ISAI 5:16 - Bawm Common Language Bible Version

¹⁶ Sikhawmsele LALPA Zeizawng tikho nih chun a rokualnâk chu a thilti dik hen a zauhtir le, a thenhlimh zia chu a mi le tla lakah lâirêlnâk hen a langhtir.

ISAI 5:16 ပူးပေါင်းရင်းမြစ်များ

1 CHRONICLES 29:11

Nang chu na rokual hen thil na tikho, na rokual hen na chêu hen na lal. Tual leh vân ah mi thil zeizawng na tâ asi, nang chu lal zeizawng tlûnah lâirêltu sâng chem na si.

SAM 21:13

LALPA, na chaknâk rokual ruangah kan nan sawr.

SAM 46:10

“Nanna tuknâk bâng ule, Pathian kasi mi hi theih u, laikulh leh phun zawzawng lâirêltu kasi ti theih u,” a ti.

SAM 9:16

LALPA amah ngelchel chu a lâirêl repnâk nih a langhtir le, misual tla chu anmah thilti nih a awh na.

ISAI 12:4

Mi zapi tla la sak ding mi ni a hawng tlung awt rawh, “LALPA sinah lâwmthu sim ule! A nan ṭangpi na ding hen kawh u! A thilti chu phun tla zawzawng simh ule, a rokual zia khawm simh na u!

ISAI 2:11

Minung khâwngnâk dawnghnâk, minung zûmnâk veihnâk a hawng tlung awt. Churawhchun, LALPA amah cho chu chungnungtir hen a um lai.

ISAI 2:17

Minung khâwngnâk tla chu a dawng lai le, minung zumhnâk tla chu veih asi lai rawh. Milem tla chu veih phin asi lai le, LALPA amah cho chu, chu ni ah chungnungtir hen a um lai.

ISAI 2:9

Mikip nâutir hen ningzak saih an si lai. LALPA, ngaihdam rîlmâl lah na!

ISAI 28:17

Diknâk chu lungphûm rangah tahnâk asi lai le, zumhkâinâk chu a thûk zia tahnâk asi,” a ti. Thli leh ruah lakah mi rial nih nanna ngauhsan âwkrâwl tla chu a hûi peng lai le, nanna humnâk chu tîlian nih a veih lai.

ISAI 29:23

Fa ka nan pêk na ding mi nan muh tikah chun, kei hi Israel Pathian thenhlimh kasi ti nan theihtir lai. Nan ka zah lai le, chê nan ka ti hen nan dîr lai.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 33:10

LALPA nih phun tla sinah, “Tuah thil ka ti awt. Thil ka ti kho zia ka langhtir awt.

ISAI 33:5

LALPA chu a rokual a! Thil zeizawng tlûnah lâi a rêl. Jerusalem chu diknâk leh rangtlingnâk hen a khattir lai le,

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

ISAI 6:3

An ektê hen anna auh tawnh: “A thenhlimh, A thenhlimh, A thenhlimh! LALPA Zeizawng tikho chu a thenhlimh! A rokualnâk nih laikulh a khattir,” ti hen.

ISAI 61:8

LALPA nih, “Repnâk chu ka duh le, Nehsawhnâk leh thilsual chu ka hua. Ka mi tla chu zumhkâi tak hen lâwmman ka pêk na lai le, An sinah zungzâl thudântuk ka siam lai.

ISAI 8:13

Kei, LALPA Zeizawng tikho, a thenhlimh mi na ṭih ding mi chu kasi ti theihkumza.

EZEKIEL 20:41

Nanna rekrâwinâk ram ah mi ka nan suah na hen munkhat hen ka nan pumh na tikah chun, bâwlnâk nan duah mi tla chu ka pawm lai le, phun tla nih mi thenhlimh kasi zia an muh lai rawh.

