ISAI 5:25 - Bawm Common Language Bible Version

²⁵ LALPA chu a mi le lakah a thinrun le, anmah rêp ding hen a kut a zangh. Tlâng tla â nîn lai le, a thi mi ruak tla chu nâwm pawng hâwi hen khua lâi ah mâk asi lai. Chu khawm ah LALPA thinthawknâk chu a bâng lai lo rih le, anmah rêp ding hen a kut chu a zangh nget lai rih.

ISAI 5:25 ပူးပေါင်းရင်းမြစ်များ

1 Lal 14:11

Nan dâwngsung khua sungah thi mi tla chu ui tla nih an ei lai le, mâng ah thi mi tla chu langdâk nih an ei lai. Kei LALPA nih ka sim mi asi,’ ” a ti.

1 Lal 16:4

Na dâwngsungkhur khuapi sungah thi mi chu ui nih an ei lai le, mâng ah thi mi tla chu langdâk nih an ei lai,’’ a ti.

1 Lal 21:24

Na rualsia khua sungah thi mi zawzawng khawm ui tla nih an ei na lai le, ram lakah an thi mi chu langdâk tla nih an ei lai,” a ti.

2 Lal 13:3

Churuangah LALPA chu Israel tlûnah a thin a run le, Siria lalchem Hazael leh a fapa Benhadad chu Israel tla neh kumzatu ah a siam.

2 Lal 9:37

Jezreel ah Jezebel ruak chu ui tla nih an ei lai le, an ei bang chu tual churtirnâk rang cho asi lai, âukhawm nih amah asi ti an theih kholonâk ding hen,” a ti.

2 CHRONICLES 36:16

Sikhawmsele, Pathian mifial chu an do le, a thu tla siarlo hen khuavâng chu an nihsanh, a dawnghnâk ah chun LALPA thinthawknâk chu a fâk tuktarâi le, pakhat khawm a him mi an um lo.

JOB LASUIBU 9:13

Pathian thinthawknâk chu a um kumza, a mêlma tla, Rahab bawmhtu leh tipi ah thilnung lian nih amah an do.

SAM 106:40

Churawhchun, LALPA chu a mi le tla lakah a thinthawk le; a fih na rawh.

SAM 114:7

Jakob Pathian, lungpi tili ah changtirtu leh tual kak lakah tinung luangtirtu LALPA mâika ah chun a hawng tikah thir u.

SAM 18:7

Pathian a thinrun ruangah tual chu a thir le, â nîn; tlâng tla chu â vâm le, â ṭhen.

SAM 68:8

tual chu â nîn le, vân nih ruah a sûrtir, Sinai Tlâng mi Israel Pathian na hawng ruangah.

SAM 77:18

Na khuarît nih chun a ṭawl le, mîmthlalek nih laikûlh a cherh; tual a thir le, â nîn.

SAM 78:38

Sikhawmsele Pathian nih a mi le tla tlûnah khua a ruat. An sual a ngaihdam le, a veih na loh. Vei tam tak a thinthawknâk a lêt hen â sûm.

SAM 83:10

Endor ah na neh na le, an ruak tla tual ah a thû hep.

EXODUS 7:19

LALPA nih Mosi sinah, “Aron kha a ṭhianṭhunh kha lâk hen tiva tla, tî lampi chawh tla, rilî tla, Aigupta ram ah mi tlûnah lirh ding hen simh. Tî chu thisen ah â chang lai le, ram pumpi ah thing kuang leh lungbêl ah mi tî khawm thisen ah â châng lai,” a ti.

ISAI 10:4

Râltuknâk ah nan thi lai le, rêngtlâ hâwi hen a nan kalpi na lai. Sikhawmsele LALPA thinthawknâk chu a reh dah lai loh, rêp ding hen a bân a zangh nget lai rih.

ISAI 10:6

Asiria chu Pathian nei lo mi phun ka thinthawktirtu tla do ding hen ka fial. Khualâi ah nâwmtâm hâwi hen lamh bêk na ding hen leh anmah râwk leh lâk piak na ding hen ka fial na.

ISAI 14:19

Sikhawmsele nang lam chu thlân nei lo hen na ruak chu thu ding hen lawnh asi. Râltuknâk ah kawrsen a thi mi tla ruak nih an khuh dep le, an sinah lungkhur sungah lawnh hen na um le, pil ving hen na um.

ISAI 23:11

LALPA nih tipi tlûnah a bân a phar le, lalram tla chu a neh rawh. Sawlehnâk munpi chem Phoinikia râwk ding hen thu a pêk rawh.

