ISAI 5:7 - Bawm Common Language Bible Version

⁷ Israel chu LALPA zeizawng tikho grep dûm asi; Juda mi tla chu grep phun mi tla chu an si. Thil ṭha an ti ding hen an lakah a lungum le, sikhawmsele chu ngâk hen mi lam an thah. Thil dik an ti ding hen a lungum le, sikhawmsele, anmah ruangah tuartu tla chu diknâk duh hen an âu.

ISAI 5:7 ပူးပေါင်းရင်းမြစ်များ

GENESIS 4:10

Churawhchun, LALPA nih a sinah, “Zei rangah hi thil ṭihnungkâi hi na ti? Na unaupa thisen nih tual thawk hen aw-hâu bang hen phû lam ding hen hawng ka auh.

2 SAMUEL 7:10

Ka mi Israel tla rangah mun ka thîm piak le, chunah chun âu nehsawh khawm tawnglo rawh hen an um lai. Hi mun ah an hawng lûtnâk thawk hen siat leh râwktu nih an do na le, chubang hâwi chu a um lai lo rawh. Nan mêlma zawzawng lakah an vêng ding leh thlâk tla pêk ding hen ka tiam asi.

JOB LASUIBU 34:28

Pathian auh ding hen mipâm tla an zângnawr le, ṭangpi an deih mi chu a ngâi.

SAM 147:11

sikhawmsele, amah zahtu tla leh a dâwtnâk dawnglo ngauhsantu tla chu a lawmh na.

SAM 149:4

LALPA nih a mi tla chu a lawmh na le; nâu tak hen um mi chu nehtu si hen a chungnungtir na.

SAM 80:15

Hi grep zûn na phun mi hi hawng le, hum rawh, hi grep keuh na erh mi hi thungâi a bir!

EXODUS 3:7

Churawhchun, LALPA nih a sinah, “Ka mi tla Aigupta ram ah an nehsawh na zia ka muh le, anmah rangah Aigupta sal vêngtu tla lakah mi ruangsuah na ding hen an âu hâu khawm ka theih. An tuar zia tla ka theih le,

THUFING LASUIBU 21:13

Mipâm tla ṭap hâu ngâi ding na duh lo mi asi chun, na âu hâu mi âukhawm nih an ngâi piak lai lo.

THUSIMTU 4:1

Churawhchun, hi laikulh ah diklonâk zawzawng kal vima mi chu ka chuanh nawlh. Nâuneh hen an um mi tla chu an ṭap le, âukhawm nih an ṭangpi na lo. Anmah nehsawhtu leikâng mi tla nih thiltikhonâk an nei ruangah pakhat khawm nih an ṭangpi na lo.

LA TLA LA 7:6

Na ṭha chiam e, nâ dawh chiam e; na dâwtnâk ah lâwmnâk a rangtling.

ISAI 1:21

Khuapi zumhkâi tak chu mi hur â zuar mi hâwi asi rawh! Veikhat chu mirep tla hen an khat le, sikhawmsele tu lam chu mi thahtu karo an um.

ISAI 1:6

Na lû sîp thawk hen na kezaphah tiang hen na taksa lakah a himnâk rêng a um lo. Thî a suak mi leh mâ leh liam mâ nih an tuam pang. Na liam mi mâ tla chu ṭâwl hen tuam asi lo. Zei turpâng khawm buaih asi lo.

ISAI 27:2

Chu ni ah chun LALPA nih a grep dûm nuam tak thu a sim lai,

ISAI 3:14

LALPA nih a mi le tla lakah upa leh ruitu tla chu lâirêl piak na ding hen a put na. Hi phiarnâk hi a siam: “Mi grep dûm tla nan va rawk le, mipâm thil nan lâk mi hen nan in tla nan khattir.

ISAI 3:15

Ka mi tla siat leh rawk ding leh mipam tla nâuneh ding hen thuneihnâk nan nei lo. Kei, LALPA Zahkâi, Zeizawng tikho nih chu chu ka sim asi,” a ti.

ISAI 3:17

Sikhawmsele ka rêp na lai le, an lû ka mêt na lai le, kâwng lel hen ka siah na lai,” a ti.

ISAI 30:12

Sikhawmsele, hi hi Israel Pathian thenhlimh nih a sim mi asi: “Thu ka nan simh na mi chu ngâi ding nan duh lo le, râwknâk leh perpetnâk ah nanna ngauh.

ISAI 46:12

“Nannih mi lungkhung tla, nehnâk chu lât thlo ding hen ruattu tla, ka thu ngâi u.

