ISAI 5:15 - Bawm Common Language Bible Version

¹⁵ Mikip ningzak hen an um lai le, â zûm mi zawzawng tla khawm an nâu lai rawh.

ISAI 5:15 ပူးပေါင်းရင်းမြစ်များ

2 SAMUEL 22:28

Anna nâutir mi chu na hum na, sikhawmsele anna zûm mi chu na nâutir.

SAM 131:1

LALPA, ka thinlung zûmnâk chu ka lawnh le, zauhnawmh ka mangnâk chu ka lêt. Nawknâk tla mawh ka rangah thil har tuk mi chu ka duhkâng asi lo.

SAM 62:9

Minung hi thawsuah mi hâwi cho asi, a lian a mê zeikhawm an si lo. Khîng lakah thlâi khawmsele ritnâk an nei lo, thlivir ngâk hen an zâng dauh asi.

EXODUS 9:17

Chu khawm ah na siar lo nget rih le, ka minung tla na suah duh na loh.

THUFING LASUIBU 30:13

A zeimaw mi chu ṭha thlo hen anna ruat, ṭha thlo hen anna ruat châwk a!

ISAI 10:12

Sikhawmsele, Lalpa nih, “Zion Tlângah leh Jerusalem ah thil ka ti mi ka lîm tikah, Asiria lal lianchem zûm hen â khâwng mi chu ka rêp lai ” a ti.

ISAI 10:33

LALPA Zeizawng tikho nih thing ṭeng hâwi hen a thlangh na lai. Anna zûmnâk leh sâng chem ah anna ruat mi tla chu hâu ving hen nâutir an si lai.

ISAI 13:11

LALPA nih, “Tual tlûnah siatnâk ka hawng tlungtir lai le, an sual ruangah mi sual tla zawzawng ka rêp na awt. Mi zûm tla chu ka nâutir lai le, zauhnawmh mang tla leh mi ṭhalo tla chu ka rêp na lai.

ISAI 2:11

Minung khâwngnâk dawnghnâk, minung zûmnâk veihnâk a hawng tlung awt. Churawhchun, LALPA amah cho chu chungnungtir hen a um lai.

ISAI 2:12

Chu ni ah chun LALPA zeizawng tikho nih mikip thiltikho tla, mi puar tla, mi zûm tla a nâutir na lai.

ISAI 2:17

Minung khâwngnâk tla chu a dawng lai le, minung zumhnâk tla chu veih asi lai rawh. Milem tla chu veih phin asi lai le, LALPA amah cho chu, chu ni ah chungnungtir hen a um lai.

ISAI 2:9

Mikip nâutir hen ningzak saih an si lai. LALPA, ngaihdam rîlmâl lah na!

ISAI 37:23

Na zauhnawmh leh na nihsanh mi hi âu si hen na ruat? Kei Israel Pathian thenhlimh na hawng ka zah lo mi asi.

ISAI 37:29

Na thinthawknâk thu leh na khâwngnâk thu an sim mi tla ka theih le, tulam chun na nâr ah siau kan banh lai le, na kâ ah thirbarh kan barh lai le, na hawngnâk lampi lîlâ ah kan kîrtir nawlh awt,” a ti.

JEREMIA 5:9

Hi bang thil tla ruangah hin ka rêp na hen chubang tla ruangah chun phun tla tlûnah phû ka lam awtlo ma?

DANIAL 4:37

“Tu chun, kei Nebukadnezar nih Vân Lalchem chu ka sawr hen ka zah hen ka chawnglawmh rawh. Thil a ti mi zawng chu a dik hen a rep, zûm tak hen thil titu tla chu âuzawng a nâutir kho,” a ti.

ZEPHANIAH 3:11

Chu tik chun, ka mi tla, ka lakah nan hel mi kha ningzakkâi tak hen nan um lai lo rawh. Mi â zûm mi leh â khâwng mi tla chu ka veih ver na lai le, ka tlâng thenhlimh ah âukhawm ka lakah nan hel lai lo rawh.

1 PETER 5:5

Chu hâwi ber hen, nannih seino tla, upa tla thu ngâi u. Nan ektê hen rian a ṭuan piak tawnh ule, thinlung nâunâk hen a thuam u. Pathian nih mizûm tla a do le, â nâutir mi tla lam chu zângfahnâk a pêk tâwn ruangah.