ISAI 5:17 - Bawm Common Language Bible Version

¹⁷ Chu khuapi â râwk mi lakah chun, dawrâ tla nih belh an ei lai le, kêl tla nih belh ningno an tawng lai.

ISAI 5:17 ပူးပေါင်းရင်းမြစ်များ

NEHEMIAH 9:37

Kan sual ruangah kanmah tlûnah lâirêltu na siah mi nih a ram mi thil suak chu â ting hep. An duh duh hen kanmah leh kan ran lakah an ti le, thungâi kanna hamh rawh!” an ti.

SAM 119:70

Hi minung tla nih hin theihthiamnâk an nei lo, kei lam nih chun na dân thu ah lâwmnâk ka tawng.

SAM 17:10

pawi tinâk nei lo hen puar tak hen an hawlh.

SAM 17:14

hi bang zawzawng duhtu nungnâk lakah mi hi ruang hawng ka suah rawh. An rangah tuarnâk na khawng piak na mi hen rêp na; an fa le rangah tam tâwk rang ding hen leh an fa le tla fa nawlh rang khawm ah mâk piak na ding hen.

SAM 73:7

an thinlung nih sualnâk a suah, an thinlung chu sual thilti tumnâk hen a khat.

ISAI 1:7

Na ram chu râwk hen a um le, na khuapi tla chu tual ah duah hen a um. Na zauh ko liauah ramdang minung nih na ram an lâk le, thil zeizawng an râwk hep.

ISAI 10:16

Awrkâ thaw tak hen anna châwm mi tla sinah LALPA zeizawng tikho nih anmah rêp ding hen râi a fial awt. An tak lakah mei mâ hâwi a durh vima lai.

ISAI 17:2

Siria khuapi tla chu a vei pawt lai rawh. Ran leh dawrâ tla râwl tlatnâk asi lai le, chunah mi chu âukhawm nih an khalh na lai lo rawh.

ISAI 32:14

Lal in tla chu kaltâk hen a um lai le, khuapi chu an roh thlo lai. In tla leh kulh vêng hen a um mi tla chu â râwk pawt lai rawh. Ram sanatung tla chunah chun an tlawng lai le, dawrâ rual nih chunah chun râwl tlatnâk an tawng lai.

ISAI 40:11

A ranrual tla chu dawrâpu hâwi hen a zauhkhenh na lai le, dawrâ fa tla chu a pumh na lai le, a bân hen a put na lai; an pinu tla chu thiamthih tê hen a rui na lai.

ISAI 65:10

An hawng ka sawnh lai le, an dawrâ leh ranrual tla chu thlanglei ah mi Saron Phâi leh saklei ah mi “Akor” (Nawknâk Vakuam) ah an kalpi lai le, an tlawngtir lai.

ISAI 7:25

Tlâng thlâi chîngnâk tla chu bua lingnei hen a khat zat lai le, âukhawm chunah chun an kal lai lo. Ranrual leh dawrâ rual tlawngnâk mun asi lai,” a ti.

JEREMIA 5:28

an bit hen an ei a thaw mi chu. An thilsual ti nih tâwk rî a nei lo. Mi ngâkṭah leh nehsawh hen um mi tla rangah chun diknâk leh repnâk an langh lo.

LUNGFÂKNÂK 5:2

Kan thil-le-rî chu khual tla kut ah a um le; ramdang mi tla chu kan in tla ah an um.

HOSEA 4:16

Israel mi tla chu sanatung hâwi hen an lung a khung. Zeitin ram ningnonâk ah dawrâ hâwi hen ka châwm kho na lai?

HOSEA 8:7

Thli an tuh le, ruahpi an ât lai! Phâisen fâng a min lo mi nih chun sang a suah dah lai lo, suah menza khawmsele ramdang mi nih an ei hep lai.

MIKAH 2:12

“Sikhawmsele nannih Israel mi tla lakah um rih mi tla, munkhat ah ka nan pumh ver na awt. Dawrâ tla an kâwm sungah an hawng kîr mi hâwi hen kan kîrpi na lai. Ram ningno dawrâ a khat mi hâwi hen nan ram chu nan khat zat nawlh teh lai,” a ti.

ZEPHANIAH 2:14

Ranrual tla, ran tla, ramsa chi kip an bawk lai. Chu râwknâk mun ah chun sûmbuh tla an um lai le, langawtkawt lakah an âwn lai. Kawtkâ kâinâk bak ah langâk tla an âwn lai. Sidar thing hen sak mi in tla chu râwk dep hen a um lai.

ZEPHANIAH 2:6

Tipi kapah na ram chu phâisen asi lai le, chunah chun dawrâpu basâ leh dawrâ in tla a um lai.

LUK 21:24

Chun, nâmsâu ah an thi lai le, phun kip sinah sal ah put hen an um lai; chun Phundang tla tik a dawng lânlo chu Jerusalem chu lamhbêk hen a um lai.

DEUTERONOMY 28:33

Hamh tak hen thlâi nan chîng mi tla chu ramdang mi phun nih an lâk hep lai, chu tikah nannih chu nehsawh leh nauneh cho lo chu zeikhawm nan tawng lai lo.

DEUTERONOMY 32:15

“LALPA mi tla chu an nei dadauh le, sikhawmsele hel mang an si; An bit hen an khawp asi. An Siamtu Pathian chu an kaltâk le, an Ruangsuahtu chak chu an duh lo.