ISAI 25:11

Liau ding anna tum mi hâwi hen an bân an zangh lai le, sikhawmsele Pathian nih a nâutir na lai le, ṭangpitu nei lo hen an pil lai.

ISAI 29:2

“Pathian mâichâm” an ti mi khuapi tlûnah siatnâk Pathian nih a hawng tlungtir lai. Ṭapnâk leh lungfâknâk a um lai le, khuapi pumpi chu thisen nih mâichâm a tuam mi hâwi hen a um lai.

ISAI 42:25

Churuangah a thinthawknâk theih ding hen hawng kan siam le, siatnâk râltuk hawng kan tuartir. Mei hâwi hen Israel pumpi chu a thinthawknâk nih hawng kan khangh le, sikhawmsele, zei a hawng tlung ti khawm kan theih lo nget rih; chu lakah zeikhawm kan rangah theihnâk kan nei lo.

ISAI 51:20

Khuadung a ken a pak ah na mi tla chu an uai tuk le an tlû; Sazuk a râltu lên nih a awh mi hâwi an si. Pathian thinrunhnâk an tuar.

ISAI 64:3

Na hawng kal liauah kan ruat lo hâwi tak hen thil ṭihnungkâi na ti mi tik tla a hawng um le; tlâng sâng tla nih an muh le, lâu hen anna nîn.

ISAI 66:15

LALPA chu mei hen a hawng lai. An tlûnah a thinthawk mi tla rêp na ding hen thlipi thla tlûnah a hawng a chuan lai.

ISAI 66:24

“An suak liauah ka lakah hel mi ruak tla an muh lai. Anmah eitu tholung tla a thi lai lo, anmah khanghtu mei khawm a mit lai lo. Minung mitmuh ah fihnungkâi an si lai,” a ti.

ISAI 9:11

LALPA nih anmah do na ding hen an mêlma tla thinlung a thawktir.

ISAI 9:16

Chu tla nih diklo tak hen mi an rui na le, an ektê hen an vâi hep.

ISAI 9:17

Churuangah Lalpa nih tlangvâl pakhat khawm a zuah na lai lo le, mi zapi tla chu pathian nei lo leh misual thu sual karo simtu an si ruangah numei leh mipâm tla lak khawm ah lungkhamnâk a nei awtlo. Chu hâwi tluk khawm ah LALPA thinthawknâk chu a dawng awtlo le, sikhawmsele rêp ding hen a kut a zangh nget lai rih.

ISAI 9:20

Ram lakah mun kip ah chuh bû hen buh an tawngnâk zawng ah an ei le, sikhawmsele an sungvâng chu a reh lêm lo. An fa le tla tiang an ei!

ISAI 9:21

Manaseh leh Efraim mi tla anna do le, an panih bawp hen Juda rangah an do. Chu hâwi tluk khawm ah LALPA thinthawknâk chu a reh lo le; a kut chu rêp ding hen a zangh nget rih.

JEREMIA 15:3

Kei, LALPA nih, thil ṭihnungkâi pali an sinah hawng tlung ding hen ka ruat rawh: tuknâk ah an thi lai le, ui nih an ruak a thiar lai le; va tla nih an ei na lai, an eibang chu ramsa tla nih an ei hep lai.

JEREMIA 16:4

Râi ṭihnungkâi tak hen an thi lai le, âukhawm anmah lungfâk hen vûi natu an um lai lo. An ruak tla chu tual churtirtu pawng mi hâwi hen tual ah an rîl phut lai. Râltuknâk ah leh sungvâng hen an thi lai le, an ruak tla chu va tla leh ramsa tla râwl asi lai.

JEREMIA 17:4

Ka thinthawknâk chu mei hâwi hen a alh kumza awt ruangah ram ka nan pêk na mi chu nan dawk lai le, nan theih dah lonâk ram ah nan mêlma tla rianṭuantu ah ka nan siam na lai,” a ti.

JEREMIA 4:24

Tlâng sâng tla ka zauh le, anna nîn le, Tlâng tênâu tla chu khatlei khatlei ah anna ṭhen.

JEREMIA 4:8

Churuangah LALPA thinthawknâk fâk tak Juda lakah mi a reh lo ruangah salâpuan aih ule; ṭap leh thinlung fâk hen um u.

JEREMIA 6:12

An in tla chu midang sinah pêk asi lai le, chu hâwi hen an phâisen leh an nupi tla chu pêk asi lai. Hi ram minung tla hi ka rêp na awt.

