ISAI 50:8 - Bawm Common Language Bible Version

⁸ Pathian a nâi ruangah ka mualpho awtlo ti ka theih le sual ka nei lo zia a theih. Ka tlûnah mawhphurh hen hawng ka phiar ngamtu âu a um? Lâirêlnâk ah munkhat hen kan kal lai! A hawng ka phiarnâk hawng put seh me!

ISAI 50:8 ပူးပေါင်းရင်းမြစ်များ

JOB LASUIBU 13:19

Pathian, keimah phiar ding hen ma na hawng? Chu hâwi na ti awt mi asi chun, dâisip hen thi ding hen ka tîm ko.

SAM 119:151

Sikhawmsele, LALPA, ka kiangah nang chu na um le, na thupêk tla zawzawng chu a bir.

EXODUS 22:9

“Thil-leh-rî thu ah nawknâk a um kip ah, ran thu ah, sanatung mawh dawrâ mawh, nipuan mawh thil dang rerêng a tlâu mi thu ah chu minung anna el mi panih chu Pathian sawnhnâk in ah kalpi na ding asi. Pathian nih sual hen a ruat mi pa nih a pakhat pa rangah a lehnih hen a rulh ding asi.

ISAI 1:18

LALPA nih, “Tuah thu kan rêl lai. Nan sualnâk chu sen khawmsele, vûr hâwi a vâr hen ka nan ṭâwl na lai. Nanna buaih mi chu sen duk rê khawmsele, samul hâwi hen nan vâr lai.

ISAI 41:1

Pathian nih, “Nannih ram lât tak um mi tla, dâisip hen um ule, ka thu ngâi u! Lâirêlnâk in ah na thunawk tlunh ding hen a tîm le; sim ding hen tik na nei teh lai. Âu a dik ruat ding hen kanna pûm lai.

ISAI 41:21

LALPA, Israel lalchem nih, sim ding a nei mi chu hi hi asi: “Nannih phun pathian tla, an thu hawng tlunh u. Êlnâk ṭha chem nan nei mi hen êl u!

ISAI 43:26

“Lâirêlnâk in ah kan kal lai le, na phiarnâk thu hawng put! Diknâk ah na um ti theihnâk ding hen na thunawk hawng put!

ISAI 45:25

Kei, LALPA nih, Jakob thlâk tla zawzawng ruang ka suah na lai le, annih nih an ka sawr lai.

ISAI 54:17

Sikhawmsele, zei riamnâm khawm nih nganfâk a nan pêk kho lai lo; A nan phiartu tla zawzawng na sâng ver na lai. Ka to-aw tla chu ka hum na lai le, nehtu ah ka siam na lai,” a ti. Chu chu LALPA nih a sim mi asi.

MATHAI 5:25

“Na leido chu lampi ah munkhat hen nan kal liauah remh sawm rawh, chu lo chun na leido nih chun lâirêltu an tleihtir lai le, lâirêltu nih chun kawrsen sinah a nan pêk lai le, rêngin ah a nan khumh sual lai.

DEUTERONOMY 19:17

an panih hen sawnhnâk mun pakhat ah an va kal lai le, bâwlpu tla leh lâirêltu tla chunah um mi nih lâi an rêl ding asi.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

THUPHUANG 12:10

Chun, vân ah aw-hâu fâk tak ka theih mi nih chun, ‘Tuah chun kan Pathian ruangsuahnâk leh a thiltikhonâk leh Lal a sizia chu a langhtir le, tuah a Mesia thuneihnâk chu a langhtir rawh! Kan unau tla phiar hen Pathian mâika ah a sûn a zân hen a dîr tâwn mi chu vân thawk hen lawnh asi rawh,” a ti.