ISAI 5:29 - Bawm Common Language Bible Version

²⁹ An kawrsen tla chu chakeibaknei nih sa a seh mi âukhawm nih suh kholonâk ah a kalpi ving le, a hûk mi hâwi hen hâu an suah.

ISAI 5:29 ပူးပေါင်းရင်းမြစ်များ

GENESIS 49:9

Juda chu chakeibaknei hâwi asi, Sa a seh le, a pûk lakah a hawng kîr nawlh le, Â zangh le, a it. Âukhawm nih an tawngh ngam lo.

SAM 50:22

“Nang, mi lungkhung, hi hi ngâi; chu lo chun ka nan veih awt, âukhawm a nan humtu ding a um lai loh.

ISAI 10:6

Asiria chu Pathian nei lo mi phun ka thinthawktirtu tla do ding hen ka fial. Khualâi ah nâwmtâm hâwi hen lamh bêk na ding hen leh anmah râwk leh lâk piak na ding hen ka fial na.

ISAI 31:4

LALPA nih ka sinah, Dawrâpu chu zei ti tal âu hen râk khawmsele, chakeibaknei nih ran a seh mi chu a hum kho lo; chu hâwi hen LALPA Zeizawng tikho nih Zion Tlâng ka hum ding mi chu hawng ka khap khotu zeikhawm a um loh.

ISAI 35:9

Chunah chun chakeibaknei tla an um lai lo le, sarâng tla khawm chu lampi ah a kal lai lo. LALPA nih ruang a suah na mi tla nih in lei kalnâk lampi ah an mang lai.

ISAI 42:22

Sikhawmsele tuah a mi le tla chu râwk hep hen an um le, khur sungah an renh pang na le, rêngin ah an thuh na ving; râwk leh rûn hen an um le, anmah ruangsuah ding hen pakhat khawm an hawng lo.

ISAI 47:15

Na san lakah chu vial chu mifing thu an simhtu tla nih na rangah thil ṭha an ti mi chu asi lai. A nan mâk thlap lai le, anmah duhnâk chiauah an kal lai le, nangmah humtu pakhat khawm an um lai lo,” a ti.

JEREMIA 2:15

Chakeibaknei hâwi hen an hûk rawh; a ram chu a karo hen an siam le, a khuapi tla chu râwk hen kaltâk phin hen a um.

JEREMIA 4:7

Chakeibaknei â thupnâk mun ah mi a hawng mi hâwi hen, phun tla râwktu a hawng suak rawh. Juda tla râwk ding hen a hawng kal. Juda khuapi tla chu râwk dep hen kaltâk asi lai le, a sungah pakhat khawm an um lai lo.

JEREMIA 49:19

Chakeibaknei tumun thawk hen a hawng suak le, Jordan Va dung zawh hen ram ningno leiah a kal mi hâwi hen ka hawng kal lai le, Edom mi tla chu an ram thawk hen mawhsareh hen ka tektir phin na awt. Churawhchun, ruitu ka thîm mi nih phun lakah lâi a rêl lai. Âu hen nan hawng ka tahkhiat kho awt? Âunih hawng ka zuam ngam awt? Zei lâirêltu nih hawng ka do kho awt?

JEREMIA 50:17

LALPA nih, “Israel mi tla chu chakeibaknei nih dawrâ tla a ṭhâwl na le a rekrâwitir na mi hâwi an si. A masa chem hen Asiria lal nih a do na le, chu nûnah Babulon lalchem Nebukadnezar nih an ruh a khelh.

JEREMIA 51:38

Babulon mi tla chu chakeibaknei hâwi hen an rûm le, chakeibaknei fa hâwi hen an hûk.

HOSEA 11:10

“An mêlma tla lakah chakeibaknei hâwi hen ka hûk tikah chun ka mi tla nih an hawng ka zûl lai rawh. Thlanglei thawk hen khulrang hen ka sinah an hawng lai.

AMOS 3:8

Chakeibaknei a hûk liauah âu ṭih lotu a um? LALPA Zahkâi nih thu a sim mi chu âunih a thuchah khap khotu um?

MIKAH 5:8

Phun lakah a um rih mi tla chu chakeibaknei thing mun ah ei ding a hâwl mi hâwi mawh an tlawngnâk ah â sawk mi hâwi asi lai le, a nam na le, a sâm dip na le, sanh kho an silo rawh mi hâwi an si lai.

NAHUM 2:11

Tu chun khuapi chakeibaknei pûk hâwi a um mi, chakeibaknei pûk ah mi, chakeibaknei tla nih an ei hen an dinnâk mun, chakeibaknei a mipa leh a nunau an va kalnâk mun leh an fa tla an châwmnâk mun chu zeiah a um rawh?

ZEPHANIAH 3:3

A rianṭuantu tla chu chakeibaknei hûk mi hâwi an si, a lâirêltu tla chu chingngia râwlṭâm tla nih zînglei rang khawm ah an hamkah ruangah ruh an zuah kho lo mi hâwi an si.

ZEKARIA 11:3

Lâirêltu tla chu ngaihsia hen an ṭap le, an rokualnâk chu a vei rawh! Chakeibaknei a hûk mi ngâi rawh, an umnâk Jordan vadung ah mi an thing mun chu a vei rawh!

NUMBER 24:9

Chu phun chu chakeibaknei chak tak hâwi asi le, A it liauah âukhawm nih an thawh ngam lo. Âuzawng Israel malsâwmtu chu malsâwm hen a um lai le, Âuzawng Israel siatbarhtu chu siatbarh asi bâk lai,” a ti.