ISAI 5:23 - Bawm Common Language Bible Version

²³ Sikhawmsele nawhnâk ruangah misual chu dik hen na siam, midik lam chu a dik sual lebang lai ti hen na vêng rêt.

ISAI 5:23 ပူးပေါင်းရင်းမြစ်များ

1 Lal 21:13

Chu mirualo panih chu zatlâng theih hen Pathian leh lal simsâwitu asi ti hen an phiar. Churuangah khuapi lênglei ah an suah le, lung hen thi thlo hen an seh.

2 CHRONICLES 19:7

LALPA chu ṭih ule, thiamthih tak hen thilti u, LALPA kan Pathian chu perpetnâk mawh, thliar leh dangnâk mawh, nawhnâk lâk mawh sâithiam lo mi asi,” a ti.

SAM 94:21

Mi ṭha phiartu leh sual nei lo thahtu hen khawm na rem lo.

THUFING LASUIBU 17:15

Mi mawhlo rangah mawhtir mawh misual rang ngaihdamnâk pêk chu LALPA nih a hua vevê.

THUFING LASUIBU 17:23

Siatnâk ding ah lâirêlnâk diklo nih nawhnâk a lâk le, sikhawmsele lâirêlnâk dik nih a ti duh lo.

THUFING LASUIBU 24:24

Mi a mawh ko mi a mawh lo a ti chun, siatbarh hen a um lai le, mikip nih an hua lai.

ISAI 1:23

Na ruitu tla chu hel hen mifîr tla hâwikawmh an si rawh; thilpêk leh nawhnâk duhtu an si kumza. Mi ngâkṭah tla khawm lâirêlnâk ah an hum na lo, numei tla thunawk sim mi khawm an ngâi piak duh na lo.

ISAI 10:1

Râwk leh siat hen na um rawh! Dân diklo tak hen nan siam le, ka mi tla nan nehsawh.

ISAI 10:2

Chubang hâwi hen mipâm tla chu thu nan neitir lo le, dik tak hen um ding khawm nan siang na lo. Churuang tak chun asi, mi ngâkṭah leh numei tla thil-le-rî nan lâk piak na mi chu.

ISAI 28:7

Khuavâng leh bâwlpu tla tiang men zû an rî le an hâwr. Uain leh a hâng tla an din tam tuktarâi le, an tlû le, anna nawk. Khuavâng tla khawm an din zia a tam tuk ruangah langhnâk tla Pathian nih a hawng pêk mi an theihthiam lo, bâwlpu tla khawm uain an din tam tuktarâi le, thurêl ding an hawng put mi tla rêl kho lo hen an um.

ISAI 29:21

Midang simsâwitu tla, dân buartu tla rêp ding mi khaptu, mi zumhkâi nih diknâk tawng lo ding hen âwkrâwl thusimtu tla chu Pathian nih a veih na lai.

ISAI 32:7

Mi mâwl chu a sual le, thilsual a ti; mipâm tâ chu âwkrâwl hen veitir a tum.

ISAI 59:15

Zumhkâinâk chu a tâwm tuktarâi rawh ruangah, thilsual ti bângtâktu tla khawm nih anmah ngelchel dân buartu an si ti anna theih,” an ti. LALPA nih repnâk rerêng a um lo ti a muh le, â lâwm lo thlo.

AMOS 5:12

Sual ṭihnungkâi tatak nan ti mi leh dân tam tak nan buar mi tla ka theih, mi ṭha tla nan nehsawh na le, nawhnâk nan lâk, mipâm tla khawm lâirêlnâk ah an dik mi khawm diklo hen nan tuah na.

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

MIKAH 7:3

Sual leikângah ti chu an thiam ver, rianṭuan ding leh lâirêl ding hen nawhnâk an hauh. Mi kuaih khotu nih a duh thu chu a simh na le, churawhchun a ti dân an ruat tawnh.

MATHAI 23:35

Chuvachun, Abel mirep tak thahnâk thawk hen Pathian Biakin leh mâichâm karah Barakia fapa Zekaria nan thah mi tiang khan, tual tlûnah mirep an thah mi zawzawng chu nanmah tlûnah rêpnâk a hawng tlung kho lai.

DEUTERONOMY 16:19

An lâirêlnâk lakah khat leikâng ṭângṭawmnâk nei hen diklo tak hen lâi an rêl ding asi lo; nawhnâk khawm an ei ding asi lo, thilpêk nih mifing leh mi zumhkâi mit a châwttir le, diklo tak hen thu thlûknâk a siam tâwn.

JEM 5:6

Mi rep chu nan mawhtir le, nan thah, chun anih nih chun an do na lo.