ISAI 51:13 - Bawm Common Language Bible Version

¹³ LALPA a nan siamtu vân pharhtu leh tual lungphûm phûmtu na philh rawh na maw? A nan veih ding hen a timhtuah mi leh a nan nehsawhtu thinrunhnâk ṭih kumza hen zei rangah na um? An thinthawknâk nih a nan tawngh kumza kho lai lo.

ISAI 51:13 ပူးပေါင်းရင်းမြစ်များ

ESTHER 5:14

A hâwi leh a nupi khawm nih, “Zei rangah thlâinâk feet 75 sâng hen na tuah lo? Thâizîng ah Mordekai thlâi ding na deih lai le, chu tikah puai ei ding nuam tak hen na kal ko lai,” an ti. Haman nih krai ṭha tak si hen a theih, churuangah thlâinâk a siam rawh.

ESTHER 7:10

Churawhchun, Haman chu Mordekai thlâinâk a timhtuah mi lakah amah chu an thlâi rawh. Churawhchun, lal thinthawknâk chu a reh rawh.

JOB LASUIBU 37:18

Pathian nih vân a siam mi leh, thîr chang tak hâwi hen a siam mi lakah na ṭangpi kho ma?

JOB LASUIBU 9:8

Pathian nih vân a siam liauah âukhawm nih an bawmh lo. Tipi mi thilnung lian kêng tlûn a lamh.

SAM 104:2

chêu hen na thuam. Puanin hâwi hen vân chu na zâr le,

SAM 106:13

Sikhawmsele, zeikarlo ah a thilti chu an philh ving le; a thupêk ngâk lo hen thil an ti.

SAM 76:10

Minung tla thinthawknâk chu nangmah sawr tawngnâk cho asi.

ISAI 10:24

LALPA zahkâi Zeizawng tikho rokual tak nih Zion ah um mi, a mi le tla sinah thu a sim le, “Aigupta mi tla nih an ti na mi hâwi hen an nehsawh na khawmsele Asiria mi tla chu ṭih na lah u.

ISAI 14:4

Chu hâwi hen a ti tikah chun, Babulon lal chu an zauhnawmh lai rawh le: “Lalchem sual chu a tlû rawh! Âukhawm a nehsawh na lai lo rawh!

ISAI 16:4

Nan ram ah kan um lai. Thah ding hen hawng kan tumtu lakah mi hawng kan hum u,” an ti. (Nâunehnâk leh siatnâk chu a dawng lai le, ram râwktu khawm an kal lai rawh.

ISAI 17:10

Israel, lungpi a bir mi hâwi hen a nan humtu leh ruang a nan suahtu Pathian chu na philh rawh. Ramdang pathian sawnhnâk ding hen dûm thenhlimh lehlam na siam dauh.

ISAI 40:21

Na theih lo na maw? A lân thawk hen an simh lo ma? Zei hâwi hen laikulh a hawng a dawmh ti na theih lo ma?

ISAI 40:22

Mi pakhat tual tlûn vândum pîn leiah a laltophah tlûnah to mi nih a siam mi asi, a tanglei ah minung tla chu zauh hen ngerhtê a metê mi tla hâwi an si. Vân chu puanzâr hâwi hen a pharh le, umnâk puanin hâwi hen.

ISAI 42:5

Pathian nih vân tla a siam le, a pharh; tual leh chu lakah um mi tla umdân ding a siam. Mi zawzawng sinah nungnâk leh thaw a pêk na. Tuah LALPA Pathian nih a to-aw sinah thu a sim le,

ISAI 43:1

Israel, nan siamtu LALPA nih, “Lâu lah, ka nan hum lai. Na min hen ka nan auh, ka tâ na si.

ISAI 44:24

“Kei, LALPA na ruangsuahtu kasi. Kei, hi a nan siamtu pakhat kasi. Kei, thil zeizawng Siamtu LALPA kasi. Keimah lâwng hen vân tla khi ka pharh le; tual ka siam liau khawm âukhawm nih an hawng ka ṭangpi lo.

ISAI 45:12

Kei, tual siam hen a sungah um ding mi minung siamtu kasi. Ka thiltikhonâk hen vân tla ka pharh le, nî leh thlâ leh ârfi tla ka thu thu hen ka siam na.

ISAI 45:18

LALPA nih vân tla a siam le, anih chu Pathian asi! Tual a tuah hen a siam le, um kumza ding hen bir tak hen a siam. A karo hen a siam lo, mi le tla umnâk mun ding ah a siam mi asi. “Kei, LALPA kasi, pathian dang a um lo,” titu chu amah asi.

ISAI 48:13

Ka kut hen tual lungphûm ka siam le, vân ka pharh. Tual leh vân ka kawh na liauah rang tak hen an hawng le, ka sinah anna pêk.