EZEKIEL 28:22

Kei, LALPA Zahkâi nih an thu ka sim mi chu simh na: Sidon, na mêlma kasi; na lakah thil ka ti mi ruangah mi nih an hawng ka sawr lai. Na lakah um mi tla rêpnâk hen ka thenhlimh zia ka langh tikah kei, LALPA kasi zia an theih lai.

EZEKIEL 28:25

LALPA Zahkâi nih, “Ka rekrâwitir na nâk phun lakah mi Israel tla chu ka kîrpi nawlh na lai le, phun zawzawng nih ka thenhlimh zia an theih lai. Ka to-aw Jakob rangah ka pêk mi an ram ah Israel tla chu an um lai.

EZEKIEL 36:23

An lakah nan mualphoh mi ka min thenhlimh rokual, phun tla sinah ka langhtir tikah chun Kei, LALPA kasi ti an theih lai rawh. Kei, LALPA Zahkâi nih ka sim asi. Ka min thenhlimh zia phun tla rangah muhtirtu ah ka nan mang na awt.

EZEKIEL 38:16

Ram kanh dak hen ka mi Israel tla chu thlipi hâwi hen na do na lai. Chu chu a tlung tikah phun tla chu âu kasi ti theih ding leh nangmah mang hen ka thenhlimhnâk muhtir ding hen ka ram rûn ding hen ka nan fial awt.

EZEKIEL 38:23

Hi hâwi hen phun zawzawng tla chu ka rokual zia leh ka thenhlimh zia ka zauhtir na lai. Chu tikah kei LALPA kasi ti an theih lai,” a ti.

DANIAL 4:37

“Tu chun, kei Nebukadnezar nih Vân Lalchem chu ka sawr hen ka zah hen ka chawnglawmh rawh. Thil a ti mi zawng chu a dik hen a rep, zûm tak hen thil titu tla chu âuzawng a nâutir kho,” a ti.

LEVITICUS 10:3

Churawhchun, Mosi nih Aron sinah, “Hi hi asi LALPA nih âuzawng ka rianṭuantu nih chun ka thenhlimhnâk hi an zah ding asi, ka mi le sinah ka rokualnâk ka langh lai a ti liauah a sim mi chu,” a ti. Sikhawmsele Aron chu a dâisip.

NUMBER 20:13

Hi hi Meribah ah, Israel mi tla LALPA tlûnah an chipchiar le, â thenhlimhnâk a zauhtir na mi mun ah a hawng um mi asi.

ROM 2:5

Thinlung lianhnâk leh thinlung khauhnâk nan nei. Churuangah Pathian thinrunhnâk leh lâirêlnâk dik tak a hawng lang tik Ni ah chun nanmah rêpnâk lian dauh nan siam asi.

1 PETER 1:16

Kei ka thenhlimh ruangah nanna thenhlimh ding asi,” ti Pathian lasui thu nih a sim ruangah.

1 PETER 2:15

Nan thil ṭha ti hen mi a hawlh salam mi tla chu na bângtir ding hen Pathian nih a nan duh na asi.

1 PETER 3:15

Nan thinlung tla ah Krist rangah zahnâk nei ule, Lal ah siam u. Nanmah lakah lungumnâk nan nei mi simhfiang ding hen an deih natu zawng chu sâng ding hen nunnêm leh zah tak hen a timhtuah kumza u.

THUPHUANG 3:7

“Chun, Philadelphia khua kawhmi vânmifial sinah chun rîn rawh: “Mi thenhlimh mi dik tak, David renh nei hen, âukhawm khâr lo ding hen awngtu leh âukhawm awng lo ding hen khârtu nih khan hi thu hi a sim asi.

THUPHUANG 4:8

Chun, thilnung pali nih chun thla paruk chiau an nei le, an sunglei leh lênglei mit hen a khat phak, sûn leh zân hen la sak an bâng lo; “Lalpa Pathian zeizawng tikhotu, a um rawh mi leh, a um liau mi leh a hawng um ding mi chu, a thenhlimh, a thenhlimh, a thenhlimh,” ti hen.