ISAI 51:14 - Bawm Common Language Bible Version

¹⁴ Rêngtlâ mi tla chu sâwtlotê ah suah an si lai le; sâwt tak hen an dam lai le, tî-râwl an herh mi zawzawng an tawng lai.

ISAI 51:14 ပူးပေါင်းရင်းမြစ်များ

Ezra lasuibu 1:5

Juda leh Benjamin phun lakah a lukhâi dauh tla, Bâwlpu tla leh Levi tla leh midang thinlung thawknâk Pathian nih a pêk mi zawng chu Jerusalem ah LALPA Biakin sak ding hen anna tîm.

ISAI 30:20

LALPA nih tik harsa zawzawng a nan tuartir na lai le, sikhawmsele, nanmah sîntir ding hen amah ngelchel a um lai le, nannih nih amah rangah nan hâwl ding a herh lai lo rawh.

ISAI 33:6

Phun tla sinah birhnâk a pêk lai. A mi tla chu a hum kumza na le, finghnâk leh theihnâk a pêk na. An ro rokual chem chu LALPA an zahnâk chu asi.

ISAI 48:20

Suak u, Babulon ah mi hawng suak u! Thâwngthâng lâwm tak hen âupi ule; mun kip ah theihtir u: “LALPA nih a to-aw Israel chu a hum rawh,” ti hen.

ISAI 49:10

an sungvâng hen an tî a hâl lai lo rawh. Nî sa leh ramkaro linhnâk nih nganfâk a pêk lai lo rawh, anmah dâwttu pakhat nih a rui na lai rawh. Tinungva leiah a kalpi na lai.

ISAI 49:25

LALPA nih, “Chubang tla chu a hawng um ding rêng asi. Kawrsen nih an tleih mi tla chu suh ving asi lai le misual tla nih thil an lâk mi tla chu tleih piak asi lai. Nangmah an dotu chu ka do lai le, na fa tla chu ka hum na lai.

ISAI 52:2

Jerusalem, thawsuak tak hen a lît rawh! Valeidip lakah mi thawk le, na laltophah tlûnah to! Zion ah mi saltâng tla, rêng a nan khimh na mi sût!

JEREMIA 37:16

Tual khur kardang sung ah ni sâwt tak siah hen ka um.

ZEKARIA 9:11

LALPA nih, “Bâwlnâk thisen hen nan sinah thudân ka tuk ruangah, nan mi tla chu ti umlonâk ah khua sungah sal an tâng mi chu ka suah na lai.