ISAI 50:2 - Bawm Common Language Bible Version

² “Zei rangah anmah ruangsuah ding hen ka kal liauah ka mi le tla nih an hawng ka sunhsak lo? Ka auh na liauah zei rangah an sâng lo? Anmah ruangsuah kho lo ding ma kasi? Tipi tla kang ding hen thu ka pêk kho hen tiva tla khawm tî umlo ruangah ngâ thi ver ding hen ka tuah kho.

ISAI 50:2 ပူးပေါင်းရင်းမြစ်များ

GENESIS 18:14

LALPA rangah thil a har mi a um mazei? Ka sim hâwitê hen tu thawk hen a thla kuanâk ah ka hawng kîr nawlh lai le, Sari nih fapa a nei lai,” a ti.

2 CHRONICLES 32:15

Tuah Hezekiah chu a perpettir hen mah lo leiah a ruitir lah u. Anih chu zumh lah ule, zei phun pathian khawm nih Asiria lal lianchem lakah mi hum kho ding hen ruat lah u. Churuangah kha nan pathian nih chun an hum kho na ding asi lo rerêng!” a ti na.

SAM 106:9

Tipi Sen chu thu a pêk le, a kang hep; a mi tla chu tual hul lakah a tan tir na.

SAM 107:33

LALPA nih tiva tla a chârtir le, tî a luang mi chu a dîntir.

EXODUS 14:21

Mosi nih a kut chu tî tlûnah a phar le, LALPA nih saklei mi thli hen tipi tî chu a khirh. Zân khuadei ver hen thli a râng le, tipi chu tual châr ah â chang rawh. Tî chu a hawng a ṭhêk le,

EXODUS 14:29

Sikhawmsele Israel fa tla lam chu tî vâm hâwi â sawng mi karah tual châr tlûnah kal hen tipi an tan rawh.

EXODUS 7:18

Ngâ tla an thi lai le, tiva chu a thu mi ruangah Aigupta mi tla nih an din kho lai loh,’ ” a ti.

EXODUS 7:21

Tiva mi ngâ tla an thi le, an thu rim ruang chun Aigupta mi nih tî an din kho lo rawh. Aigupta mun kip ah thisen â chang hep.

THUFING LASUIBU 1:24

Ka nan auh hen, hawng ding hen ka nan sâwm le; sikhawmsele na ngâi duh lo. Ka thusim khawm na ngâi duh lo.

ISAI 11:15

LALPA nih Suez Likâwlneng chu a kangtir lai le, Eufretis tiva kangtir ding hen thli lum a lêngtir lai le, mi âuzawng nih tan kho ding hen tivatê pasarih cho a siah lai.

ISAI 19:5

Nile tiva mi tî tla chu â zûk lai le, chu tiva chu tâwm tâwm hen a hawng kang vima lai.

ISAI 23:11

LALPA nih tipi tlûnah a bân a phar le, lalram tla chu a neh rawh. Sawlehnâk munpi chem Phoinikia râwk ding hen thu a pêk rawh.

ISAI 36:20

Zei liauah hi bang ram zawzawng pathian tla nih kan lal lianchem lakah mi an ram a hum dah tâwn? Chun Jerusalem chu LALPA nih a hum kho lai ti ruatnâk thinlung zei nih me a nan neihtir na?” a ti.

ISAI 41:28

Pathian tla ka zauh na le, zei thil sim ding khawm an nei lo. thu ka deih na mi pakhat khawm nih an sâng kho lo.

ISAI 42:15

Tlâng tênâu leh tlâng sâng tla ka veih lai le, thing leh belh tla ka chârtir lai. Tivakuam tla chu ramkaro ah ka changtir lai, tili mi tî tla ka kangtir lai.

ISAI 43:16

A lânah LALPA nih tipi tî a hêl mi lan dak hen lampi a siam.

ISAI 44:27

Thupêk hen tisumsumriat tla ka kangtir.

ISAI 51:10

Tipi kangtirtu leh tî lakah lampi siamtu kha na si. Churawhchun, ruang na suah mi tla nih an tan kho rawh.

ISAI 54:6

Israel, nang chu seino nungâk a pasal nih a kaltâk le thungâi a lungfâk mi hâwi na si. Sikhawmsele, LALPA nih a nan kawh nawlh le, na sinah:

ISAI 59:1

LALPA chu nanmah an hum na ding hen chak lo tukah mawh, ṭangpi ding hen nan kawh mi lakah a nâ a sêt tuktarâi ah ruat lah u.

ISAI 59:16

Nehsawh hen a um mi tla rangah ṭangpitu an um lo ti a muh le, thungâi chê a ti. Churuangah anmah ruangsuah na ding leh neh ding hen amah thiltikhonâk a mang lai.

ISAI 64:6

Kan ektê hen misual kan si; kan thilti ṭha chem khawm a nâwm mi hep asi. Kan sual ruangah thingnah a uai mi thli nih a sêm ving mi hâwi kan si.

ISAI 65:12

Ka nan kawh na liauah nan ka sâng duh lo ruangah leh thu ka sim liauah nan ngâi duh lo ruangah siat leh râwk hen thihnâk chu nan tâ asi lai. Ka lakah ê-aw ngâilo ding leh sual thilti ding nan thîm.

ISAI 66:4

Thu ka sim mi khawm an ngâilo, ka kawh na liau khawm pakhat khawm nih an ka sâng lo ruangah an ṭih tak mi anmah râwktu thil ka tlungtir awt. Ka thu ngâilo hen thilsual ti an duh dauh,” a ti.

