ISAI 51:11 - Bawm Common Language Bible Version

¹¹ Ruang na suah mi tla nih Jerusalem chu lâwmnâk hen lâwm ruangah lasak leh âu bû hen an tlung lai. Lâwptlo tak hen an um kumza lai le ngaihsiatnâk leh lawksawngnâk lakah mi chu an thaw a suak kumza lai rawh.

ISAI 51:11 ပူးပေါင်းရင်းမြစ်များ

SAM 126:2

Nih leh khêk hen, lâwmnâk la sak hen kan um le! Phun dang tla nih anna thawh le, “LALPA nih an rangah thil rokual tak a ti,” an ti.

SAM 126:5

Ṭap bû hen an fachî vawrhtu tla nih chun lâwm bû hen fângzûn liauah an pumh lai!

ISAI 11:15

LALPA nih Suez Likâwlneng chu a kangtir lai le, Eufretis tiva kangtir ding hen thli lum a lêngtir lai le, mi âuzawng nih tan kho ding hen tivatê pasarih cho a siah lai.

ISAI 25:8

LALPA zahkâi nih thihnâk chu a veih pawt awt rawh! Mikip mitthli chu a nâwt piak ver na lai le, laikulh pumpi ah a mi le ningzakkâi tak hen tuarnâk chu a lâk piak ving na lai. LALPA amah ngelchel nih a sim mi asi.

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 44:23

Vân tla, lâwm hen âu u! Tual mun thûk takah mi âu u! Tlâng sâng leh tumun ah thing tla lâwm hen âu u! LALPA nih a mi Israel tla ruangsuahnâk hen a rokual zia a langh.

ISAI 48:20

Suak u, Babulon ah mi hawng suak u! Thâwngthâng lâwm tak hen âupi ule; mun kip ah theihtir u: “LALPA nih a to-aw Israel chu a hum rawh,” ti hen.

ISAI 49:13

Vân tla, la sak u! Tual, lâwm hen âu rawh! Tlâng tla chu la sak hen hâu suah na seh! LALPA nih a mi tla chu thla a ngamh na lai le; a mi tla nih nganfâk an tuar mi chu a siherh na lai.

ISAI 55:12

Babulon chu lâwm bû hen nan kaltâk lai le, chu khuapi lakah mi chu thlangam tak hen nan suak lai. Tlâng sâng tla leh tlâng tênâu chu la sak hen hâu an suah lai le thing tla chu lâwm hen an âu lai.

ISAI 61:7

Nan mualphonâk leh ningzaknâk a dawng rawh. Nanmah ram takah nan um lai le, Nan neih chu a leh khat hen a pung lai le, Nan a lâwmnâk chu zungzâl tiang asi lai.

ISAI 65:14

Annih chu lâwm ruangah la an sak lai le, sikhawmsele nannih chu thinlung fâk tak hen nan ṭap lai.

ISAI 65:19

Keimah ngelchel khawm Jerusalem leh a mi tla ruangah ka lâwm lai. Chunah chun ṭapnâk khawm a um lai lo, ṭangpi ding sâwmtu khawm a um lai lo.

JEREMIA 31:13

Churawhchun, nungâk tla chu lâwm hen an lâm lai le, upa, ngâksia leh tar anna lâwm lai. Annih tla chu thla ka ngamh na lai le, an ngaihsiatnâk chu lâwmnâk ah ka changtir lai le, an thinlung fâknâk chu lâwmnâk ah ka changtir lai.

JEREMIA 33:11

Mi nih ka Biakin ah lâwmnâk thil ap an hawng put liauah la an sak mi nan theih lai. ‘A ṭhatnâk leh dâwtnâk dawnglo ruangah LALPA Zeizawng tikho sinah lâwmthu sim u,’ an ti lai. Hi ram hi a lânah mi hâwitê hen sul-le-lam tluang tak hen ka siam lai. Kei, LALPA nih ka sim asi,” a ti.

2 THESALONIKA 2:16

Chun, kan Lalpa Jisu Krist ngelchel leh Pathian kan Pa, hawng kan zângfahtu leh a siherhnâk hawng kan pêk mi thinlung dik lungumnâk ṭha pêktu nih chun nan thinlung tla chu an lungngamh na hen,

JUD 1:24

Chun, nan tlû lonâk ding hen an vêng na khotu leh rokualnâk ah lâwptlo tak hen leh nâwmtâm kawplo hen an siah na khotu,

THUPHUANG 21:1

Chun, vân thar leh tual thar ka muh le, vân masa leh tual masa chu a vei rawh, tisumsumriat khawm a um lo rawh.

THUPHUANG 21:4

An mit a mi mitthli zawzawng a nawt lai le, thihnâk a um lai lo rawh le, ngaihsiatnâk tla, ṭapnâk tla, nganfâk tla, a um lai lo rawh, thil masa tla chu a vei rawh,” a ti mi ka theih.

THUPHUANG 22:3

Chun, chu khuapi ah chun Pathian siatbarh rerêng a um lai lo rawh le, Dawrâ Fa leh Pathian laltophah chu a um dauh lai, chun, a to-aw tla nih amah an sawnh lai.

THUPHUANG 7:17

Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.