâ hen a nan tuam lai le; amah vêngnâk ah chun him tak hen na um lai; zumh a kâinâk hen an vêng hen an zauhkhenh lai.

SAM 92:13

LALPA in ah thing phun mi hâwi mi Pathian Biakin ah châwm mi hâwi an si,

EXODUS 33:22

Ka chêunâk rokual a hawng kal tikah lungpi kak lakah ka nan siah lai le, ka lan ving lânlo chu ka kut hen ka nan huh lai.

EXODUS 4:15

A sinah thusim ding mi vial na simh kho. Nan panih hen sim ding hen kan ṭangpi na lai le, nan panih hen ti ding mi tla kan simh na lai.

ISAI 45:18

LALPA nih vân tla a siam le, anih chu Pathian asi! Tual a tuah hen a siam le, um kumza ding hen bir tak hen a siam. A karo hen a siam lo, mi le tla umnâk mun ding ah a siam mi asi. “Kei, LALPA kasi, pathian dang a um lo,” titu chu amah asi.

ISAI 48:13

Ka kut hen tual lungphûm ka siam le, vân ka pharh. Tual leh vân ka kawh na liauah rang tak hen an hawng le, ka sinah anna pêk.

ISAI 49:2

Ka thu chu nâmsâu hâr mi hâwi hen a siam. Amah kut hen hawng ka hum. Chanhtiang thal zum hâr tak leh mang ding timhtuah zet mi hâwi hen hawng ka siam.

ISAI 49:8

LALPA nih a mi tla sinah, “Nangmah ruangsuahnâk ding hen tik a hawng tlung chun kan sunhsak zia ka langhtir lai le, ṭangpi deih hen na âu mi ka nan sâng lai. Kan vêng hen ka nan hum lai le, nangmah ruangah mi zawzawng hen thudântuk ka siam lai. Tuah nan ram siat leh râwk hen a um mi lakah hin ka nan umtir nawlh lai.

ISAI 50:4

Mi chaklo tla chu ka chaktir khonâk ding hen LALPA zahkâi nih sim ding mi chu a hawng ka sîntir. Zîng siar hen hawng ka sîntir mi lakah ngâi ding hen thinlung thawknâk hawng ka pêk.

ISAI 57:19

Mun nâi leh mun lât ah mi an ektê sinah thlangamnâk ka pêk na lai! Ka mi tla chu ka damh na lai.

ISAI 59:21

Nan sinah thudântuk ka siam asi: Nan tâ si kumza ding hen ka thiltikhonâk leh sîntirnâk ka nan pêk na, tu thawk hen ka thu tla nan zâwt hen, nan fa tla leh nan thlâk tla tik a hawng um ding mi zawzawng lakah zûl kumza ding hen sîntir na u,” a ti.

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

ISAI 65:17

LALPA nih, “Tual thar leh vân thar ka siam. A lânah mi thil um tla chu philh hep asi lai rawh.

ISAI 66:22

“Ka thiltikhonâk hen tual thar leh vân thar ka umtir kumza mi hâwi hen na thlâk tla leh na min a um kumza lai.

JEREMIA 1:9

Churawhchun, LALPA nih a kut a zo le, ka mûr a hawng tawngh le, ka sinah, “Ngâi rawh, na sim ding mi thu ka nan pêk hi.

JEREMIA 24:7

Kei, LALPA kasi ti theih ding duhnâk ka pêk na lai. Churawhchun, ka sinah an thinlung zawzawng hen an hawng kîr awt rawh ruangah annih chu ka mi le an si lai le, Kei, an Pathian kasi lai.

JEREMIA 31:33

Israel mi tla hen thudântuk thar ka siam mi chu hi hi asi lai: An sungah ka dân tla ka siah lai le, an thinlung ah ka rîn lai. Kei, an Pathian kasi lai le, annih chu ka mi le an si lai.

JEREMIA 32:38

Annih chu ka mi tla an si lai le, Kei, an Pathian kasi lai.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

ZEKARIA 8:8

Jerusalem ah um ding hen saklei ah leh thlanglei ah mi chu ka kîrpi nawlh lai. Annih chu ka mi tla an si lai le, kei chu an Pathian kasi lai le, an tlûnah rep tak leh zumhkâi tak hen lâirêltu kasi lai.

JOHAN 17:8

Nangnih thu na ka pêk mi tla kha an sinah ka pêk rawh ruangah; chubang chu an tawng le, na sinah thawk hen suak kasi ti dik tak hen an theih rawh, nangnih na ka fial ti khawm an lung rawh.

JOHAN 3:34

Pathian fial mi nih chun Pathian thu a sim tâwn; anih nih chun a Thlarau khatnâk rangtling a pêk.

DEUTERONOMY 18:18

Anmah lakah mi nangmah hâwi mi khuavâng pakhat an sinah ka fial lai le; thusim ding mi tla chu ka simh lai le, thu ka pêk mi tla zawzawng chu zapi tla a simh na lai.

DEUTERONOMY 33:27

Pathian chu nanmah vêng kumzatu asi; A zungzâl bân chu nanmah ṭangpitu asi. Nan kalnâk zawng ah nan mêlma tla chu a nar le, An ektê râwk ver ding hen an simh na.

HEBRAI 8:10

“Chubang tla nûnah chun Israel dâwngsung tla sinah thudântuk ka siam ding mi chu hi bang hi asi,” Lalpa nih a ti. “Hi nûn chun an thinlung ah ka thupêk tla ka siah lai le, an thinlung ah ka rîn ber lai le, chun, kei an Pathian kasi lai le, annih chu ka mi tla an si lai.

2 PETER 3:13

Sikhawmsele, Pathian thutiam hâwi hen vân thar leh tual thar, a sungah repnâk um ding mi chu kan ngâk asi.

THUPHUANG 1:1

Jisu Krist thuphuang, Pathian nih a to-aw tla theihtir ding hen a sinah a pêk mi, thil hawng um sawm ding mi thu chu asi. Chu chu, a vânmifial mang hen, a to-aw Johan a hawng theihtir le,