JEREMIA 14:9

Zei rangah mi chê tinâk hen a khat mi hâwi leh kawrsen mi ṭangpi ding hen thiltikhonâk nei lo mi hâwi hen na um? LALPA, ngelchel hen kan sinah na um asi! Na mi tla kan si, hawng kan kaltâk lah,’ ” a ti.

JEREMIA 35:14

Jonadab thlâk tla nih uain din ding asi lo ti hen thu a pêk na mi chu an zûl le, tusûn ni tiang hen âukhawm nih an din lo. Sikhawmsele kan simh kumza na mi, ka thu nan ngâi duh lo thlo.

JEREMIA 35:15

Ka to-aw khuavâng tla zawzawng ka hawng fial vima na le, annih nih chun nan umdân sual lêt hen thil dik ti ding hen an simh na. Nanmah leh nan thlâktu tla sinah ka nan pêk na mi ram ah nan um kumza khonâk ding hen pathian dang tla sawnh hen a rianṭuan lah u ti hen an simhkan na. Sikhawmsele ngaihlo lêm nan thlâk le nan ka ngâi piak duh lo.

JEREMIA 5:1

Jerusalem mi tla, nan khuadung suak hen tek u! A kiangkam tla a hawi! Nangmah tak a zauh! Sumtuah mun tla hâwl. Pathian lakah zumhkâi hen um tumtu leh thil dik titu pakhat tal na muh kho ma? Na muh kho mi asi chun, Jerusalem chu LALPA nih a ngaihdam lai.

JEREMIA 7:13

Chubang hâwi sualnâk tla nan ti le, sikhawmsele ka nan simh lemang na le, a ngâi ding rêng nan duh lo. Ka nan kawh na liau khawm ah nan hawng ka sâng lo.

JEREMIA 7:27

“Churuang chun, Jeremia, hi bang thu zawzawng hi ka mi tla sinah na sim lai le, sikhawmsele a nan ngâi duh lai lo; na kawh na khawm ah a nan sâng lai lo.

JEREMIA 8:6

Thiamthih tak hen ka ngâi le, sikhawmsele thu dik rêng nan sim lo. Nan lakah âukhawm a sual ruangah pawi ti an um lo; ‘Zei thilsual me ka ti aw?’ ti hen ruattu pakhat khawm nan um lo. Râltuk ding hen rang a tek mi hâwi hen mah duhnâk chiauah nan kal kumza.

DANIAL 3:15

Tuah, thil tumphung, theikhang, rirâwt, ṭingṭang, harmoniam hâu leh tumphung dang rihâu theih asi kâ hen milem mâimûk ule, sawnh u, nan tilo mi asi chun meihum lakah lawnh sawm nan si lai, nanmah sanhtu pathian um hen ma nan ruat?” a ti.

DANIAL 3:29

Tuah âuzawng zei phun leh zei chi zawng, hawlh kip tla khawm nih Sadrak, Mesak leh Abednego Pathian zahlotu chu, an kut kê thlêk ver hen, a in chu nâwmpawng ah siam asi lai, hi hâwi hen ruangsuahtu dang a um lo,” a ti.

DANIAL 6:20

Chunah a va tleng rawh chun, siherh tak hen, “Danial Pathian nung to-aw! Zumhkâi tak hen a rian na ṭuan mi Pathian nih chakeibaknei lakah a nan hum kho ma?” ti hen a auh.

DANIAL 6:27

A hum hen ruang a suah, vân ah leh tual tlûnah a thilchê rokual a ti. Danial khawm chakeibaknei nih thah lo hen a hum,” a ti.

HOSEA 11:2

Sikhawmsele ka kawh bilik leh a ka pialtâk dauh. Ka mi tla chu Baal sinah anna bâwl le; milem sinah rimthâw an duah.

HOSEA 11:7

Keimah thawk hen her ding an tum êu. An lakah phâisen nâwnnâk thâng hen a um ruangah an âu lai le, sikhawmsele âukhawm nih an thawh piak na lai lo.

NAHUM 1:4

Tipi chu thu a pêk le, a kang hep, tiva tla chu a kangtir. Basan ah mi phâisen tla chu a uai hep le, Karmel tlâng tla chu a senduk, Lebanon tlâng chawmpâr tla khawm a nawh hep.

HABAKUK 3:8

LALPA, chu tiva tla nih ma na thin an thawktir? Na thin runtirtu chu tipi ma asi? Na mi le tla rangah nehnâk na pêk liauah, thlipi vândâwm tla chu na kari asi.

NUMBER 11:23

LALPA nih a sâng le, “Ka thiltikhonâk hi tikho ri leh ti kho lo ri a um mazei? Ka sim mi hi a tlung lai ma, tlung lai lo na muh tuan lai,” a ti.

MARK 4:39

Chun, anih chu a hawng a ṭhang le, thli chu a fâî le, rilî sinah khawm chun, “Dâisip le, um ziar rawh!” a ti. Chun, thli chu a bâng le, a reh dup ko.

JOHAN 1:11

Amah ram ah a hawng kal le, amah mi tla nih an duh lo.

JOHAN 3:19

Hi hi mawhnâk asi, chêu laikulh ah a hawng kal le, sikhawmsele mi le tla nih chêu ngâk hen mûi an duh dauh, an thilti tla an sual ruangah.

JOSUA 3:16

tî a luang mi tla â dîn thlo le, â pawng tung. Adam ti mi mun ah chun tiva ngâk hen a sâng le, chu chu Zarethan kiang asi. Tipi Thi leikângah a luang mi chu a chat bawk, churawhchun Jeriko khua kiangah an kanh kho rawh.