ISAI 49:26

An nehsawhtu tla chu anmah leh anmah ka thahtir na lai; mi thah duhnâk leh thinthawknâk thinlung an put lai. Churawhchun, minung zawzawng nih Kei LALPA kasi mi leh a nan humtu leh thawsuak tak hen a nan suahtu kasi ti an theih lai. Israel Pathian thiltikho tak kasi zia an theih lai rawh,” ti hen a sâng.

ISAI 54:14

Diknâk leh repnâk nih a nan chaktir lai. Nehsawhnâk leh ningṭihnâk lakah mi chu na him lai rawh.

ISAI 57:11

LALPA nih, “Ka sinah âwkrâwl thusim hen hawng ka philh hep ding hen an ṭhih natu tla hi zei pathian me an si? Sâwt tak ka dâisip ruangah keimah nan ka zah ding mi chu nan bâng mu?

ISAI 7:4

Râlring zet hen dâisip um ding hen va simh, ningṭih hen a thinlung a nawktir lah seh. Lalchem Rezin leh a mi tla leh Lalchem Pekah chu ṭhianṭhunh panih mei nih a muat mi khû tluk hen khawm ṭihnung an kâi lo.

ISAI 9:4

An dâr ah vuaknâk fung tla leh an ngâwng khimh rit tak tla na khiak piak na. A lânah Midian kawrsen tla na neh na mi hâwi hen na mi tla nehsawhtu leh naunehtu phun chu na neh rawh.

JEREMIA 2:32

Nungâk nih a lungsung mawh umhnâk thuam mawh a philh ma? Sikhawmsele, ka mi tla nih chun, a ni sim leh rêl châwklo rê hen an hawng ka philh.

JEREMIA 38:19

Sikhawmsele, lalchem nih a sâng le, “Kan ram minung Babulon leiah tek ding mi chu thungâi ka ṭihpi na, kei khawm an sinah pêk leh rêp hen ka um kho,” a ti.

JEREMIA 51:15

LALPA nih a thiltikhonâk hen tual a siam le; a finghnâk hen laikulh a siam, vân tla a pharh.

JEREMIA 51:19

Jakob Pathian chu annih hâwi asi lo; thil zeizawng siamtu asi le, Israel tla chu a mi tak siding hen a thîm na. A min chu LALPA Zeizawng tikho asi.

DANIAL 3:15

Tuah, thil tumphung, theikhang, rirâwt, ṭingṭang, harmoniam hâu leh tumphung dang rihâu theih asi kâ hen milem mâimûk ule, sawnh u, nan tilo mi asi chun meihum lakah lawnh sawm nan si lai, nanmah sanhtu pathian um hen ma nan ruat?” a ti.

DANIAL 3:18

Sikhawmsele, a ti lo khawm ah lal nih ngûn milem na siah mi na pathian chu kan mâimûk hen kan sawnh awtlo ti theih rawh,” an ti.

DANIAL 3:19

Nebukadnezar chu a thinthawk tuk ah a mêl sen rê hen, Sadrak, Mesak leh Abednego tla a zauh na, churawhchun a mi tla rangah meihum chu a leh sarih hen fâk dauh ding hen a tuahtir na.

THILTI 12:23

Chun, anih nih chun Pathian sinah chawnglawmhnâk a pêk lo ruangah Lalpa vânmifial nih lâkkhat ko ah a tleih le, khuprûl nih a ei le, a thi rawh.

1 KORIN 1:20

Mi fing chu kha zeiah me? Mi thiam chu kha zeiah me? Hi laikulh ah êltu chu kha zeiah me? Pathian nih laikulh finghnâk hi âtkâi asi ti a theihtir lo masi?

1 KORIN 15:55

“Aw thihnâk, na nehnâk chu zeiah me a um? Aw thihnâk, na tûr kha zeiah me a um?”

DEUTERONOMY 32:18

An Pathian, an Ruangsuahtu chak tak, anmah rangah nungnâk pêktu chu an philh asi.

DEUTERONOMY 6:12

LALPA nih Aigupta ram ah sal ah nan um mi an suah na mi kha philh lah ule, theihkumza u.

DEUTERONOMY 8:11

“LALPA nan Pathian chu philh lo ding hen theih set u; tusûn ah ka nan pêk na mi a dân tla hi pakhat khawm relh lo hen nan zûl ding asi.

HEBRAI 11:15

Chun, an suaktâk mi ram chu lungkham sele chu an kîr nawlhnâk ding a remkâng an tawng rawh ding asi.

THUPHUANG 19:20

Chun, sarâng chu an tleih le, khuavâng telê, sarâng singsiahnâk nei mi leh a lem maimûktu tla, an perpet na tâwnnâk thilchê a mitmuh ah titu tla kha an tleih sih le, an panih hen kât hen a kâng mi meizur ah a nung hen an lawnh na.

THUPHUANG 20:9

Chun, tual tlûn khat zat hen an kal le, Pathian mi le umnâk leh Pathian nih a dâwt mi khua chu an hual le, chun, vân thawk hen mei a hawng tla le, a khangh hep na rawh.