ISAI 5:2

Tual a chawh le, lung a lawnh hep le; grep ṭha chem mi tla a phun na. A vêngnâk ding hen insâng a sak le, grep chîlnâk ding hen khur a chawh. Grep min tik ding a ngâk le, sikhawmsele grep tla chu a thur hep.

ISAI 59:13

Na lakah kan hel le, kan nawng le, a nan zûl ding kan êl. Midang rangah kan nehsawh le, kâng dang leiah kan hawitâk. Kan thinlung dawn khawm a diklo rawh, kan thusim tla khawm âwkrâwl asi.

ISAI 59:14

Diknâk chu nar ving asi le, diknâk nih hawng kan naih kho lo rawh. Zapi nâwngah thudik chu a um kho lo rawh, chunah chun zumhkâinâk nih mun a tawng lo.

ISAI 59:4

Lâirêlnâk in ah nan va kal le, sikhawmsele nanmah leiah diknâk nan nei lo. Nan thunawk lakah âwkrâwl thusim hen neh ding nan tum. Nan thiltum chu midang rangah nganfâk pêk ding nan awt.

ISAI 62:5

Tlangvâl nih nungâk thenhlimh mo a lâk mi hâwi hen A nan siamtu nih a nan umpi lai. Pasal chu a nupi thar lakah â lâwm mi hâwi hen, Na Pathian chu na lakah â lâwm lai.

JEREMIA 12:10

Ramdang mi lâirêltu tam tak tla nih ka grep zûn tla an râwk ver le; ka phâisen tla an lamh dip; ka ram duhtak chu a karo hen an siam thlo.

JEREMIA 24:2

Bâwm pakhatnâk chu theipi ṭha a min masa mi siahnâk asi, pakhat dang chu theipi ṭhalo ei ding ah a tlâklo mi siahnâk asi.

JEREMIA 50:46

Babulon a tlûk tik chun an hâu nih tual pumpi a tlirh lai le, ṭap hâu chu phun dang tla nih an theih lai,” a ti.

EZEKIEL 22:29

Neihnâk nih a perpet na le, a râwk na. Mipâm tla an nehsawh na le, ramdang mi tla chu dingchang phahnâk ah an mang.

HOSEA 10:1

Israel mi tla chu grep zûn rah tak mi hâwi an si, an sul-le-lam tluang hen an um dadauh le, an mâichâm siam khawm a tam dadauh. An ram ah thil suak a tam dadauh le, an sawnh mi lungphun thenhlimh dawh tak an siam mi sawnh ding hen a tam dadauh.

MIKAH 6:12

Nan minei tla nih mipâm tla an mang na le, nan ektê hen mi âwkrâwl ver nan si.

MIKAH 6:8

Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

HABAKUK 1:3

Hi hâwi lawksawngnâk muh ding hen zei rangah na hawng ka siam, hi bang hâwi thil diklo ti hi zeitin na zauh kho zia? Siatnâk leh râwknâk nih hawng ka kulh dak le, mun kip ah a sualnâk leh donâk a um.

ZEPHANIAH 3:17

LALPA, nan Pathian chu nan sinah a um le; a thiltikhonâk nih nehnâk an pêk na. LALPA chu nan lakah â lâwm lai le, amah dâwtnâk ah nunchan thar a nan pêk na lai. Nan tlûnah la sak hen â lâwm lai.

MATHAI 23:23

“Nannih Dân sîntirtu leh Farisai perpê tla, nan tlûn a pit! Pudina tla, mohuri tla, zira tla chu parâ lû ah pakhat nan pêk tâwn le, Dân thu pawiherh dauh-- repnâk, khuaruatnâk leh zumhkâinâk tla chu nan dâithlanh tâwn. Chubang tla chu asi nan ti ding mi chu, a dang tla chu tlawlh lêm lo hen.

LUK 18:7

An lakah a dawnh rih khawmsele a mi thîm, a sûn a zân hen amah auhtu tla phû chu Pathian nih a lam piak lai lo ma?

JOHAN 15:2

Keimah lakah mi ṭeng rah lo mi vial a lawnh tâwn; a rah mi vial a thenhlimhtir tâwn, a rah tam khunnâk ding hen.

DEUTERONOMY 15:9

Thil zeimawh pûktir ding sianglo lah u, bângki veihnâk kum a nâi rawh ruangah khawm ti lah u. Chubang hâwi dawnnâk diklo chu nan thinung ah um lah seh. Pûk ding nan sianglo chun nanmah sâwi hen Pathian a auh lai le, nan mawh lai.

JEM 5:4

Nan lo ah lawh nan lâk mi a man nan pêk lo mi tla vûirâmnâk leh fang pumhtu tla âu hâu chu Zeizawng tikho, Lalpa Pathian nâ nih a theih.