ISAI 5:26 - Bawm Common Language Bible Version

²⁶ Lât tak a um mi phun tla chu kawh ding hen LALPA nih theihtirnâk a pêk. Tual dawnghnâk ah mi tla hawng ding hen sûrsîk hen a kawh na. Chun hinah chak tak leh rang tak hen an hawng!

ISAI 5:26 ပူးပေါင်းရင်းမြစ်များ

SAM 60:4

Mawhnâk lakah mi an suak khonâk ding hen a nan ṭihtu tla chu râlringnâk na pêk na.

SAM 72:8

A lalram chu tipi thawk hen khatlei tipi tiang si seh, Eufretis thawk hen tual dawnghnâk tiang si seh.

ISAI 10:3

Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

ISAI 11:12

LALPA nih phun tla theihtirnâk ding puanzâr, Juda leh Israel anna rekrâwi mi tla, tual kil li thawk hen a pumh nawlh na awt ti theihnâk a thlâi awt.

ISAI 13:2

Tlâng karo tlûnah râltuknâk puanzâr thlâi hen a um! Kawrsen tla sinah chun khuapi zûm kulh kawtkâ do ding hen theihtirnâk ding ah nan bân zangh u, ti hen auh na u.

ISAI 13:3

LALPA nih a zumh na mi leh a rinhsanh na mi kawrsen tla chu râltuk thenhlimh do ding leh an lakah a thinthawk mi minung tla rangah rêp na ding hen a kawh na.

ISAI 13:4

Tlângah mi zapi minung rokual tak âu hâu, phun tla leh lalram tla anna pûm mi hâu chu ngâi u. Kawrsen tla, LALPA chu râltuk ding hen a kawrsen rual a timhtuah liau asi.

ISAI 13:5

Tual dawnghnâk ah mi ram lât tak thawk hen an hawng kal. LALPA chu ram pumpi râwk dep ding hen thinthawk bû hen a hawng kal.

ISAI 18:3

Tual tlûnah um mi zawzawng, ngâi u! Tlâng sâng tak tlûnah puanzâr thlâi ding mi chu zauh u! Tâwtawrâwt tum hâu ngâi u!

ISAI 30:16

Chu hâwi um ding ngangâk hen nan mêlma lakah him ding hen rang chak tak tlûnah chuan ding lam nan tum. Nan dik ngâk, suak ding chu nan tum ding rerêng! Nan rang tla chu chak tâwk ual ding hen nan ruat le, sikhawmsele a nan ṭhâwl natu chu a chak dauh lai.

ISAI 31:9

An ram lal lianchem chu ningṭih hen a tek lai le, an hotu tla chu an lâu tuk ruangah an râltuk puanzâr tla an tektâk lai,” a ti. Chu chu LALPA Jerusalem ah an sawnh mi leh chunah bâwlnâk ah a mei alh kumza mi nih a sim mi asi.

ISAI 39:3

Churawhchun, khuavâng Isai chu lalchem Hezekiah sinah a va kal le, “Hi bang minung tla hi zei thawk hen hawng me an si, zei thu me na sinah an sim?” ti hen a deih. Hezekiah nih a sâng le, “Ram lât tak Babulon thawk hen hawng mi an si,” a ti.

ISAI 7:18

“Chu chu a hawng tlung tikah Aigupta mi tla chu Nile tiva ṭeng mun lât chem thawk hen matho hâwi hen an hawng kal lai le, Asiria tla chu an ram thawk hen khuai hâwi hen hawng kal ding hen LALPA nih sûrsîk hen a kawh na lai.

JEREMIA 4:13

Zauhnik, sûm hâwi hen mêlma tla an hawng. A râltuknâk kari tla chu thli â hêl mi hâwi asi, a rang tla chu mupi ngâk hen an chak. Kan vei mi rawh! Kan vânduai rawh!

JEREMIA 5:15

Israel mi tla, nangmah do ding hen LALPA nih ram lât tak a thawk hen phun a hawng put. A lânah mi phun chak tak, an hawlh na theih lo mi phun asi.

JEREMIA 51:27

“Do ding hen singsiahnâk pêk u! Phun tla nih theih kho ding hen tâwtawrâwt tum u! Phun tla, Babulon do ding hen a tîm u! Ararat, Minni, Askenaz lalram tla chu râltuk ding hen simh na u. Tuknâk ah ruitu ding hen hotu ruat u. Khâubawk rual hâwi hen rang tla put na u.

LUNGFÂKNÂK 4:19

Mupi vân thawk hen â thlûr mi ngâk chak dauh hen hawng kan ṭhâwl. Tlângah hawng kan ṭûmpi le; ramkaro ah chê tak hen hawng kan kalpi.

EZEKIEL 38:17

A lân thawk hen Israel lakah mi khuavâng ka to-aw mang hen thu ka sim liauah ni a hawng tlung ding mi lakah chun âumawh Israel do ding hen ka hawng tir lai, ti thu ka ruah mi chu nangmah hi na si,” a ti. LALPA Zahkâi nih a sim asi.

JOEL 2:7

Râltuk thiam mi hâwi hen an tuk na le, kulh vâm tla lakah an kâi. Mâilei kâng hawi hen ding zar an kal le, khatlei khatlei pial hen lam dang khawm an zawh lo.

HABAKUK 1:8

“An rang tla chu keitê ngâk hen an chak dauh le, chingngia sungvâng ngâk hen an rât dauh. Rang tlûnah anna chuan mi tla chu ram lât tak ah thawk hen an hawng le, an rang tla nih tual ah an kê an thlik. Mû nih sa a châwi ding mi a thlûr mi hâwi hen an hawng kal.

ZEKARIA 10:8

“Ka mi tla chu ka kawh na lai le, munkhat ah ka pumh na lai. Ruang ka suah na lai le, an um ding mi hâwi hen ka pungtir na lai.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

DEUTERONOMY 28:49

Tual dawngnâk ah mi phun an hawlh khawm nan theihlo mi LALPA nih nanmah do ding hen a hawng fial awt. Mupî â thlûr mi hâwi hen a nan nam na lai.