JEREMIA 8:2

Pumh leh vûi ngangâk hen tual churtirnâk hâwi hen tual tlûnah an rîl lai. Nî, thlâ, ârfi, chubang minung tla nih an duh hen an rian an ṭuan hen thu an deih hen an sawnh mi mâika ah pharh zut hen an um lai.

JEREMIA 9:22

Munkip ah mithi ruak tla chu rek thu hen an um le, phâisen ah tual churtirnâk pawng mi hâwi hen leh fâng âttu tla nih an fâng ât chia dung leiah an mâk mi âukhawm nih khawk lo rawh mi hâwi an si. Hi hi LALPA nih sim ding hen hawng ka simh mi chu asi,” ka ti.

LUNGFÂKNÂK 5:22

Na kan nawng kumza awt na maw? Silo leh na thinthawknâk a dawng awtlo rêng na maw?

EZEKIEL 15:6

Tuah hi hi LALPA Zahkâi thusim asi, “Tumun ah mi grep zûn lâk hen an duah mi hâwi hen, Jerusalem ah um mi tla chu ka lâk na lai le, ka rêp na awt.

EZEKIEL 30:25

Asi, anih chu ka chak lo tir lai le, Babulon lalchem kut tla chu ka chaktir lai. Ka nâmsâu ka pêk hen Aigupta lei a khît tik chun mikip nih kei, LALPA kasi ti an theih lai.

EZEKIEL 6:14

Asi, ka kut ka phar lai le, an ram ka râwk lai. Simlei ramkaro thawk hen marlei mi Riblah khuapi tiang Israel umnâk zawzawng zuah lo thlo hen a karo hen ka siam awt. Churawhchun, kei, LALPA kasi ti mikip nih an theih lai,” a ti.

DANIAL 9:16

A lânah chun nangmah vêng mi kan si, churuang chun Jerusalem tlûnah na thinthawk lah rawh. Na khuapi leh na tlâng thenhlimh asi. Kan thlâktu tla nih thilsual an ti ruangah kan kiangkam ram minung zawzawng tla nih Jerusalem leh na mi tla an zauhnawmh.

HOSEA 14:4

LALPA nih, “Ka sinah ka mi tla chu ka kawh nawlh lai. Ka thinlung zawzawng hen ka dâwt na lai le, an lakah ka thin a run lai lo rawh.

AMOS 8:8

Churuangah tual â nîn lai le, ram lakah minung tla hamh tak hen an um lai. Ram pumpi â nîn lai le, Nile Tiva tî hâwi hen a thawk thulh a tlû thulh lai.

MIKAH 1:4

A tangah mi tlâng tla chu mei lakah khuailul a zawr mi hâwi hen an zawr lai, tlâng tla tî tawih hâwi hen tivakuam tla a tawih lai.

NAHUM 1:5

LALPA mâika ah tlâng tla a thir le, Tlângtê tla chu a mâika ah an zawr. LALPA a hawng lang liauah tual chu a thir, Laikulh leh a minung tla chu an thir.

HABAKUK 3:10

Tlâng tla nih an muh chun an thir; Vân lei thawk hen tî a hawng tlê. Tual tangah mi tî tla chu an rûm le, tî tlingtlawk tla chu an hawng lian le, an sâng.

ZEPHANIAH 1:17

LALPA nih, “Minung tlûnah chubang hâwi siatnâk ka tlungtir lai le, mi zawzawng mitchâw hâwi hen anna dap sup lai. Ka lakah an sual ruangah, tu chun an thî chu tî hâwi hen a tlê lai le, an ruak chu tual ah thû nuai hen a um lai,” a ti.

DEUTERONOMY 31:17

Chu hâwi a hawng si tik chun an lakah ka thin a thawk lai le; ka kaltâk na lai le, an vei lai rawh. An lakah siatnâk ṭihnungkâi tak a hawng tlung lai le, chu tikah hi bang thil tla chu an tlûnah a hawng tlung tik chun, Kei, an Pathian an sinah ka um lo rawh ruangah asi ti an theih lai rawh.

DEUTERONOMY 31:18

Chu tikah kei nih ka ṭangpi duh na awtlo rawh, thilsual ti hen pathian dang an ka sawnh tâk rawh ruangah.

1 THESALONIKA 2:16

ruangsuah an si khonâk ding hen Phundang tla sinah thusim an khap tâwn; an sual tahnâk khattir tâwn ding hen: Sikhawmsele, thinrunhnâk chu dawng rît hen an tlûnah a hawng tlung rawh.

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.