ISAI 51:10 - Bawm Common Language Bible Version

¹⁰ Tipi kangtirtu leh tî lakah lampi siamtu kha na si. Churawhchun, ruang na suah mi tla nih an tan kho rawh.

ISAI 51:10 ပူးပေါင်းရင်းမြစ်များ

SAM 106:10

Anmah huatu lakah mi chu ruang a suah na le; An mêlma lakah mi chu a hum na.

SAM 106:9

Tipi Sen chu thu a pêk le, a kang hep; a mi tla chu tual hul lakah a tan tir na.

SAM 74:13

Na chaknâk hen tipi chu na ṭhentir le; tî minung lû tla chu na thlawngh.

SAM 77:19

Tî tlingtlawk lakah na kal le; tipi thûk tak na tan. Sikhawmsele na keneh chu muh kho asi lo.

EXODUS 14:29

Sikhawmsele Israel fa tla lam chu tî vâm hâwi â sawng mi karah tual châr tlûnah kal hen tipi an tan rawh.

EXODUS 15:13

Na thutiam chu zumh a kâi, ruang na suah mi minung tla chu na rui na; na chaknâk hen na ram thenhlimh ah na ruai na.

ISAI 11:15

LALPA nih Suez Likâwlneng chu a kangtir lai le, Eufretis tiva kangtir ding hen thli lum a lêngtir lai le, mi âuzawng nih tan kho ding hen tivatê pasarih cho a siah lai.

ISAI 11:16

Asiria ram thawk hen lam lian Israel mi thibang tla rangah a hawng um lai, Aigupta an kaltâk liauah an thlâktu tla rangah a um mi hâwi hen.

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 35:8

Chunah chun lamlian, “Thenhlimhnâk lampi” an ti mi a um lai. Chu lampi ah chun misual âukhawm an kal lai lo; lampi ah kal mi chu mi â tla khawm an vâi lai lo.

ISAI 35:9

Chunah chun chakeibaknei tla an um lai lo le, sarâng tla khawm chu lampi ah a kal lai lo. LALPA nih ruang a suah na mi tla nih in lei kalnâk lampi ah an mang lai.

ISAI 42:15

Tlâng tênâu leh tlâng sâng tla ka veih lai le, thing leh belh tla ka chârtir lai. Tivakuam tla chu ramkaro ah ka changtir lai, tili mi tî tla ka kangtir lai.

ISAI 43:16

A lânah LALPA nih tipi tî a hêl mi lan dak hen lampi a siam.

ISAI 50:2

“Zei rangah anmah ruangsuah ding hen ka kal liauah ka mi le tla nih an hawng ka sunhsak lo? Ka auh na liauah zei rangah an sâng lo? Anmah ruangsuah kho lo ding ma kasi? Tipi tla kang ding hen thu ka pêk kho hen tiva tla khawm tî umlo ruangah ngâ thi ver ding hen ka tuah kho.

ISAI 62:12

“Pathian mi thenhlimh” “LALPA nih ruang a suah na mi tla,” ti nan si lai. Jerusalem chu “Pathian dâwt mi khuapi,” “Pathian nih a kaltâk lo mi khuapi” ti asi lai.

ISAI 63:9

Anmah ruangsuah natu chu vânmifial asi lo, amah LALPA tak asi. A dâwtnâk leh a lungkhamnâk ruangah ruang a suah na mi asi. A lân khawm ah a zauhkhenh kumza na le,

MIKAH 7:15

LALPA, Aigupta ram ah na kan suakpi liauah thilchê na ti hâwi hen kan rangah thilchê hawng kan ti piak.

ZEKARIA 10:11

Lawksawngnâk tipi an tan tikah, kei, LALPA nih tî chu ka vuak lai le, Nile tiva thûk tak chu a kang lai. Asiria mizûm tla chu an nâu lai le, Aigupta mi chak tla nih a thiltikhonâk an thlâu lai rawh.